˗Dhioo ˗nu
˗Wa ˗dhioo dɔ kwa ˗ta
ˈMën ˗kë ˈö kwa dua ˈdhö ˗mü kö ˗dhioo ˗nu ˈwo go Biblö ˈgü ˈkwa ˗an mɛɛnˈˈ?
Ps 32:8; Pr 15:22; 19:20; 20:18
Kpɔɔˈˈ ˈzü Pr 11:14; Is 28:29; Jr 32:19 ˗bha.
˗Wa ˗dhioo dɔ kwa ˗ta ˈmën ˗kë ˈö ˗së kö ˈkwa kwa ˈˈtʋ ˈto ˗a ˗bha, kö ˈkwa ˈdho kwa ˗wo ˈgü bho?
Pr 12:15; 29:1
Kpɔɔˈˈ ˈzü Pr 1:23-31; 15:31 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 15:3, 9-23—˗Dhɛ ˈö ˗Zlan ˗wodhiʋ̈lomɛn Samiɛ ˗yö ˗dhioo dɔ Saidhö ˗ta, Saidhö ˗yö ö ˗wo ˈgü ˗bho. ˈYii ˗dhioo ˈö bhë ˗a man. ˗A ˗wɔn ˈgü Zoova ˗yö ö ˗kɔ ˗bho ˗a ˈgü.
-
2Ch 25:14-16, 27—˗Dhɛ ˈö ˗gblüdë Amazia ˗yö ˈwɔn yaa ˗kë ˈö ˗Zlan ˗wodhiʋ̈lomɛn ˗yö ˗dhioo dɔ ˗a ˗ta, ˈyii ö ˈˈtʋ ˈto ˗dhioo ˈö bhë ˗a ˗bha. ˗A ˗wɔn ˗gü ˗yö ˗kë Zoova ˗dhɛ ˈya˗ ˈö Zoova ˗yö ö ˗kɔ bho ˗a ˗ta.
-
ˈMën ˗kë ˈö kwa dua ˈdhö ˗mü kö ˈkwa ˗maankëmɛn ˗nu ꞊bhlëë ˗ya ˗dhioo ˈö ˈwo˗ dɔ kwa ˗ta bhë, ˗a ˗wɔn ˈgü?
1Te 5:12; 1Ti 5:17; Eb 13:7, 17
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
3Zn 9, 10—Kö bɔmɛn Zan ˗ya kë zii, ˗yö ˗ya Diotrɛfö ˈˈɲan ˈgü ˈyö ˗tɔ ꞊dhɛ ˈyaa kun mɛn ˗nu ˈö ˈwo kun ˈˈdhiʋ̈sü ˗ni ˈgü ˗zlanwokɔdhi ˈka bhë ˗an ꞊bhlëë ˗ya ˗ni ˈgü.
-
ˈMën ˗kë ˈö kwa dua ˈdhö ˗mü kö ˈkwa kwa ˈˈtʋ ˈto mɛn ˗nu ˈö ˈwo bhɔ kwa ˗gɔ, ˗an ˗bha?
Lv 19:32; Pr 16:31
Kpɔɔˈˈ ˈzü Jb 12:12; 32:7; Tit 2:3-5 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 23:16-18—Ʒonatan ˗kun ˈkpii˗ ˈka ˗gblüdë Davi ˗bha. ˗Kwɛ 30 ˈnën kun ˗an ꞊zinŋ ˈgü. ˗Dhɛ Davi ˗yö ö ˈˈtʋ ˈto ˗dhioo ˈö Ʒonatan ˗ya ˗dɔ ˗a ˗ta bhë ˗a ˗bha, ˗yö ˈwɔn ˗së ˗kë ˗a ˗dhɛ.
