Afotu
Aber a obi rutu hɛn fo
Ebɛnadze ntsi na ɔsɛ dɛ yɛhwehwɛ afotu a ogyina Bible do?
Nd 32:8; Mbɛ 15:22; 19:20; 20:18
Hwɛ Mbɛ 11:14; Isa 28:29; Jer 32:19 so
Ebɛnadze ntsi na no ho hia dɛ yetsie afotu sen dɛ yɛdze nsɛm beyiyi hɛnho ano?
Mbɛ 12:15; 29:1
Hwɛ Mbɛ 1:23-31; 15:31 so
-
Bible mu nsɛm a ɔbɔboa wo:
-
1Sa 15:3, 9-23—Aber a nna nkɔnhyɛnyi Samuel retsen Saul n’adwen no, Saul dze nsɛm yiyii noho ano na ɔanngye annto mu; iyi ntsi Jehovah poow no
-
2Mb 25:14-16, 27—Aber a Ɔhen Amaziah yɛɛ bɔn na Jehovah nam no nkɔnhyɛnyi do tseen n’adwen no, ɔanngye annto mu. Iyi ntsi Jehovah n’enyi anngye no ho bio na ɔammbɔ no ho ban
-
Ebɛnadze ntsi na ɔsɛ dɛ yetsie afotu a mpanyimfo a wodzi hɛn enyim dze ma hɛn no?
1Th 5:12; 1Ti 5:17; Heb 13:7, 17
-
Bible mu asɛm a ɔbɔboa wo:
-
3Jo 9, 10—Ɔsomafo John a nna n’enyi efir no kaa Diotrephes n’enyim, osiandɛ nna ommbu ahwɛfo a wɔwɔ Christianfo asafo no mu no
-
Ebɛnadze ntsi na ɔsɛ dɛ yetsie hɔn a hɔn mfe akɔ enyim no?
Le 19:32; Mbɛ 16:31
Hwɛ Job 12:12; 32:7; Tit 2:3-5 so
-
Bible mu nsɛm a ɔbɔboa wo:
-
1Sa 23:16-18—Ɔhen David tsiee afotu a Jonathan dze maa no no na iyi boaa no. Nna Jonathan sen no bɛyɛ mfe 30
-
1Ah 12:1-17—Ɔhen Rehoboam enntsie afotu pa a ne mpanyimfo dze maa no no, mbom no otsiee afotu bɔn a mberantsɛ no dze maa no no, na iyi dze ɔhaw pii bae
-
Ebɛnadze na ɔma yehu dɛ mbaa anokwafo nye Jehovah n’asomfo a wonnyiin pii no mpo botum ama afotu pa?
Job 32:6, 9, 10; Mbɛ 31:1, 10, 26; Ɔsɛ 4:13
Hwɛ Nd 119:100 so
-
Bible mu nsɛm a ɔbɔboa wo:
-
1Sa 25:14-35—Abigail dze afotu bi maa Ɔhen David. Dɛm afotu no gyee nyimpa pii nkwa, na wɔamma David so enndzi bɔgya ho fɔ
-
2Sa 20:15-22—Afotu bi a ɔbaa nyansafo bi a ɔwɔ kurow bi a wɔfrɛ no Abel dze mae no bɔɔ kurow no mufo ho ban
-
2Ah 5:1-14—Israelnyi basiaba bi kyerɛɛ ɔsahen bi beebi a wobotum asa no kwata no ama no
-
Ebɛnadze ntsi na ɔsɛ dɛ yɛyɛ ahwɛyie wɔ afotu a hɔn a wɔnnsom Jehovah no dze ma hɛn no ho?
Nd 1:1; Mbɛ 4:14
Hwɛ Lu 6:39 so
-
Bible mu nsɛm a ɔbɔboa wo:
-
1Mb 10:13, 14—Ɔhen Saul enntsie Jehovah. Dɛ nkyɛ ɔbɔhwehwɛ no hɔ akwankyerɛ no, ɔkɔr adzebisafo bi hɔ mbom. Iyi ntsi owui
-
2Mb 22:2-5, 9—Ɔhen Ahaziah enntsie afotu pa, ntsi owui
-
Job 21:7, 14-16—Job anndwen dɛ mbrɛ hɔn a wɔnnsom Jehovah no dwen no
-
Aber a edze afotu rema obi
Ebɛnadze ntsi na ɔsɛ dɛ itsie asɛm no mu yie na etse n’afa ahorow no nyinara ase ansaana sɛ ewɔ afotu bi a edze ama?
Mbɛ 18:13, 17
Hwɛ Mbɛ 25:8 so
-
Bible mu nsɛm a ɔbɔboa wo:
-
1Sa 1:9-16—Sɔfopanyin Eli twuuw Hannah n’enyim aber mpo a nna onnyim asɛm no nyina mu. Nna ɔyɛ no dɛ ɔabow
-
Mt 16:21-23—Nna ɔsomafo Peter nnyim dɛ nkaenyim a ɔdze rema Jesus no bɛma ɔayɛ Satan n’apɛdze mbom sen dɛ ɔbɛyɛ Jehovah n’apɛdze
-
Ebɛnadze ntsi na ɔsɛ dɛ yɛbɔ Jehovah mpaa dze hwehwɛ no hɔ mboa ansaana yeetu obi fo?
Nd 32:8; 73:23, 24; Mbɛ 3:5, 6
-
Bible mu nsɛm a ɔbɔboa wo:
-
Ex 3:13-18—Nkɔnhyɛnyi Moses serɛɛ Jehovah dɛ ɔmboa no mbrɛ ɔbɛyɛ a obotum eyi nsɛmbisa a Israelfo no bebisa no no ano
-
1Ah 3:5-12—Ɔhen Solomon anngye noho enndzi mbom ɔserɛɛ Jehovah dɛ ɔmma no nyansa, na Jehovah so hyiraa no
-
Ebɛnadze ntsi na ɔsɛ dɛ yɛdze hɛn afotu gyina Bible no do aber nyinara?
