Ol eksampel long Baibel:

• Ru 1:​11-13, 20—Naomi i stap wido na em i krai sori long tupela pikinini man bilong em i dai, na dispela i mekim em i pilim olsem Jehova i givim baksait long em

• Jop 3:​1, 11, 25, 26; 10:1—Jop i bel hevi tru bikos olgeta mani kago bilong em i pinis, olgeta 10-pela pikinini bilong em i dai, na em i kisim wanpela sik nogut

Ol skripsa bilong mekim gut bel:

• Ro 12:19; Jem 1:13

Ol stori bilong Baibel bilong mekim gut bel:

• Ru 1:​6, 7, 16-18; 2:​2, 19, 20; 3:1; 4:​14-16—Naomi i pas gut wantaim lain bilong God na em i kisim helpim na givim helpim long ol narapela, na bihain bel hevi bilong em i pinis na em i amamas

• Jop 42:​7-16; Jem 5:11—Jop i sanap strong long bilip, na Jehova i givim em planti blesing

Ol eksampel long Baibel:

• 1Sm 1:​6, 7, 10, 13-16—Hana i bel hevi tru bikos long pasin i no stret Penina i mekim long em na bikos long Hetpris Eli i ting em i spak

• Jop 8:​3-6; 16:​1-5; 19:​2, 3—Tripela pren giaman bilong Jop i ting ol yet i stretpela man na ol i sutim tok long Jop na mekim em i pilim nogut tru

Ol skripsa bilong mekim gut bel:

• Sg 37:​8, 9; Ef 4:26

Ol stori bilong Baibel bilong mekim gut bel:

• 1Sm 1:​9-11, 18—Bihain long Hana i beten na kamapim bel hevi bilong em long Jehova, em i kisim bel isi

• Jop 42:​7, 8, 10, 17—Bihain long Jop i fogivim ol tripela pren bilong em, Jehova i mekim em i gat gutpela helt na em i stap amamas

Ol eksampel long Baibel:

• 2Ki 22:​8-13; 23:​1-3 —Taim King Josaia na ol manmeri bilong em i harim ol man i ritim Lo Bilong Moses, ol i luksave olsem ol i gat asua bikos ol i bin mekim ol bikpela rong tru

• Esr 9:​10-15; 10:​1-4—Pris Esra na ol manmeri i pilim nogut tru bikos sampela man i sakim laik bilong Jehova na maritim ol meri bilong ol narapela kantri

• Lu 22:​54-62—Aposel Pita i pilim gilti na em i bel hevi tru bihain long em i tokaut 3-pela taim olsem em i no save long Jisas

Ol skripsa bilong mekim gut bel:

• Sg 32:5; 103:​9-14; Ai 1:18; Ap 3:19

• Lukim tu Ai 38:17; Mai 7:​18, 19

Ol stori bilong Baibel bilong mekim gut bel:

• 2St 33:​9-13, 15, 16—Manase em i wanpela king nogut tru namel long ol king bilong Juda, tasol em i tanim bel na Jehova i marimari long em

• Lu 15:​11-32—Jisas i mekim tok piksa long pikinini man i lusim Papa na kam bek bilong kamapim klia olsem Jehova i save redi long fogivim tru rong bilong wanpela sinman

Ol eksampel long Baibel:

• 2Ki 20:​1-3—King Hesekia i krai nogut tru bikos long wanpela sik em i gat na klostu em i laik dai

• Fl 2:​25-30—Epafroditus i bel hevi tru bikos kongrigesen i harim olsem em i sik na em i wari long ol bai kisim tingting olsem em i no mekim gut wok bilong em

Ol skripsa bilong mekim gut bel:

• Sg 92:​12-14; Ai 40:​29-31; 46:4; 2Ko 8:12

Ol stori bilong Baibel bilong mekim gut bel:

• 2Sm 17:​27-29; 19:​31-38—Barsilai i stap gut long Devit na em i laikim em tru, tasol long pasin daun em i tok nogat long kisim wanpela asainmen bikos em i pilim olsem em i lapun na em i no inap mekim gut dispela wok

• Sg 41:​1-3, 12—Maski King Devit i kisim bikpela sik, em i bilip tru olsem Jehova bai helpim em

• Mk 12:​41-44—Jisas i tok amamas long wanpela wido husat i stap rabis i givim olgeta mani bilong em olsem kontribiusen