-
1R 12:1-17—˗Gblüdë Roboamö ˗yö ö ˈˈtʋ ˗to ö ˈˈtɩman ˗nu ˗bha ˗dhioo ˗bha. ˈYii ö ˈˈtʋ ˈto ˗dhioo ˈö mɛn zizi ˗nu ˗wa dɔ ˗a ˗ta bhë ˗a ˗bha. ˗A ˗wɔn ˈgü ˗ya ˈgüwɔn yaa ˗slɔɔ.
-
˗Mën ˈö˗ ˗zɔn ꞊dhɛ dhoŋ ˗nu waa wlüünën ˗nu ˈö ˈwo Zoova ˗dhɔkë ˗së ˈka ˗wo ꞊mɔɔn˗ ˗bha ˈö ˈwo ˗dhioo ˗së dɔ ˈpö?
Jb 32:6, 9, 10; Pr 31:1, 10, 26; Ec 4:13
Kpɔɔˈˈ ˈzü Ps 119:100 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 25:14-35—˗Dhioo ˈö Abigaidhö ˗ya dɔ ˗Gblüdë Davi ˗ta ˗yö mɛn ꞊va ˗dha. ˗Ya ˗kë ˈö ˗Gblüdë Davi ˈyii mɛn ˗nu ˈö ˈwii ˈwɔn yaa ˈbha kë, ˗an zë.
-
2S 20:15-22—Dhebɔ ꞊kpɔɔsü ˈbha ˈö kun Abɛdhö ˗pö ˈgü, ˗a ˗bha ˗dhioo ˗yö ö ˗bha ˈpögümɛn ˗nu ˗todhʋ̈sü ˗dha.
-
2R 5:1-14—Izraɛdhö ˈnëndhiëŋnën do ˗ya ˗pö ˗gblügɔnmɛn ˈˈgbɩɩ˗ do ˈbha ˗dhɛ ˗yö pë ˈbha kë. ˗A ˈsaa˗ ˈgü ꞊weeyua ˗yö ˗go gɔndënën bhë ˗a ˗bha.
-
ˈMën ˗kë ˈö mɛn ˗nu ˈö ˈwaa Zoova waa ö ˈˈDhiwo ˗an ꞊bhlëë ˗ya, ˈˈtʋ ˗to ˗an ˗bha ˗dhioo ˗bha ˗sü ˈdhö ˈya˗?
Ps 1:1; Pr 4:14
Kpɔɔˈˈ ˈzü Dk 6:39 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1Ch 10:13, 14—˗Gblüdë Saidhö ˗yö ö ˗kwaa Zoova ˗zü ˈö dho ˗dɛ ˈˈpiʋ̈. ˈWɔn yaa ˈö˗ ˗kë bhë ˗a ˈkosɔn ˗yö ˗ga.
-
2Ch 22:2-5, 9—˗Gblüdë Okoziasö ˗yö ö ˈˈtʋ ˗to mɛn ˗nu ˈö ˈwo ˗dhioo yaa dɔ ˗a ˗ta bhë, ˗an ˗bha. ˗A ˗wɔn ˈgü ˗yö ˗ga.
-
Jb 21:7, 14-16—Ʒɔbö ˈyii ˈˈwɩ˗ ˗bha kö ˗yö ö ˈˈtʋ ˈto mɛn ˗nu ˈö ˈwaa Zoova ꞊bhlëë ˗ya, ˗an ˗wo ˗bha.
-
˗Dhioo ˗dɔ mɛn ˗ta ˗sü
ˈˈSanni ˈkwa ˗dhioo dɔ mɛn ˈbha ˗ta, ˈmën ˗kë ˈö kwa ˈˈtʋ ˗to mɛn ꞊gban ˗wo ˗bha ˗sü waa ˈwɔn ˈˈpɛpɛ ˈö ˗kë ˗a dɔ ˗sü ˗nu ˈdhö ˗së?