Nd 119:24, 105; Mbɛ 19:21; 2Ti 3:16, 17
Hwɛ De 17:18-20 so
-
Bible mu nsɛm a ɔbɔboa wo:
-
Mt 4:1-11—Aber a Satan sɔɔ Jesus hwɛe no, oenngyina ne nyansaa do amma no mbuae, na mbom ɔdze gyinaa Nyankopɔn n’Asɛm do
-
Joh 12:49, 50—Jesus dze ne nkyerɛkyerɛ nyinara gyinaa dza Jehovah akyerɛkyerɛ no no do dze yɛɛ nhwɛdo maa hɛn
-
Ebɛnadze ntsi na sɛ yerutu obi fo a ɔsɛ dɛ yenya no ho abotar na yɛkamfo no wɔ dza otum yɛ no ho?
Ga 6:1; Col 3:12
Hwɛ Isa 9:6; 42:1-3; Mt 11:28, 29 so
-
Bible mu nsɛm a ɔbɔboa wo:
-
2Mb 19:2, 3—Jehovah nam no nkɔnhyɛnyi bi do tseen Ɔhen Jehoshaphat n’adwen na ɔkamfoo no wɔ biribi a ɔbɔ ho mbɔdzen ho
-
Ny 2:1-4, 8, 9, 12-14, 18-20—Jesus dzii kan kamfoo asafo ahorow bi ansaana orutu hɔn fo
-
Sɛ hɛn nua Christiannyi bi ka kyerɛ hɛn dɛ onua fofor esisi no anaa ɔasɛɛ ne dzin a, ebɛnadze ntsi na ɔsɛ dɛ yɛhyɛ no nkuran dɛ ɔnye onua no nkesiesie hɔn ntamu?
Mt 18:15-17; Lu 17:3
Hwɛ Le 19:17 so
Sɛ hɛn nua bi ka kyerɛ hɛn dɛ onua bi afom no a, yebesi dɛn aboa no ma oeenya no ho abotar na ɔdze akyɛ no?
Mt 18:21, 22; Mr 11:25; Lu 6:36; Eph 4:32; Col 3:13
Hwɛ Mt 6:14; 1Co 6:1-8; 1Pe 3:8, 9 so
-
Bible mu asɛm a ɔbɔboa wo:
-
Mt 18:23-35—Jesus maa mfatoho bi dze kyerɛkyerɛɛ siantsir a no ho hia paa dɛ yɛdze bɔn kyɛ no mu
-
Sɛ yerutu obi fo a, ebɛnadze ntsi na ɔnnsɛ dɛ yɛgogow Nyankopɔn ne mbra mu?
Nd 141:5; Mbɛ 17:10; 2Co 7:8-11
-
Bible mu nsɛm a ɔbɔboa wo:
-
1Sa 15:23-29—Nkɔnhyɛnyi Samuel ennsuro dɛ ɔdze afotu bɛma Ɔhen Saul
-
1Ah 22:19-28—Ɔmmfa ho atseetsee nye ehunahuna a Ɔhen Ahab dze baa nkɔnhyɛnyi Micaiah do no, ɔno amma ɔannsesa atsɛmbusɛm a nna ɔsɛ dɛ ɔka kyerɛ no no
-
Sɛ yerutu obi fo a, ebɛnadze ntsi na ɔsɛ dɛ yɛhwɛ yie na yɛannka asɛm bi a ɔbɛma wɔayɛ dzen ama nyimpa no dɛ ɔbɔkɔ do asom Jehovah?
Heb 12:11-13
-
Bible mu nsɛm a ɔbɔboa wo:
-
Lu 22:31-34—Ɔmmfa ho mfom a ɔsomafo Peter dzii no, Jesus nyaa no mu awerɛhyɛmu dɛ ɔbɔkɔ do edzi Jehovah nokwar na ɔaaboa afofor so ma wɔaayɛ dɛmara
-
Phm 21—Nna ɔsomafo Paul wɔ ahotodo dɛ Philemon dze afotu a ogyina Nyankopɔn n’Asɛm do a ɔdze maa no no bɛyɛ edwuma
-
Sɛ yerutu obi a n’abaw mu ebu anaa biribi haw no fo a, yɛbɛyɛ dɛn akyerɛ dɛ yɛdwen no ho?
Col 3:12; Jas 5:14-16; 1Pe 3:8
Sɛ obi dzi mfom bi na yerutu no fo a, yebesi dɛn ama nyimpa no ehu dɛ yɛpɛ dɛ yɛboa no?
Ga 6:1; Eph 4:32
Sɛ obi a yerutu no fo no yɛ panyin o, abofra o, ɔbaa o, banyin o, yebesi dɛn akyerɛ dɛ yebu no?
1Ti 5:1, 2
Ebɛnadze ntsi na ɔsɛ dɛ asafo mu mpanyimfo dze hɔn nan si famu aber a wɔdze afotu rema obi a ɔnntaa mmfa Bible mu afotu nnyɛ edwuma no?
1Co 5:9, 11, 13; 1Ti 5:20; Tit 3:10
Hwɛ “Aber A Oetu Obi” so
Bi A W'enyi Bɛgye Iyi So Ho
HƐNHO NSƐM
Ma Obi Nye Wo Nsua Bible
Ma wɔnye wo mbɔ Bible mu asɛmbisa bi a ɔkyer w’adwen no ho nkɔmbɔ, anaa sua Jehovah Adasefo ho nsɛm pii.
