Ũtaaro
Kwamũkĩra ũtaaro
Twagĩrĩirũo gũcaria ũtaaro uumanĩte na Bibilia nĩkĩ?
Thb 32:8; Thi 15:22; 19:20; 20:18
Ningĩ rora Thi 11:14; Isa 28:29; Je 32:19
Nĩkĩ nĩ wega gũthikĩrĩria ũtaaro handũ ha gũtetera ciĩko citũ?
Ningĩ rora Thi 1:23-31; 15:31
-
Ngerekano irĩ thĩinĩ wa Bibilia:
-
1Sa 15:3, 9-23—Rĩrĩa mũnabii Samueli aarũngire Saulu, Saulu aambĩrĩirie gwĩtetera na akĩrega ũtaaro, na kwoguo Jehova akĩmũrega
-
2Ma 25:14-16, 27—Rĩrĩa mũnabii wa Jehova aaheire Mũthamaki Amazia ũtaaro akĩmũrũnga, mũthamaki ũcio ndaathikĩrĩirie, na kwoguo agĩtiga gwĩtĩkĩrĩka harĩ Jehova na kũgitĩrũo nĩwe
-
Nĩkĩ nĩ twagĩrĩirũo gũtĩa arĩa matongoragia maũndũ kĩũngano-inĩ rĩrĩa matũhe ũtaaro?
1The 5:12; 1Ti 5:17; Ahi 13:7, 17
-
Ngerekano ĩrĩ thĩinĩ wa Bibilia:
-
3Joh 9, 10—Diotrefe nĩ aaregaga gũtĩa arĩa maatongoragia maũndũ kĩũngano-inĩ gĩa Gĩkristiano, ũndũ ũrĩa watũmire mũtũmwo Johana amũrũnge na njĩra nditũ
-
Twagĩrĩirũo gũthikĩrĩria andũ arĩa akũrũ nĩkĩ?
Ningĩ rora Ayu 12:12; 32:7; Tit 2:3-5
-
Ngerekano irĩ thĩinĩ wa Bibilia:
-
1Sa 23:16-18—Mũthamaki Daudi nĩ aathikĩrĩirie ũtaaro wa Jonathani, ũrĩa warĩ mũkũrũ kũmũkĩra na kĩndũ mĩaka 30 na ũtaaro ũcio ũkĩmwĩkĩra hinya
-
1Ath 12:1-17—Mũthamaki Rehoboamu nĩ aaregire ũtaaro mwega wa andũ akũrũ, na handũ ha ũguo agĩthikĩrĩria ũtaaro mũũru wa anake, ũrĩa warehire maumĩrĩro moru
-
Nĩ kĩĩ kĩonanagia atĩ andũ ethĩ o hamwe na aarĩ a Ithe witũ ehokeku no maheane ũtaaro mwega?
Ayu 32:6, 9, 10; Thi 31:1, 10, 26; Koh 4:13
Ningĩ rora Thb 119:100
-
Ngerekano irĩ thĩinĩ wa Bibilia:
-
1Sa 25:14-35—Abigaili nĩ aaheire Mũthamaki Daudi ũtaaro ũrĩa wamũgirĩrĩirie kũũraga andũ aingĩ matarĩ na mahĩtia
-
2Sa 20:15-22—Mũtumia ũmwe mũũgĩ kuuma itũũra rĩa Abeli nĩ aahonokirie itũũra rĩao rĩothe nĩ ũndũ wa ũtaaro wake
-
2Ath 5:1-14—Kairĩtu kamwe kanini ka Isiraeli nĩ kaaheanire ũtaaro ũrĩa wateithirie mũnene ũmwe wa mbũtũ kũmenya ũrĩa angĩahonirio mangũ
-
Twagĩrĩiũo gwĩthema gũthikĩrĩria ũtaaro wa andũ arĩa matatĩĩte Jehova kana Kiugo gĩake nĩkĩ?
Ningĩ rora Lu 6:39
-
Ngerekano irĩ thĩinĩ wa Bibilia:
-
1Ma 10:13, 14—Mũthamaki Saulu nĩ aatuĩririe ũhoro kuuma kũrĩ mũndũ waaragia na maroho handũ ha gũtuĩria ũhoro kuuma kũrĩ Jehova, na kwoguo agĩkua nĩ ũndũ wa kwaga wĩhokeku
-
2Ma 22:2-5, 9—Mũthamaki Ahazia nĩ aakuire nĩ ũndũ wa gũthikĩrĩria ũtaaro ũtagĩrĩire
-
Ayu 21:7, 14-16—Ayubu nĩ aaregire gwĩciria ta andũ arĩa matatĩĩte Jehova
-
Kũheana ũtaaro
Nĩkĩ nĩ wega gũthikĩrĩria mĩena yothe na kũgĩa na ũhoro wothe wĩgiĩ ũndũ mũna tũtanaheana ũtaaro?
Ningĩ rora Thi 25:8
-
Ngerekano irĩ thĩinĩ wa Bibilia:
-
1Sa 1:9-16—Eli Mũthĩnjĩri-Ngai Ũrĩa Mũnene nĩ aaheire Hana ũtaaro mũritũ o na atambĩte gũtaũkĩrũo maũndũ marĩa Hana aageragĩra, agĩciria atĩ aarĩ mũrĩĩu
-
Mat 16:21-23—Nĩ ũndũ wa mũtũmwo Petero kwaga kũmenya ũhoro wothe, aaheire Jesu ũtaaro ũngĩahingirie muoroto wa Shaitani handũ ha muoroto wa Jehova
-
Twagĩrĩirũo kũhoya Jehova ũtongoria nĩkĩ tũtanaheana ũtaaro?
