Cibalangazo

LIZANI

Cibalangazo

Malemba akuti anatibalangaza tingatsukwala

Pitsandzo pya m’Bhibhlya pyakuti pinatiphedza:
- Rut 1:11-13, 20—Pidaferwa Noemi na mamunace na anace awiri, iye akhanyerezera kuti Yahova akhadansiya.
- Yob 3:1, 11, 25, 26; 10:1—Yobe atsukwala kakamwe pidaluza iye mpfuma yace, anace khumi na pidaphatwa iye na utenda.
Malemba akuti anatibalangaza:
- Aro 12:19; Tiy 1:13.
Pitsandzo pya m’Bhibhlya pyakuti pinatibalangaza:
- Rut 1:6, 7, 16-18; 2:2, 19, 20; 3:1; 4:14-16—Noemi akhala pontho wakutsandzaya pidabwerera iye kuna mbumba ya Mulungu, pidatambira iye ciphedzo mbaphedzambo anango.
- Yob 42:7-16; Tiy 5:11—Thangwi ya cikhulupiro cace, Yobe apirira, pontho Yahova ampasa nkhombo zizinji.

Pitsandzo pya m’Bhibhlya pyakuti pinatiphedza:
- 1Sa 1:6, 7, 10, 13-16—Yana atsukwala kakamwe thangwi yakutsalakanwa mwakuipa na Penina, pontho thangwi yakulongwa mwakuipa na Nyantsembe Wankulu Eli.
- Yob 8:3-6; 16:1-5; 19:2, 3—Yobe atsukwala kakamwe pidatsalakanwa iye mwakusowa ulungami na axamwali ace atatu akuipa.
Malemba akuti anatibalangaza:
- Mas 37:8, 9; Aef 4:26.
Pitsandzo pya m’Bhibhlya pyakuti pinatibalangaza:
- 1Sa 1:9-11, 18—Pidamala Yana kucita phembero kuna Yahova mbalonga pikhali muntima mwace, iye akhala wakutsandzaya kakamwe.
- Yob 42:7, 8, 10, 17—Yobe pidalekerera iye axamwali ace atatu, Yahova ancitisa kukhala na mpfuma na wakutsandzaya.

Esd 9:6; Mas 38:3, 4, 8; 40:12

Pitsandzo pya m’Bhibhlya pyakuti pinatiphedza:
- 2Am 22:8-13; 23:1-3—Mambo Yosiya na mbumba pidabva iwo Mwambo wa Mose, iwo apasika mulando kakamwe.
- Esd 9:10-15; 10:1-4—Nyantsembe Esdhra na mbumba apasika mulando kakamwe thangwi anango nee abvera Yahova, mbamanga banja na akazi a madzindza anango.
- Luk 22:54-62—Mpostolo Pedhru apasika mulando kakamwe pidamala iye kukhonda Yezu katatu kuti nkhabe kundziwa.
Malemba akuti anatibalangaza:
- Mas 32:5; 103:9-14; Iza 1:18; Mab 3:19.
- Pontho onani Iza 38:17; Mik 7:18, 19.
Pitsandzo pya m’Bhibhlya pyakuti pinatibalangaza:
- 2Kr 33:9-13, 15, 16—Manase akhali mambo wakuipa kakamwe mu utongi Waciyuda, mbwenye iye atcunyuka, pontho Yahova amulekerera.
- Luk 15:11-32—Yezu alonga nsangani wa mwana wakutsumbikika toera kupangiza kuti Yahova ali dzololo toera kutilekerera na ntima onsene.

Onani “Kupenula.”

Pitsandzo pya m’Bhibhlya pyakuti pinatiphedza:
- Eks 3:11; 4:10—Mprofeta Mose akhaona kuti nee akhali wakuthema toera kulonga na Farau, na kubulusa mbumba ya Mulungu mu Ejitu.
- Yer 1:4-6—Yeremiya akhanyerezera kuti akhali m’phale wakusowa maluso toera kukhala mprofeta wa Yahova na kumwaza mphangwa kuna anthu akuuma mitima.
Malemba akuti anatibalangaza:
- Mas 29:11; Iza 40:29; 2Ak 3:4, 5; 4:7.
Pitsandzo pya m’Bhibhlya pyakuti pinatibalangaza:
- Eks 3:12; 4:11, 12—Yahova akhali wakupirira, pontho kazinji kene apasa cinyindiro Mose cakuti Iye mbadam’phedza toera kucita basa yace.
- Yer 1:7-10—Yahova apasa cinyindiro mprofeta Yeremiya cakuti mbadam’phedza mu nyatwa zikhafuna kutamba iye.

Onani “Bibvu.”

Mas 71:9, 18; Eks 12:1-7

Pitsandzo pya m’Bhibhlya pyakuti pinatiphedza:
- 2Am 20:1-3—Mambo Ezekiya alira kakamwe pikhabva iye kupha mbasala pang’ono toera kufa.
- Afi 2:25-30—Epafrodhito atsukwala kakamwe thangwi mpingo ukhadziwa kuti iye akubva kupha, pontho iye akhagopa kuti abale mbadanyerezera kuti ciripo cikhadadodomesa iye m’basa yace.
Malemba akuti anatibalangaza:
- Mas 92:12-14; Iza 40:29-31; 46:4; 2Ak 8:12.
Pitsandzo pya m’Bhibhlya pyakuti pinatibalangaza:
- 2Sa 17:27-29; 19:31-38—Bharzilai akhadakalamba, pontho akhali ntumiki wakukhulupirika na wakufunika kakamwe, mbwenye thangwi yakucepeseka kwace iye akhonda basa yakuti nee mbadaikwanisa thangwi yakukalamba kwace.
- Mas 41:1-3, 12—Mu ndzidzi wakuti Mambo Dhavidhi akhabva kupha kakamwe, iye akhali na cinyindiro cakuti Yahova mbadam’phedza.
- Mar 12:41-44—Yezu asimba nzice wakutcerenga thangwi iye aphatisira pinthu pyonsene pikhali na iye toera kucita pyakupereka.