Pr 18:13, 17
Kpɔɔˈˈ ˈzü Pr 25:8 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 1:9-16—ˈˈSaabhomɛn ˈkpii˗ Edhi ˗yö dhiaŋ yaa ˗zë Anö ˗dhɛ ˈö˗ pö ꞊dhɛ dhebɔ ˈö˗ ˗bha ˗Zlan ˗wɔn ˈdhö ˈˈgbɩɩ˗ bhë ˗ya we mü, ˈˈkɛɛ ˈkö ˈwɔn ˈö mü ˈyaa˗ ꞊gban dɔ.
-
Mt 16:21-23—Bɔmɛn Piɛdhö ˗yö ˗dɔn ˗bho Yesu ˈka ˈö˗ pö ˗a ˗dhɛ ö ˗de tii˗ ˈka ˗yö pë ˈbha ˈö ˗dho kë Sɔtraan ˗dhɛ ˗së ˈö ˈyii ˈdho kë Zoova ˗zë ˗dhɛ ˗së ˗a kë.
-
ˈMën ˗kë ˈö ˗së kö ˈkwa bhɛɛˈˈ ˗be ˈˈsanni kö ˈkwa ˗dhioo dɔ mɛn ˈbha ˗ta?
Ps 32:8; 73:23, 24; Pr 3:5, 6
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Ex 3:13-18—˗Zlan ˗wodhiʋ̈lomɛn Moizö ˗yö ˗bhɛɛ Zoova ˗dhɛ kö ˗ya ˗takun kö ˗kɔ ˈö dho ö ꞊dhegblü Izraɛdhönën ˗nu ˗bha ˈwɔn ˈˈɲan bhɔ ˗a ˈka, ˗ya ˗zɔn ˗a ˗dhɛ.
-
1R 3:5-12—˗Gblüdë Sadhomɔn ˈyii ö ˗zoyö ö ˗de ˗dhɛ. ˗Yö ˗bhɛɛ Zoova ˗dhɛ kö ˗yö ꞊kpɔɔdhɛ nu ˗a ˗dhɛ. ˗A ˗kë ˈö˗ ˗wo ˈˈdhʋ̈ bhë, Zoova ˗yö ˈdhuëë˗ ꞊va ˗kpɔ ˗a ˗bha.
-
ˈMën ˗kë ˈö kwa dua ˈdhö ˗mü kö ˈkwa kwa ˗bha ˗dhioo ˗nu waa dhɛɛˈˈ ˈö mɛn ˗nu ˗wa kpɔ kwa ˗gɔ ˗an ˗yɔ ˗nu ˗gɛn ˗gban ꞊dedewo Biblö ˗ta?
Ps 119:24, 105; Pr 19:21; 2Ti 3:16, 17
Kpɔɔˈˈ ˈzü Dt 17:18-20 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Mt 4:1-11—Pë ˈö Yesu ˗ya pö Sɔtraan ˗dhɛ bhë ˗ya ˗sü Biblö ˈgü. ˈYii˗ ˈsü ö ˗de ˈgü.
-
Zn 12:49, 50—Yesu ˗ya ˗zɔn ꞊dhɛ pë ˈˈpɛpɛ ˈö mɛn ˗nu ꞊klaŋ ˗kë ˗a ˈka bhë, ö Dë ˈnën˗ ˗zɔn ˗a ˗dhɛ. Kwa dua ˗mü kö ˈkwa ʒiö ˗a ˗bha ˈwɔnzuan ˗së ˈö bhë ˗a ˈˈpiʋ̈.
-
ˈKwa ˗dhioo dɔ ˗ni ˈgü mɛn ˗nu ˗ta, ˈmën ˗kë ˈö kwa dua ˈdhö ˗mü kö ˈkwa kwa ˈgü dɔ ˈˈgbɩɩ˗ ˈkwa kë ˈˈlëëlë, ˈgo mü ˈzü kö ˈkwa mɛn ˗nu ˈgbe ˈgü ˈˈgan ꞊ya kë ꞊dhɛ ˗a kë ˈˈdhʋ̈ ˗sü ˗dhɛa ˗bha?
