Biblu’n nun ndɛ mɔ be kwla uka e’n:

• 1Sa 15:​3, 9-23—Kɛ Ɲanmiɛn nuan ijɔfuɛ Samiɛli mannin Saili i afɔtuɛ’n, ɔ kplili i ti, w’a sɔman afɔtuɛ’n nun klanman. I sɔ’n ti’n, Zoova yili i sa i su.

• 2Ɲo 25:​14-16, 27—Kɛ Famiɛn Amazia yoli sa tɛ’n, Zoova i nuan ijɔfuɛ’n mɛnnin i afɔtuɛ. Sanngɛ w’a tieman. I sɔ’n ti’n, Zoova i klun w’a jɔmɛn i wun kun yɛ w’a sɛsɛmɛn i kun.

Biblu’n nun ndɛ mɔ be kwla uka e’n:

• 3Zn 9, 10—Akoto Zan mɔ w’a yo oke’n ɔ tuli Diotrefɛsi i fɔ. Afin i ɲin yiman be nga be dun mmua asɔnun’n nun’n.

Biblu’n nun ndɛ mɔ be kwla uka e’n:

• 1Sa 23:​16-18—Davidi tieli ndɛ nga Zonatan mɔ i kpɛn trɛ i afuɛ 30 kannin’n. Ɔ maan ɔ ɲannin su ye.

• 1Fa 12:​1-17—Famiɛn Roboamun w’a faman afɔtuɛ kpa nga kpɛnngbɛn’m be mɛnnin i’n su. Sanngɛ ɔ fali ndɛ nga i wiengu gbanflɛn’m be kannin’n su. Ɔ maan i bo’n w’a guaman kpa w’a mɛnmɛn i.

Biblu’n nun ndɛ mɔ be kwla uka e’n:

• 1Sa 25:​14-35—Abigaili mannin Famiɛn Davidi i afɔtuɛ kpa. I ti’n, Davidi w’a kunman sran yɛ sran kpanngban be ɲannin be ti.

• 2Sa 20:​15-22—Bla ngwlɛlɛfuɛ kun ti’n, klɔ kun mɔ be flɛ i Abɛli’n i sufuɛ’m be ɲannin be ti.

• 2Fa 5:​1-14—Izraɛli talua kan kun kannin like ng’ɔ fata kɛ alɛ kunfuɛ dan kun yo naan i kokowe’n w’a wie’n i ndɛ kleli i.

Biblu’n nun ndɛ mɔ be kwla uka e’n:

• 1Ɲo 10:​13, 14—Kɛ ɔ yo naan Famiɛn Saili ko usa Zoova i ngwlɛlɛ afɛ’n, ɔ ko usali bla kun m’ɔ nin be nga be wuli’n be ijɔ’n i sa. I sɔ m’ɔ yoli’n ti’n, ɔ wuli.

• 2Ɲo 22:​2-5, 9—Famiɛn Akazia fali sran tɛtɛ’m be afɔtuɛ’n su. I sɔ’n ti’n, ɔ wuli.

• Zɔb 21:​7, 14-16—Zɔbu kpaloli be nga be ɲin yiman Zoova’n be afɔtuɛ’n.

Biblu’n nun ndɛ mɔ be kwla uka e’n:

• 1Sa 1:​9-16—Ɲanmiɛn ɲrun jranfuɛ dan Eli buli Anin i fɔ. I waan w’a nɔn nzan w’a bo. Kusu nn ɔ siman ndɛ’n nun kpa.

• Mat 16:​21-23—Akoto Piɛli kplili mannin Zezi i afɔtuɛ. Kusu sɛ ɔ ti kɛ Zezi fɛli i afɔtuɛ’n su’n, nn ɔ yoli Satan i klun sa.

Biblu’n nun ndɛ mɔ be kwla uka e’n:

• Tul 3:​13-18—Moizi seli Zoova kɛ ɔ ukɛ i naan ɔ wun wafa ng’ɔ kwla tɛ kosan nga i niaan Izraɛlifuɛ’m be kwla usɛ i’n be su’n.

• 1Fa 3:​5-12—I nun mɔ Famiɛn Salomɔn te yo gbanflɛn’n, w’a lafimɛn i bɔbɔ i wun su. Sanngɛ ɔ srɛli Zoova kɛ ɔ mɛn i ngwlɛlɛ. I sɔ’n ti’n, Zoova yrɛli i su dan kpa.

Biblu’n nun ndɛ mɔ be kwla uka e’n:

• Mat 4:​1-11—I nun mɔ Satan sá Zezi nían’n, Zezi w’a kɛnmɛn i bɔbɔ i klun ndɛ. Sanngɛ ɔ jrannin Ɲanmiɛn Ndɛ’n su tɛli i su.

• Zan 12:​49, 50—Zezi seli kɛ ndɛ kwlaa ng’ɔ kannin’n, i Si yɛ ɔ kleli i-ɔ. I lɛ nun’n, ɔ kle e ajalɛ kpa.

Biblu’n nun ndɛ mɔ be kwla uka e’n:

• 2Ɲo 19:​2, 3—Zoova sinnin i nuan ijɔfuɛ kun i lika tuli Famiɛn Zozafati i fɔ. Sanngɛ kusu ɔ yoli i mo, ninnge kpakpa ng’ɔ yoli be’n ti.

• Ngl 2:​1-4, 8, 9, 12-14, 18-20—Zezi dun mmua yoli asɔnun bo’m be mo ka naan w’a man be afɔtuɛ.

Biblu’n nun ndɛ mɔ be kwla uka e’n:

• Mat 18:​23-35—Zezi fali sunnzun ase fɛfɛ kpa kun fa kleli kɛ ɔ ti cinnjin kpa kɛ e yaci sa e cɛ.

Biblu’n nun ndɛ mɔ be kwla uka e’n:

• 1Sa 15:​23-29—Srɛ w’a kunman Ɲanmiɛn nuan ijɔfuɛ Samiɛli, Saili m’ɔ ti famiɛn’n i wun.

• 1Fa 22:​19-28—Kannzɛ bɔbɔ Famiɛn Akabu wlanwlannin Mikaya yɛ ɔ yoli i kpokokpoko’n, sanngɛ Mikaya w’a kaciman ndɛ ng’ɔ fata kɛ ɔ kan kle i’n.

Biblu’n nun ndɛ mɔ be kwla uka e’n:

• Lik 22:​31-34—Zezi kleli kɛ ɔ lafi su kɛ, kannzɛ akoto Piɛli fɔnnin dan’n, sanngɛ ɔ́ káci i sa yɛ ɔ́ wlɛ́ i niaan’m be fanngan.

• Flm 21—Akoto Pɔlu kleli kɛ ɔ lafi su kɛ Filemɔn wá fá afɔtuɛ nga Ɲanmiɛn maan ɔ mɛnnin i’n, i su.