Ihe Baịbụl kwuru banyere ihe a:

• 1 Sam. 15:3, 9-23​—Mgbe Samuel onye amụma gwara Sọl na ihe o mere adịghị mma, Sọl kwuziri ihe gosiri na o chere na ihe o mere dị mma, o kweghịkwa anabata ndụmọdụ ahụ. Ọ bụ ihe a mere Jehova ji jụ ya

• 2 Ihe 25:14-16, 27​—Mgbe onye amụma Jehova gwara Eze Amazaya ka ọ kwụsị ihe na-adịghị mma ọ na-eme, ọ jụrụ ịnabata ndụmọdụ ahụ. Ọ bụ ya mere Jehova ji jụ ya ma ghara ichebe ya

Ihe Baịbụl kwuru banyere ihe a:

• 3 Jọn 9, 10​—Mgbe Jọn onyeozi merela agadi, ọ katọrọ otú Dayotrefis si eleda ndị na-eduzi ọgbakọ anya

Ihe Baịbụl kwuru banyere ihe a:

• 1 Sam. 23:16-18​—Devid nabatara ndụmọdụ Jonatan, bụ́ onye ji ihe dị ka iri afọ atọ tọọ ya, nyere ya. Ihe a mere ka Devid nwee obi ike

• 1 Eze 12:1-17​—Eze Rehoboam anabataghị ezigbo ndụmọdụ ndị okenye nyere ya. Kama, o gere ntị na ndụmọdụ na-enweghị isi ụmụ okorobịa nyere ya, bụ́kwanụ ihe kpataara ya nsogbu

Ihe Baịbụl kwuru banyere ihe a:

• 1 Sam. 25:14-35​—Abigel nyere Eze Devid ndụmọdụ nke mere ka ọ ghara igbu ndị aka ha dị ọcha. Ihe a mekwara ka ikpe ọbara ghara ịma ya

• 2 Sam. 20:15-22​—Ndụmọdụ otu nwaanyị ma ihe bi n’Ebel nyere mere ka a ghara igbuchapụ ndị obodo ahụ

• 2 Eze 5:1-14​—Aro otu nwatakịrị nwaanyị tụụrụ otu dike mere ka dike ahụ mara ihe ọ ga-eme ka a gwọọ ya ekpenta na-arịa ya

Ihe Baịbụl kwuru banyere ihe a:

• 1 Ihe 10:13, 14​—Eze Sọl gara jụọ onye na-agba afa ase kama ịjụ Jehova. Ọ nwụkwara n’ihi na o nupụụrụ Jehova isi

• 2 Ihe 22:2-5, 9​—Eze Ehazaya nwụrụ n’ihi na ọ nọ na-ege ntị na ndụmọdụ ndị ọjọọ na-enye ya

• Job 21:7, 14-16​—Job jụrụ iche echiche otú ndị na-anaghị efe Jehova si eche

Ihe Baịbụl kwuru banyere ihe a:

• 1 Sam. 1:9-16​—Nnukwu onye nchụàjà aha ya bụ Ịlaị chere na mmanya na-egbu Hana, ya ejiri iwe nye ya ndụmọdụ n’ebughị ụzọ chọpụta ihe merenụ

• Mat. 16:21-23​—Mgbe Pita onyeozi baara Jizọs mba, ọ maghị na ọ nọ na-agwa Jizọs ka o mee ihe Setan chọrọ kama ime uche Jehova

Ihe Baịbụl kwuru banyere ihe a:

• Ọpụ. 3:13-18​—Mosis onye amụma rịọrọ Jehova ka o mee ka ya mata otú kacha mma ọ ga-esi zaa ụmụ Izrel ajụjụ ndị ha ga-ajụ ya

• 1 Eze 3:5-12​—Mgbe Eze Solomọn malitere ịchị, ọ rịọrọ Jehova ka o nye ya amamihe kama iji amamihe nke ya na-achị. Ihe a ọ rịọrọ Jehova mere ka ọ gọzie ya

Ihe Baịbụl kwuru banyere ihe a:

• Mat. 4:1-11​—Mgbe Setan nọ na-anwa Jizọs ọnwụnwa, Jizọs agwaghị ya ihe yanwa bụ́ Jizọs chere, kama, ọ gwara ya ihe dị n’Okwu Chineke

• Jọn 12:49, 50​—Jizọs kwuru na ihe niile ya na-akụziri ndị mmadụ bụ ihe Nna ya kụziiri ya. Anyịnwa kwesịkwara ịna-eme ka Jizọs

Ihe Baịbụl kwuru banyere ihe a:

• 2 Ihe 19:2, 3​—Jehova dunyere onye amụma, ya agwa Eze Jehoshafat na ihe o mere adịghị mma. O jikwa ohere ahụ jaa ya mma maka ihe ndị dị mma o mere

• Mkpu. 2:1-4, 8, 9, 12-14, 18-20​—Jizọs bu ụzọ jaa ọtụtụ ọgbakọ mma tupu ya enye ha ndụmọdụ

 Ihe Baịbụl kwuru banyere ihe a:

• Mat. 18:23-35​—Jizọs mere ihe atụ magburu onwe ya iji gosi ihe mere anyị ji kwesị ịna-agbaghara ndị mejọrọ anyị

Ihe Baịbụl kwuru banyere ihe a:

• 1 Sam. 15:23-29​—Samuel onye amụma nyere Eze Sọl ndụmọdụ n’atụghị ya ụjọ

• 1 Eze 22:19-28​—N’agbanyeghị ihe e tiri Mịkaya onye amụma nakwa ụlọ mkpọrọ a tụbara ya, ọ gbanweghị ihe o kwuru ga-eme Eze Ehab n’ọgbọ agha

Ihe Baịbụl kwuru banyere ihe a:

• Luk 22:31-34​—Obi siri Jizọs ike na Pita onyeozi ga-emecha ghọta onwe ya, meekwa ka okwukwe ndị ọzọ sie ike n’agbanyeghị na o nwere ihe ndị o mejọrọ

• Faị. 21​—Pọl onyeozi nwere obi ike na Faịlimọn ga-eme ihe ọ dụrụ ya n’ọdụ nke dabara n’uche Chineke