Ga 6:1; Ko 3:12
Kpɔɔˈˈ ˈzü Is 9:6; 42:1-3; Mt 11:28, 29 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
2Ch 19:2, 3—Zoova ˗yö ˗bɔ ö ˗wodhiʋ̈lomɛn do ˗ta ˈö ˗dhioo dɔ ˗gblüdë Ʒozafa ˗ta. ˈˈKɛɛ ˗ya ˈgbe ˈgü ˗gan ˈwɔn ˗së ˗nu ˈö ˗an ˗kë ˗an ˗wɔn ˈgü.
-
˗Dh 2:1-4, 8, 9, 12-14, 18-20—Yesu ˗yö ˗zlanwokɔdhigümɛn ˗nu ꞊va ˈˈnuɛ ˗bho ˗be ˈö ꞊tun ˗dhioo dɔ ˗ni ˈgü ˗an ˗ta.
-
Kwa ꞊dhegblü ˈbha ˗ya pö kwa ˗dhɛ ꞊dhɛ kwa ꞊dhegblü ˈˈwɛɛ ˈbha ꞊yaa˗ ˗bha ˈwëëga ˗bhö ɛɛnˈˈ ˗ya ꞊sua ˗ya ˗a ˗bha, ɛɛnˈˈ ˈzü ˗ya ˈwɔn yaa ˈˈwɛɛ ˈbha kë ˗a ˈka, ˈmën ˗kë ˈö ˗së kö ˈkwa˗ ꞊faan ˈmën kö waa˗ ꞊dhegblü ˈö ˈwɔn yaa kë ˗a ˈka bhë ˈwo dho ˗a ˈˈɲan bhɔ ꞊plɛ ˈgü?
Kpɔɔˈˈ ˈzü Lv 19:17 ˗bha.
Kwa ˗dho kwa ꞊dhegblü ˈö˗ ˗bhaa ˈgü ˈwo ˈwɔn yaa kë ˗ni ˈgü ˗a ˈka ˗a ꞊faan ˈmën ˗kɔ ˗kë ꞊dhɛ kö ˗yö mɛn ˗nu ˗wëë zë, ˗yö ö zuʋ̈ˈˈ kë ˗saa ɛɛnˈˈ ˗yö mɛn ˗nu ˗bhawɔn ˈto?
Mt 18:21, 22; Mk 11:25; Dk 6:36; Ef 4:32; Ko 3:13
Kpɔɔˈˈ ˈzü Mt 6:14; 1Ko 6:1-8; 1P 3:8, 9 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Mt 18:23-35—Yesu ˗yö ˈwɔnzuan ˗së do ˗sü kö ˗yö ˈpë ˗kë ˈö ˗së ꞊dedewo kö ˈkwa mɛn ˈˈwɛɛ ˗nu ˗bhawɔn ˈto ˗a ˗zɔn.
-
ˈMën ˗kë ˈö ˗së kö ˈkwa ˈto ˗klu ˗sü ˈka ˈwɔn ˗së ˗bha kö ˈkwa ˗dhioo dɔ ˗ni ˈgü mɛn ˗nu ˗ta?
Ps 141:5; Pr 17:10; 2Ko 7:8-11
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 15:23-29—˗Zlan ˗wodhiʋ̈lomɛn Samiɛ ˈyii ˈˈsuʋ̈ ˗dhioo ˗dɔ ˗gblüdë Saidhö ˗ta ˗sü ˈka.
-
1R 22:19-28—˗Zlan ˗wodhiʋ̈lomɛn Mikaya ˗yö dhiaŋ ˈö Zoova ˗ya zë ˗a ˗pö ˈˈpuu ˈka ˗gblüdë Akabö ˗dhɛ. ˈYii ˈˈsuʋ̈ ˈkö ˗kë ꞊dhɛ ˗wo ˗dho ˈwɔn yaa kë ˗a ˈka.
