Luumbulizyo

AMULIZYE

Luumbulizyo

Luumbulizyo lwamu Bbaibbele ciindi notutyompedwe

Amubone mutwe wamakani wakuti “Kulibilika”

Zibalo zyamu Bbaibbele zigwasya:
- Rut. 1:11-13, 20—Naomi naakafwidwa mulumaakwe abana bakwe basankwa bobilo, wakatyompwa kapati akulimvwa kuti Jehova wamulekelezya
- Job. 3:1, 11, 25, 26; 10:1—Jobu wakaleka kukkomana akaambo kakusweekelwa lubono lwakwe, kufwidwa bana bakwe bali 10 alimwi akuciswa
Magwalo aawumbulizya:
- Rom. 12:19; Jak. 1:13
Zibalo zyamu Bbaibbele zyuumbulizya:
- Rut. 1:6, 7, 16-18; 2:2, 19, 20; 3:1; 4:14-16—Naomi wakatalika kukkomana alimwi ciindi naakapiluka kubantu ba Leza, naakazumina kugwasyigwa alimwi akugwasya bamwi
- Job. 42:7-16; Jak. 5:11—Jobu wakazumanana kuliyumya cakusyomeka, mpoonya Jehova wakamulongezya kapati

Zibalo zyamu Bbaibbele zigwasya:
- 1Sam. 1:6, 7, 10, 13-16—Hana wakaluuside kapati akaambo kakuteendelezyegwa kabotu a Penina alimwi akutamikizyigwa a Mupaizi Mupati Eli kuti wakalikoledwe
- Job. 8:3-6; 16:1-5; 19:2, 3—Balongwe ba Jobu botatwe bakaamba zintu zitali kabotu calo cakapa kuti aindile kuusa
Magwalo aawumbulizya:
- Int. 37:8, 9; Ef. 4:26
Zibalo zyamu Bbaibbele zyuumbulizya:
- 1Sam. 1:9-11, 18—Hana wakalimvwa kabotu ciindi naakamana kupaila kuli Jehova
- Job. 42:7, 8, 10, 17—Jehova wakamulongezya Jobu ciindi naakamana kubalekelela balongwe bakwe botatwe

Ezr. 9:6; Int. 38:3, 4, 8; 40:12

Zibalo zyamu Bbaibbele zigwasya:
- 2Bam. 22:8-13; 23:1-3—Ciindi Mwami Josiya abantu nobakamvwa Mulawo wa Musa, bakabona kuti bakalubizya kapati
- Ezr. 9:10-15; 10:1-4—Mupaizi Ezara abantu, bakausa kapati akaambo kakutamumvwida Jehova alimwi akuti bamwi bakakwata bamakaintu beenzu
- Lk. 22:54-62—Mwaapostolo Petro wakalipa mulandu akaambo kakumukaka Jesu ziindi zyotatwe
Magwalo aawumbulizya:
- Int. 32:5; 103:9-14; Is. 1:18; Mil. 3:19
- Amubone a Is. 38:17; Mik. 7:18, 19
Zibalo zyamu Bbaibbele zyuumbulizya:
- 2Mak. 33:9-13, 15, 16—Manase uuli akati kabami ba Juda ibakacita zibi zinji kapati, nokuba boobo wakafwidwa luse ciindi naakeempwa
- Lk. 15:11-32—Jesu wakaamba cikozyanyo camwana mutaka kutugwasya kubona kuti ciindi Jehova alekelela, ulacita oobo cakumaninina

Amubone mutwe wamakani wakuti “Kulimvwa Bubi”

Amubone mutwe wamakani wakuti “Kulimvwa Bubi”

Amubone mutwe wamakani wakuti “Kulimvwa Kubula Mpindu”

Zibalo zyamu Bbaibbele zigwasya:
- Kul. 3:11; 4:10—Musinsimi Musa wakalitenga kuti takonzyi kubandika a Farao akugwisya bantu ba Leza mu Egepita
- Jer. 1:4-6—Jeremiya wakalibona kuba mwana alimwi akuti tanaakajisi luzyibo lwakwaambila bantu bazangi mulumbe walubeta
Magwalo aawumbulizya:
- Int. 29:11; Is. 40:29; 2Kor. 3:4, 5; 4:7
Zibalo zyamu Bbaibbele zyuumbulizya:
- Kul. 3:12; 4:11, 12—Cakwiinduluka-induluka, Jehova wakaambila musinsimi Musa kuti wakali kuyoomugwasya mumulimo wakwe
- Jer. 1:7-10—Jehova wakaambila musinsimi Jeremiya kuti atayoowi nkaambo wakali kuyoomugwasya mumulimo wakwe iwakali kukatazya

Amubone mutwe wamakani wakuti “Munyono”

Int. 71:9, 18; Muk. 12:1-7

Zibalo zyamu Bbaibbele zigwasya:
- 2Bam. 20:1-3—Mwami Hezekiya wakalila kapati ciindi naakaciswa akuyanda kufwa
- Flp. 2:25-30—Epafrodita wakatyompwa kapati nkaambo bakwesu ku Filipi bakamvwa kuti ulaciswa alimwi wakalilibilikide kuti balamuyeeyela kuti waalilwa kuzuzikizya mulimo wakwe
Magwalo aawumbulizya:
- Int. 92:12-14; Is. 40:29-31; 46:4; 2Kor. 8:12
Zibalo zyamu Bbaibbele zyuumbulizya:
- 2Sam. 17:27-29; 19:31-38—Mwami wakali kumulemeka Barizilai iwakacembeede cakuti wakamutamba kuti baunke limwi ku Jerusalemu, pele Barizilai wakali kulicesya aboobo wakakukaka kutamba ooko
- Int. 41:1-3, 12—Ciindi Mwami Davida naakacisidwe kapati, wakalisinizyide kuti Jehova uyoomugwasya
- Mk. 12:41-44—Jesu wakamulumbaizya mukamufwu mucete akaambo kakuti wakapa zyoonse nzyaakajisi