Oihopaenenwa tai tu kwafele:

• Rut 1:​11-13, 20 — Konima eshi omushamane waNaomi novanamati vaye vavali va fya, okwa li a nyika oluhodi neenghono, nokwa li e udite kutya Jehova okwe mu ekelashi

• Job 3:​1, 11, 25, 26; 10:1 — Job okwa li a nyemata neenghono, konima eshi a kanifa oiniwe yaye, ovana omulongo nosho yo oukolele waye

Omishangwa tadi hekeleke:

• Rom 12:19; Jak 1:13

Omahokololo taa hekeleke:

• Rut 1:​6, 7, 16-18; 2:​2, 19, 20; 3:1; 4:​14-16 — Naomi okwa li vali a hafa, eshi a mona ekwafo, nokwa kwafela vamwe, konima eshi a shuna koshiwana shaKalunga

• Job 42:​7-16; Jak 5:11 — Omolweitavelo, Job okwa li e lididimika, na Jehova okwa li e mu punika

Oihopaenenwa tai tu kwafele:

• 1Sam 1:​6, 7, 10, 13-16 — Hanna okwa li a uda nai neenghono, eshi Peninna a li ha ungaunga naye nai, naashi a li a tokolwa shihe li pauyuki komupristeri munene Eli

• Job 8:​3-6; 16:​1-5; 19:​2, 3 — Ookaume kaJob vatatu ova li have liningifa va fa ovayuki, nova li ve mu tokola shihe li pauyuki, osho sha li she mu udifa nai neenghono

Omishangwa tadi hekeleke:

• Eps 37:​8, 9; Ef 4:26

Omahokololo taa hekeleke:

• 1Sam 1:​9-11, 18 — Konima eshi Hanna a mbubulila Jehova omutima waye, ina kala vali a nyika oluhodi

• Job 42:​7, 8, 10, 17 — Konima eshi Job a dimina po ookaume kaye vatatu, Jehova okwa li vali e mu nangeka noupuna noukolele nonehafo

Oihopaenenwa tai tu kwafele:

• 2Eeh 22:​8-13; 23:​1-3 — Ohamba Josia nosho yo Ovaisrael ova li va uda nai neenghono, eshi va mona kutya ova nyona sha kwata moiti, konima eshi va leshelwa mokule Omhango yaMoses

• Esra 9:​10-15; 10:​1-4 — Omupristeri Esra nOvaisrael vamwe ova li va uda nai neenghono, molwaashi vamwe kava li va dulika kuJehova, eshi va hombola ovakainhu ovanailongo

• Luk 22:​54-62 — Omuyapostoli Petrus okwa li e udite ondjo neenghono, konima eshi e lidimbika Jesus lwoikando itatu

Omishangwa tadi hekeleke:

• Eps 32:5; 103:​9-14; Jes 1:18; Oil 3:19

• Tala yo Jes 38:17; Mika 7:​18, 19

Omahokololo taa hekeleke:

• 2Omaf 33:​9-13, 15, 16 — Manasse oumwe womeehamba, odo da li ihadi dulika kuJehova, ashike okwa li e lidilulula, nokwa filwa onghenda

• Luk 15:​11-32 — Jesus okwa longifa eyele lomumati a kanene, opo a yelife nghee Jehova ha dimine po filufilu nehalo liwa

Oihopaenenwa tai tu kwafele:

• 2Eeh 20:​1-3 — Ohamba Hiskia oya li ya nyika oluhodi neenghono, eshi ya li tai vele noi li pokufya

• Flp 2:​25-30 — Epafroditus okwa li a uda nai neenghono, molwaashi ovamwaxe vokuFilippi ova uda kutya okwa li ta vele nokwa li a tila kutya pamwe otava diladila kutya ita wanifa po vali oshinakuwanifwa shaye

Omishangwa tadi hekeleke:

• Eps 92:​12-14; Jes 40:​29-31; 46:4; 2Ko 8:12

Omahokololo taa hekeleke:

• 2Sam 17:​27-29; 19:​31-38 — Barsillai okwa li a fimanekwa neenghono, ashike okwa li a anya oshinakuwanifwa shomombala, molwaashi okwa li ta diladila kutya okwa kulupa noku shi wanifa po

• Eps 41:​1-3, 12 — Eshi ohamba David ya li tai vele neenghono, oya li i shii kutya Jehova ota dulu oku i kwafela

• Mar 12:​41-44 — Jesus okwa li a pandula omufiyekadi ohepele, eshi a yandja omayambidido, molwaashi okwa yandja ashishe osho a li e na