တၢ်အဒိအတဲာ်လၢ လံာ်စီဆှံပူၤ–

• ရူၤ ၁:၁၁-၁၃, ၂၀—နီၢ်နၤဧမံန့ၣ် အဝၤသံဝံၤအလီၢ်ခံ အဖိခွါခံဂၤသံဝဲအဃိ အသးအုးဒိၣ်မး ဒီးအတူၢ်ဘၣ်ဝဲလၢ ယဟိဝၤယွၤ ပာ်တ့ၢ်ကွံာ်အီၤ.

• ဘး ၃:၁, ၁၁, ၂၅, ၂၆; ၁၀:၁—စီၤယိၤဘး အတၢ်ထူးတၢ်တီၤ လီၤမၢ်ကွံာ်, အဖိအဂၤတဆံသံဝဲ ဒီးအဘၣ်တူၢ်တၢ်ဆါနးမးအဃိ အသူၣ်ဟးဂီၤသးဟးဂီၤ.

လံာ်စီဆှံအဆၢလၢ ကမၤစၢၤပှၤ–

• ရိ ၁၂:၁၉; ယၤ ၁:၁၃

လံာ်စီဆှံအဆၢလၢ အမၤမုာ်ထီၣ်ပသး–

• ရူၤ ၁:၆, ၇, ၁၆-၁၈; ၂:၂, ၁၉, ၂၀; ၃:၁; ၄:၁၄-၁၆—နီၢ်နၤဧမံ ဟဲက့ၤအိၣ်က့ၤလၢ ကစၢ်ယွၤ အပှၤဂီၢ်မုၢ်တဖၣ်အကျါ, အဒိးန့ၢ်ဘၣ်တၢ်မၤစၢၤ ဒီးအမၤစၢၤပှၤဂၤ အဃိ အသးမုာ်ထီၣ်က့ၤ.

• ဘး ၄၂:၇-၁၆; ယၤ ၅:၁၁—စီၤယိၤဘး အိၣ်ဒီးတၢ်သးတီအဃိ ယဟိဝၤယွၤ ဆိၣ်ဂ့ၤက့ၤအီၤအါမး.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁:၆, ၇, ၁၀, ၁၃-၁၆—နီၢ်ဃးနၤန့ၣ် နီၢ်ပနံးနၤ တရ့ဒီးအီၤဂ့ၤဂ့ၤဘၣ် ဒီးပှၤလုၢ်တၢ်ခိၣ် အဒိၣ်ကတၢၢ် စီၤဧ့လံၤ ဆိကမိၣ်ကမၣ်အီၤလၢ အမူၤသံးအဃိ အသးဘၣ်ဒိဒိၣ်မး.

• ဘး ၈:၃-၆; ၁၆:၁-၅; ၁၉:၂, ၃—စီၤယိၤဘး အသကိးသၢဂၤ ဟဲတဲဆါအီၤအဃိ အသူၣ်ဟးဂီၤသးဟးဂီၤ ဒီးအသးဘၣ်ဒိဒိၣ်ထီၣ်.

လံာ်စီဆှံအဆၢလၢ ကမၤစၢၤပှၤ–

• စံး ၃၇:၈, ၉; အ့း ၄:၂၆

လံာ်စီဆှံအဆၢလၢ အမၤမုာ်ထီၣ်ပသး–

• ၁ မူၤ ၁:၉-၁၁, ၁၈—နီၢ်ဃးနၤ တဲဖျါထီၣ် အတၢ်တူၢ်ဘၣ်လၢ ယဟိဝၤယွၤ အအိၣ်ဝံၤအလီၢ်ခံ အသးမုာ်ထီၣ်က့ၤ.

• ဘး ၄၂:၇, ၈, ၁၀, ၁၇—စီၤယိၤဘး ပျၢ်ကွံာ်အသကိး သၢဂၤအတၢ်ကမၣ်ဝံၤအလီၢ်ခံ ယဟိဝၤယွၤ မၤဘျါက့ၤအတၢ်ဆါ ဒီးဆိၣ်ဂ့ၤအီၤ.

တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၂၂:၈-၁၃; ၂၃:၁-၃—ဖဲပှၤဖးထီၣ် စီၤမိၤၡ့အတၢ်သိၣ်တၢ်သီ ဝံၤအခါ စီၤပၤယိၤၡံယၤ ဒီးပှၤဂီၢ်မုၢ်တဖၣ် သ့ၣ်ညါလီၤအသးလၢ အဝဲသ့ၣ် မၤကမၣ်တၢ်ဖးဒိၣ်.