Thb 32:8; 73:23, 24; Thi 3:5, 6
-
Ngerekano irĩ thĩinĩ wa Bibilia:
-
Tham 3:13-18—Musa nĩ ooririe Jehova amũteithie kũmenya ũrĩa angĩacokirie ciũria iria Aisiraeli mangĩoririe
-
1Ath 3:5-12—Handũ ha kwĩĩhoka we mwene, Mũthamaki Suleimani ũrĩa warĩ mwĩthĩ aahoire Jehova amũhe ũũgĩ, ũndũ ũrĩa watũmire Jehova amũrathime
-
Twagĩrĩirũo gũtigĩrĩra atĩ ũtaaro ũrĩa tũraheana uumĩte Bibilia-inĩ hingo ciothe nĩkĩ?
Thb 119:24, 105; Thi 19:21; 2Ti 3:16, 17
Ningĩ rora Gũc 17:18-20
-
Ngerekano irĩ thĩinĩ wa Bibilia:
-
Mat 4:1-11—Rĩrĩa Jesu aageragio nĩ Shaitani, aamũcokeirie akĩhũthĩra Kiugo kĩa Ngai no ti ũũgĩ wake mwene
-
Joh 12:49, 50—Jesu aaugire atĩ maũndũ marĩa mothe aarutanaga nĩ marĩa Ithe aamũrutĩte, na nĩ twagĩrĩirũo kwĩgerekania na kĩonereria gĩake
-
Nĩkĩ nĩ twagĩrĩirũo gũkorũo tũhooreire rĩrĩa tũraheana ũtaaro na o na tũkamba kũgaathĩrĩria mũndũ tũtanamũhe ũtaaro kũngĩhoteka?
Ningĩ rora Isa 9:6; 42:1-3; Mat 11:28, 29
-
Ngerekano irĩ thĩinĩ wa Bibilia:
-
2Ma 19:2, 3—Jehova nĩ aarũngire Mũthamaki Jehoshafatu kũgerera mũnabii, agĩcoka akĩmũgaathĩrĩria nĩ ũndũ wa maũndũ mega marĩa eekĩte
-
Kũg 2:1-4, 8, 9, 12-14, 18-20—Jesu nĩ aagaathĩrĩirie ciũngano cigana ũna mbere ya gũcihe ũtaaro
-
Mũkristiano angĩũka kũrĩ ithuĩ gũteta nĩ ũndũ wa Mũkristiano ũngĩ arona ta amwĩkĩte ũũru, hihi ta kũmũtunya mbeca kana kĩndũ kĩngĩ kana gũtheremia mũhuhu mũũru ũmwĩgiĩ-rĩ, nĩkĩ nĩ wega kũmwĩkĩra ngoro ambe aranĩrie na ũcio ũmũhĩtĩirie?
Ningĩ rora Ala 19:17
Tũngĩkĩra ngoro atĩa Mũkristiano ũrona ta ekĩtwo ũndũ mũũru onanie tha na wetereri, na ohanĩre?
Mat 18:21, 22; Mar 11:25; Lu 6:36; Ef 4:32; Kol 3:13
Ningĩ rora Mat 6:14; 1Ko 6:1-8; 1Pe 3:8, 9
-
Ngerekano ĩrĩ thĩinĩ wa Bibilia:
-
Mat 18:23-35—Jesu nĩ aaheanire ngerekano ĩronania nĩkĩ nĩ ũndũ wa bata mũno harĩ ithuĩ kuohanagĩra
-
Nĩkĩ tũtiagĩrĩirũo kũregeria ithimi cia Jehova rĩrĩa tũraheana ũtaaro?
Thb 141:5; Thi 17:10; 2Ko 7:8-11
-
Ngerekano irĩ thĩinĩ wa Bibilia:
-
1Sa 15:23-29—Samueli ndeetigĩrire kũhe Mũthamaki Saulu ũtaaro
-
1Ath 22:19-28—Mũnabii Mikaia ndaacenjirie ndũmĩrĩri nditũ ĩrĩa aaheaga Mũthamaki Ahabu o na thutha wa kũhũũrũo na kwĩrũo nĩ egũikio njera
-
Tũngĩhe mũndũ ũtaaro atĩa tũtekũmũguraria kĩĩroho?
-
Ngerekano irĩ thĩinĩ wa Bibilia:
-
Lu 22:31-34—Jesu aarĩ na ma atĩ o na gũtuĩka mũtũmwo Petero nĩ aahĩtĩtie na njĩra nene, nĩ angĩahotire gwĩkĩra arĩa angĩ hinya
-
Fil 21—Mũtũmwo Paulo aarĩ na ma atĩ Filemona nĩ angĩarũmĩrĩire ũtaaro wake ũrĩa waringanaga na wendi wa Ngai
-
Tũngĩonania ũtugi atĩa rĩrĩa tũrahe mũndũ ũraigua akuĩte ngoro ũtaaro?
Tũngĩonania atĩa atĩ muoroto witũ nĩ gũteithia ũrĩa ũhĩtĩtie acokie ũrata mwega hamwe na Jehova?
Tũngĩonania atĩa atĩ nĩ tũratĩa ũrĩa tũrahe ũtaaro gũtekũmakania ũkũrũ wake na kana nĩ mũrũ kana mwarĩ wa Ithe witũ?
Nĩ kĩĩ gĩtũmaga athuri a kĩũngano marũnge na njĩra nditũ mũndũ ũrarega kũrũmĩrĩra ũtaaro wa Maandĩko?