Baiblo mi nɔ hyɛmi níhi nɛ maa ye bua wɔ:

• Rut 1:​11-13, 20—Naomi nɛ e ji yalɔyo nɛ e ngɛ aywilɛho yee ngɛ e bimɛ enyɔ nɛ a gbo ɔ he ɔ nu he kaa Yehowa kua lɛ

• Hio 3:​1, 11, 25, 26; 10:1—Hiob bua jɔɛ kulaa benɛ e weto níhi bɔ lɛ, e bimɛ nyɔngma ba gbo nɛ jehanɛ se hu hiɔ ba fia lɛ ɔ

Ngmamihi nɛ woɔ nɔ bua:

• Ro 12:19; Yak 1:13

Baiblo mi nɔ hyɛmi níhi nɛ woɔ nɔ bua:

• Rut 1:​6, 7, 16-18; 2:​2, 19, 20; 3:1; 4:​14-16 —Benɛ Naomi kpale e se kɛ ya Mawu we bi a ngɔ nɛ a ye bua lɛ nɛ lɛ hu e ye bua ni kpahi ɔ, e ná bua jɔmi ekohu

• Hio 42:​7-16; Yak 5:11—Hiob fĩ si ngɛ e hemi kɛ yemi ɔ mi, nɛ enɛ ɔ ha nɛ Yehowa jɔɔ lɛ babauu

Baiblo mi nɔ hyɛmi níhi nɛ maa ye bua wɔ:

• 1Sa 1:​6, 7, 10, 13-16—Benɛ Penina kɛ Hana yi saminya, nɛ Osɔfo Nɔkɔtɔma Eli hu susu kaa e de dã a, e hao wawɛɛ nitsɛ

• Hio 8:​3-6; 16:​1-5; 19:​2, 3—Hiob huɛmɛ etɛ ɔmɛ po e nya nɛ a bu lɛ fɔ nɛ lɔ ɔ ha nɛ e pee basaa

Ngmamihi nɛ woɔ nɔ bua:

• La 37:​8, 9; Efe 4:26

Baiblo mi nɔ hyɛmi níhi nɛ woɔ nɔ bua:

• 1Sa 1:​9-11, 18—Benɛ Hana sɔle ha Yehowa nɛ e de lɛ nɔ́ fɛɛ nɔ́ nɛ ngɛ e tsui mi ɔ, bɔ nɛ e ngɛ he nue ha a ba si

• Hio 42:​7, 8, 10, 17—Benɛ Hiob kɛ e huɛmɛ etɛ ɔmɛ a tɔmi ke mɛ ɔ, Yehowa jɔɔ lɛ nɛ e ná bua jɔmi ekohu

Baiblo mi nɔ hyɛmi níhi nɛ maa ye bua wɔ:

• 2Ma 22:​8-13; 23:​1-3—Benɛ Matsɛ Yosia kɛ ma mi bi ɔmɛ nu nɛ a kane Mose Mlaa a, a kplɛɛ nɔ kaa a pee yayami agbo

• Ezr 9:​10-15; 10:​1-4—Osɔfo Ezra kɛ ma mi bi ɔmɛ ekomɛ hao wawɛɛ ejakaa a kpɛti ni komɛ ya ngɔ ma se yihi, jinɛ e sɛ nɛ a pee jã

• Luk 22:​54-62—Bɔfo Petro hao nɛ e he nile bu lɛ fɔ benɛ e kua Yesu si etɛ ɔ

Ngmamihi nɛ woɔ nɔ bua:

• La 32:5; 103:​9-14; Yes 1:18; Nít 3:19

• Moo hyɛ Yes 38:17; Mik 7:​18, 19 ɔ hulɔ

Baiblo mi nɔ hyɛmi níhi nɛ woɔ nɔ bua:

• 2Kr 33:​9-13, 15, 16—Ngɛ matsɛmɛ nɛ a ye nɔ ngɛ Yuda a kpɛti ɔ, Manase ji nɔ nɛ pee yayami nɛ kle pe mɛ tsuo, se e tsake e tsui nɛ a na lɛ mɔbɔ

• Luk 15:​11-32—Yesu ngɔ nɔ́ he tomi nɔ́ nɛ kɔɔ bi ko bɔlɔ ɔ he ɔ kɛ tsu ní kɛ tsɔɔ bɔ nɛ Yehowa jeɔ e tsui mi nɛ e kɛ tɔmihi keɔ kulaa ha

Baiblo mi nɔ hyɛmi níhi nɛ maa ye bua wɔ:

• 2Ma 20:​1-3—Matsɛ Hezekia fo ya wawɛɛ ngɛ gbenɔ hiɔ ko nɛ e nu ɔ he

• Flp 2:​25-30—Epafrodito hao wawɛɛ benɛ e nu kaa asafo ɔ na le kaa e be he wami ɔ, ejakaa e ngɛ he susue kaa nyɛmimɛ ɔmɛ ma susu kaa e tsu we ní tsumi nɛ a kɛ wo e dɛ ke e tsu ɔ

Ngmamihi nɛ woɔ nɔ bua:

• La 92:​12-14; Yes 40:​29-31; 46:4; 2Ko 8:12

Baiblo mi nɔ hyɛmi níhi nɛ woɔ nɔ bua:

• 2Sa 17:​27-29; 19:​31-38—A buɔ Barzilai nɛ e yeɔ anɔkuale ɔ wawɛɛ, se e je he si bami mi nɛ e kua ní tsumi nɛ a kɛ wo e dɛ ɔ akɛnɛ e bwɔ ɔ he je

• La 41:​1-3, 12—Benɛ Matsɛ David ba be he wami gbagblaa a, e ngɔ e hɛ kɛ fɔ Yehowa nɔ konɛ e wo lɛ he wami

• Mak 12:​41-44—Yesu je yalɔyo ohiatsɛ ko yi ejakaa e ngɔ nɔ́ nɛ e ngɛ ɔ tsuo kɛ ha yemi kɛ buami