• ဧ့ ၉:၁၀-၁၅; ၁၀:၁-၄—ပှၤလုၢ်တၢ်ဒိၣ် စီၤဧ့စြၤ ဒီးပှၤဂီၢ်မုၢ်တဖၣ် သးအုးဒိၣ်မး မ့ၢ်လၢ ပှၤတနီၤန့ၣ် တဒိကနၣ် ယဟိဝၤယွၤ အကလုၢ်ဘၣ် ဒီးဆီဟံၣ်ဆီဃီဒီး ပှၤထံဂၤကီၢ်ဂၤဖိလၢ အတဘူၣ်ထီၣ်ဘါထီၣ် ယဟိဝၤယွၤဘၣ်အဃိ.

• လူၤ ၂၂:၅၄-၆၂—ဖဲတၢ်မၢဖိပ့းတရူး သမၢယ့ၣ်ၡူးဝံၤအလီၢ်ခံ အသူၣ်အုးသးအုးဒိၣ်မး.

လံာ်စီဆှံအဆၢလၢ ကမၤစၢၤပှၤ–

• စံး ၃၂:၅; ၁၀၃:၉-၁၄; ၡါ ၁:၁၈; မၤတၢ် ၃:၁၉

• ကွၢ်စ့ၢ်ကီး ၡါ ၃၈:၁၇; မံ ၇:၁၈, ၁၉

လံာ်စီဆှံအဆၢလၢ အမၤမုာ်ထီၣ်ပသး–

• ၂ ကွဲး ၃၃:၉-၁၃, ၁၅, ၁၆—လၢယူဒၤအစီၤပၤအကျါန့ၣ် စီၤမနၤၡ့ၤ မ့ၢ်စီၤပၤလၢ အအၢကတၢၢ်တဂၤ ဘၣ်ဆၣ် အပီၢ်ယၢ်လီၤက့ၤသးအဃိ ယဟိဝၤယွၤ ပျၢ်ကွံာ်အတၢ်ကမၣ်.

• လူၤ ၁၅:၁၁-၃၂—ယ့ၣ်ၡူးတဲဝဲ တၢ်ကတိၤဒိဘၣ်ဃးဒီး ဖိခွါလၢအဟးဖျိးအဂ့ၢ်န့ၣ် အပာ်ဖျါထီၣ်ဝဲလၢ ယဟိဝၤယွၤ သးအိၣ်ပျၢ်ကွံာ်ပတၢ်ကမၣ် လၢာ်လၢာ်ဆ့ဆ့.

တၢ်အဒိအတဲာ်လၢ လံာ်စီဆှံပူၤ–

• ၂ စီၤပၤ ၂၀:၁-၃—ဖဲစီၤပၤဃံးစကံယၤ ဆိးက့ဘူးထီၣ်ကသံအခါ အသူၣ်အုးသးအုးဒိၣ်မး.

• ဖံလံး ၂:၂၅-၃၀—စီၤအ့းပၤဖရီးဒံတူး အသးအုးခီဖျိလၢ ဒီပုၢ်ဝဲၢ်လၢ ဖံလံးပံၤအပူၤနၢ်ဟူလၢ အအိၣ်တဆူၣ်ဘၣ် ဒီးအဘၣ်ယိၣ်ဝဲလၢ ဒီပုၢ်ဝဲၢ်တဖၣ် ကဆိၣ်ကမိၣ်ကမၣ်အီၤလၢ အမၤလၢပှဲၤအမူဒါတန့ၢ်လၢၤဘၣ်.

လံာ်စီဆှံအဆၢလၢ ကမၤစၢၤပှၤ–

• စံး ၉၂:၁၂-၁၄; ၡါ ၄၀:၂၉-၃၁; ၄၆:၄; ၂ ကရံၣ် ၈:၁၂

လံာ်စီဆှံအဆၢလၢ အမၤမုာ်ထီၣ်ပသး–

• ၂ မူၤ ၁၇:၂၇-၂၉; ၁၉:၃၁-၃၈—ဖဲစီၤဘၢ်စံးလဲ အသးပှၢ်ထီၣ်အခါ စီၤပၤကွဲမုာ်အီၤလၢ အကလဲၤအိၣ်လၢ နီပူၤအခါ အတတူၢ်လိာ်ဝဲဘၣ်.

• စံး ၄၁:၁-၃, ၁၂—စီၤပၤဒၤဝံး ဆိးက့နးမး ဘၣ်ဆၣ် အနာ်ဝဲလၢ ယဟိဝၤယွၤ ကမၤစၢၤအီၤ.

• မၢ် ၁၂:၄၁-၄၄—မုၣ်ကမဲတဂၤအံၤ အဖှီၣ်ဝဲဘၣ်ဆၣ် အဟ့ၣ်လီၤဝဲ တၢ်လၢအအိၣ်ဒီးအီၤခဲလၢာ်အဃိ ယ့ၣ်ၡူးစံးပတြၢၤအီၤ.