P’untaya
¿Chuqui tac yambʌ ochem ti jiñi pʼuntaya?
-
Ejemplo tac muʼ bʌ i coltañonla:
-
Sal. 51:1, 2. Jiñi rey David tsiʼ cʼajtibe Jehová chaʼan miʼ ñusʌben i mul.
-
Lu 10:29-37. Jesús tsiʼ taja ti tʼan juntiquil samaritano tsaʼ bʌ i pʌsbe i yutslel yicʼot tsiʼ pʼunta juntiquil judío chaʼan miʼ pʌsbeñonla bajcheʼ miʼ mejlel lac pʼuntan yañoʼ bʌ.
-
¿Chucoch ti lac pejtelel i cʼʌjñibal lac chaʼan mi lac pʼuntʌntel?
Sal. 130:3; Ec. 7:20; 1Jn 1:8
Qʼuele jaʼel 1 R. 8:46-50.
¿Bajcheʼ la cujil chaʼan mucʼʌch i pʼuntañonla Jehová?
Éx. 34:6; Neh. 9:17; Sal. 103:8; 2Co 1:3
-
Ejemplo tac muʼ bʌ i coltañonla:
-
Job 42:1, 2, 6-10; Snt 5:11. Jehová tsiʼ pʌsbe Job chaʼan mucʼʌch i pʼuntan i tsiʼ pʌsbe chaʼan cheʼʌch yom miʼ mel jaʼel.
-
Lu 15:11-32. Jesús tsiʼ yʌlʌ chaʼan jiñi i pʼuntaya Jehová lajalʌch bajcheʼ jiñi muʼ bʌ i pʌs juntiquil tatʌl tiʼ tojlel i yalobil muʼ bʌ i chañʼesan i bʌ i miʼ chaʼ ñaʼtan i bʌ.
-
¿Chucoch mucʼʌch i pʼuntañonla Jehová?
Qʼuele jaʼel Tit 3:4, 5.
¿Bajcheʼ miʼ coltañonla chaʼan miʼ ñusʌntel lac mul cheʼ tsiʼ yʌcʼʌ i bʌ ti chʌmel Jesús?
¿Chucoch yom mi laj cʼajtiben Jehová chaʼan miʼ pʼuntañonla yicʼot mi la cʌqʼuen wocolix i yʌlʌ?
-
Ejemplo tac muʼ bʌ i coltañonla:
-
Sal. 51:1-4. Cheʼ bʌ jiñi rey David tsiʼ chaʼle mulil, tsiʼ wen ubi i chʼijyemlel i tsiʼ pʌsʌ i pecʼlel come tsiʼ cʼajtibe Jehová chaʼan miʼ pʼuntan yicʼot miʼ ñusʌben i mul.
-
Lu 18:9-14. Jesús tsiʼ yʌlʌ jumpʼejl lajiya chaʼan miʼ pʌs chaʼan Jehová mucʼʌch i pʼuntan jiñi añoʼ bʌ i pecʼlel yicʼot miʼ cʌñob chaʼan añob i cʼunlel.
-
¿Bajcheʼ la cujil chaʼan Jehová miʼ pʼuntan jaʼel jiñi muʼ bʌ i chaʼleñob tsʌts bʌ mulil?
Dt. 4:29-31; Is. 55:7
-
Ejemplo tac muʼ bʌ i coltañonla:
-
2 Cr. 33:9-13, 15. Anquese jiñi rey Manasés cʌlʌxix tsiʼ chaʼle mulil, tsaʼʌch i chaʼ ñaʼta i bʌ i tsiʼ cʼajtibe Jehová chaʼan miʼ pʼuntan. Ti wiʼil, tsaʼ chaʼ sujti ti rey i tsiʼ pʌsʌ chaʼan i sujmʌch tsiʼ qʼuexta i bʌ.
-
Jon. 3:4-10. Anquese jiñi ninivitajob wen jontolob yicʼot miʼ wen chaʼleñob tsʌnsa, tsaʼʌch i chaʼ ñaʼtayob i bʌ i Dios tsaʼʌch i pʼuntayob.
-
Mi la com chaʼan Jehová miʼ pʼuntañonla, ¿chucoch yomʌch mi lac sub lac mul yicʼot mi lac tojʼesan lac bʌ?
Sal. 32:5; Pr. 28:13; 1Jn 1:9
Anquese Jehová mucʼʌch i pʼuntañonla, mach yomic i yʌl chaʼan maʼañix mi caj lac tajben i wocolel jiñi tsaʼ bʌ lac mele. Tajol yom mi la cʌqʼuentel mero tsʌts bʌ ticʼojel
Éx. 34:6, 7; 2 S. 12:9-13
¿Chucoch yomʌch mi lac pʼuntan yañoʼ bʌ?
Mi maʼañic mi lac pʼuntan yañoʼ bʌ, ¿bajcheʼ yilal mi caj la cajñel la quicʼot Jehová?
Qʼuele jaʼel Pr. 21:13.
-
Ejemplo tac muʼ bʌ i coltañonla:
-
Mt 18:23-35. Jesús tsiʼ cʼʌñʌ jumpʼejl lajiya chaʼan miʼ pʌsbeñonla chaʼan Jehová maʼañic mi caj i pʼuntañonla mi maʼañic mi lac pʼuntan yañoʼ bʌ jaʼel.
-
Lu 10:29-37. Ti jiñi parábola chaʼan jiñi wem bʌ samaritano miʼ pʌs chaʼan Jehová yicʼot Jesús wen miʼ qʼuel jiñi muʼ bʌ i pʼuntan yañoʼ bʌ, pero mach weñic miʼ qʼuel jiñi mach bʌ añic miʼ mel.
-
¿Chuqui miʼ mel Jehová tiʼ tojlel jiñi muʼ bʌ i pʼuntan yañoʼ bʌ?