-
Kwa ˗dho ˗dhioo dɔ mɛn ˗nu ˗ta ˗kɔ ˗kë ꞊dhɛ kö kwa ˗bha ˗dhioo ˈya ˈdho ˗a mɛn bho ˗Zlan ˗bha ʒiaan ˗ta?
Eb 12:11-13
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dk 22:31-34—˗Yö ˗kun ga ˗sü ˈka Yesu ˈgü ꞊dhɛ ˈkö ˗kë ꞊dhɛ bɔmɛn Piɛdhö ˗yö ˈwɔn yaa ꞊dede ˗nu ˗kë, ˗yö ꞊mɔɔn˗ ˗bha ˈö ö ꞊dhegblü ˗nu ꞊faan mën ˗kplawo.
-
Fi 21—˗Yö ˗kun ga ˗sü ˈka bɔmɛn Pɔdhö ˈgü ꞊dhɛ Fidhemɔn ˗dho ˈto ˗dhioo ˈö˗ dɔ ˗a ˗ta ˈö ˗bɛ ˗Zlan dhɔɔbhaawɔn ˗bha bhë, ˗a ˈˈpiʋ̈.
-
ˈKwa ˗dhioo dɔ ˗ni ˈgü mɛn ˗nu ˈö zuʋ̈dhiʋ̈tɛ ˈdhö ˗an ˗bha ɛɛnˈˈ ˈö ˗an ˈgü ꞊ya ga ˗an ˗ta, kwa ˗dho ˗a ˗kë ˗dhɔ ˈgü ˗kɔ ˗kë ꞊dhɛ?
Ko 3:12; Zk 5:14-16; 1P 3:8
Kwa ˗dho ˗a ˗zɔn ˗kɔ ˗kë ꞊dhɛ mɛn ˈbha ˈö ˈwɔn yaa ˗kë ˗a ˗dhɛ ꞊dhɛ kwa˗ ˈˈpiʋ̈ kö ˈkwa˗ ˗takun kö ˗mlɛɛn ˗së ˗yö ˗da ˈzü waa Zoova wo ꞊zinŋ ˈgü?
Ga 6:1; Ef 4:32
ˈKwa ˗dhioo dɔ ˗ni ˈgü mɛn ˈbha ˗ta, ˗yö ˗kë ˈkpii˗ ɛɛnˈˈ ˗yö ˗kë ˈsɛɛnnën, kwa ˗dho ˗a ˗zɔn ˗kɔ ˗kë ꞊dhɛ ꞊dhɛ ˈkwa˗ ꞊bhlëë ˗ya?
1Ti 5:1, 2
ˈMën ˗kë ˈö mɛn zii ˗nu dua ˈdhö ˗mü kö ˗wo ˗dhioo ˈˈgbɩkɩgbɩkɩ dɔ mɛn ˈö ˈyaa˗ ˈˈpiʋ̈ kö ˗yö ˈwɔn man ˗a ˗ta?
1Ko 5:9, 11, 13; 1Ti 5:20; Tit 3:10
Kpɔɔˈˈ ˈzü «Mɛn ˗bho kwa kpö ˈgü ˗sü» ˗bha.
˗A ˗ga ˗sü ˗dhɔ ˗dho ü kë ˈpö
ˈWƆN ˗NU ˈWO ˗GBAN YI ˗BHA
˗A pö ˗wo ˗wo ü ˗dhɛ
Dhɛɛˈˈ ˗nu ˈö Biblö ˗yö ˗an ˗yɔ bɔ, ˗bhö ˗a do ˗ga ɛɛnˈˈ ˗bhö ˈwɔn ˗nu ˈwo ˗gban Zoova ˗bha ꞊Gbɛkiö ˗nu ˗bha ˗a ꞊va ˈbha draanˈˈ.
