Ebʼ li kutan li naʼuxk xnimankil
Ebʼ li kutan li nekeʼxnima ebʼ laj paabʼanel
Jun ajwiʼ li kutan li naru nekeʼxnima ebʼ laj paabʼanel, bʼar wank li kutan aʼin?
Naq naqaloqʼoni li Yos saʼebʼ li qachʼutam naqataw xsahil qachʼool
Dt 31:12; Heb 10:24, 25
-
Ebʼ li eetalil li naxchap ribʼ rikʼin li naʼlebʼ aʼin:
-
2Cr 30:1, 6, 13, 14, 18-27. Li awabʼej Ezequías kixkʼubʼ jun li nimla ninqʼe chirix li Paswa.
-
Ebʼ li kutan li inkʼaʼ nekeʼxnima ebʼ laj paabʼanel
Kʼaʼut moko usta naq tootzʼaqonq saʼebʼ li ninqʼe li nekeʼxchap ribʼ rikʼin li bʼalaqʼil paabʼal?
1Co 10:21; 2Co 6:14-18; Ef 5:10, 11
Taawil ajwiʼ «Bʼalaqʼil paabʼal; tzʼaqonk saʼ jalan chik paabʼal».
-
Ebʼ li eetalil li naxchap ribʼ rikʼin li naʼlebʼ aʼin:
-
Éx 32:1-10. Qʼaxal kijosqʼoʼk li Jehobʼa naq ebʼ laj Israel xeʼxyal xjunajinkil li tzʼaqal paabʼal rikʼin li bʼalaqʼil paabʼal.
-
Nú 25:1-9. Li Jehobʼa kixkʼe xtojbʼal xmaak li xtenamit xbʼaan naq kitzʼaqonk saʼebʼ li ninqʼe li chalenaq saʼ li bʼalaqʼil paabʼal ut kixmux ribʼ.
-
Ma nekeʼxnima li ralankil li nekeʼtaqenk re li Kriist?
-
Ebʼ li eetalil li naxchap ribʼ rikʼin li naʼlebʼ aʼin:
-
Lu 2:1-5. Li Jesús kiyoʼlaak saʼ li kutan naq yookebʼ chaq chi tzʼiibʼaak ebʼ li qas qiitzʼin; ebʼ laj Roma inkʼaʼ tana xeʼxye rehebʼ laj judiiy li xeʼxqʼet ribʼ naq teʼbʼihaajiq re xtzʼiibʼankil ribʼebʼ xbʼaan naq habʼalqʼe: kʼajoʼ li habʼ ut li ke.
-
Lu 2:8, 12. Naq kiyoʼlaak li Jesús, ebʼ laj kʼaakʼalenel karneer xeʼxnumsi li qʼoqyink chirix kabʼl ut aʼin chʼaʼaj xbʼaanunkil chiru li po diciembre xbʼaan naq kʼajoʼ li ke.
-
Ma tento teʼxnima li xchihabʼ ebʼ laj paabʼanel?
-
Ebʼ li eetalil li naxchap ribʼ rikʼin li naʼlebʼ aʼin:
-
Gé 40:20-22. Naq laj faraón, li naxloqʼoni chaq li bʼalaqʼil yos, yook xnimankil li xchihabʼ kixtaqla xkamsinkil jun li winq.
-
Mt 14:6-11. Naq li awabʼej Herodes yook xnimankil li xchihabʼ kixtaqla xkamsinkil laj Juan aj Kubʼsihomhaʼ xbʼaan naq laj Herodes xikʼ naril chaq ebʼ li xtzolom li Kriist.
-
Ebʼ li nimla kutan li chalenaq saʼ li Xchaqʼrabʼ laj Moisés
Ma tento teʼxbʼaanu ebʼ li tzʼaqal aj paabʼanel chixjunil li naxye saʼ li Xchaqʼrabʼ laj Moisés joʼ ajwiʼ ebʼ li ninqʼe?
Taawil ajwiʼ Gál 4:4, 5, 9-11; Heb 8:7-13; 9:1-3, 9, 10, 24.
Ma tento teʼroxloqʼi li kutan sábado li nekeʼtaqenk re li Kriist?
Taawil ajwiʼ Éx 31:16, 17.
Ebʼ li kutan re xnimankil li awabʼejilal malaj li tenamit?
Ma tento teʼxnima ebʼ laj paabʼanel li kʼanjel li nekeʼxbʼaanu li awabʼejilal malaj li tenamit?
Taawil ajwiʼ «Awabʼejilal: Li nekeʼtaqenk re li Kriist inkʼaʼ nekeʼtzʼaqonk saʼ li xʼawabʼejilal li ruuchichʼochʼ ut saʼ li yalok u».
Ma us raj naq teʼtzʼaqonq ebʼ laj paabʼanel saʼebʼ li naʼlebʼ li naxbʼaanu li tenamit re xjultikankil li xkʼulmank chaq saʼ li yalok u?
Sl 11:5; Is 2:4
Taawil ajwiʼ «Awabʼejilal: Li nekeʼtaqenk re li Kriist inkʼaʼ nekeʼtzʼaqonk saʼ li xʼawabʼejilal li ruuchichʼochʼ ut saʼ li yalok u» ut «Yalok u».
Kaʼajwiʼ li Jehobʼa wank xkʼulubʼ naq tnimaaq ru, abʼan ma tento teʼtzʼaqonq ebʼ laj paabʼanel saʼebʼ li naʼlebʼ li nabʼaanumank re xnimankil ru junaq li winq?
Éx 20:5; Ro 1:25
-
Ebʼ li eetalil li naxchap ribʼ rikʼin li naʼlebʼ aʼin:
-
Hch 12:21-23. Li Yos kixkʼe xtojbʼal xmaak li awabʼej Herodes xbʼaan naq kixkʼulubʼa naq tnimaaq ru, kaʼajwiʼ li Yos wank xkʼulubʼ naq tnimaaq ru.
-
Hch 14:11-15. Laj Pablo ut laj Bernabé inkʼaʼ xeʼxkʼulubʼa naq teʼileʼq joʼ yos re naq teʼloqʼoniiq ru.
-
Ap 22:8, 9. Jun li xʼánjel li Jehobʼa inkʼaʼ kixkanabʼ naq tloqʼoniiq ru.
-