Tamaseliilaŋ o Baabuiyo niŋ la mala naa laŋ:

• 1Sa 15:​3, 9-23—Mɛɛ Saamiɛɛ, wana ndoo suaa le Mɛlɛka wo sila Masaa Sɔɔl, mbo yɔŋgu kafɛilaŋ, okoŋ mbo kɛɛ sila nda ke ndu wo. Lelaŋ, mi Chɛhowa bɛɛ kɛɛ ndu o le waa masaa

• 2Ko 25:​14-16, 27—Mɛɛ Masaa Amasaya tosa hakioo, okoŋ mi wana ndoo suaa le Chɛhowa wo sila ndu, o yeŋ lani le. Lelaŋ mi Chɛhowa tambu kɔl a ndu, okoŋ mbo chɛl le ma dii ndu

Tamaseliilaŋ o Baabuiyo niŋ la mala naa laŋ:

• 3Chŋ 9, 10—Mi kiilanɔɔ Chɔŋ wa niŋ o yuwɛiyo wo pɛɛsa Diotɛluɛfɛsi, le mɛɛ o ve lebɛɛ chɔm le wanaa wa chilaŋ chuaa o Kunda leKilisiɔŋndo niŋ te wa yɛ

Tamaseliilaŋ o Baabuiyo niŋ la mala naa laŋ:

• 1Sa 23:​16-18—Chonataŋ ndoo chuu Masaa Deeve o kɔɔ le wɔsilaŋ 30. Nduyɛ le mɛɛ Deeve ndoo yaŋ ndu nilaŋ yɛ, mi keŋ ndii mala ndu tau

• 1Ma 12:​1-17—Mi Masaa Luehobowam kɛɛ sila kɛndɛ bɛnduaa yuuwa ndaa ke ndu wo, okoŋ mbo yaŋ sila wɔɔŋ feleŋguaa ndaa ke ndu wo nilaŋ. Le hei, mbo sɔla fulamakɔɔlila wɔɔŋndaŋ tau.

Tamaseliilaŋ o Baabuiyo niŋ la mala naa laŋ:

• 1Sa 25:​14-35—Mɛɛ Abikee ke Masaa Deeve silaa, mi keŋ kuuna ndu suɛi wɔɔŋnde tosaa, okoŋ mi i piŋi yoomula waŋnda

• 2Sa 20:​15-22—Mi waŋnda o chioo Ebɛl niŋ kpou sɔla chindaa le mɛɛ nda yaŋ sila chua taasi pum nilaŋ yɛ

• 2Ma 5:​1-14—Mi chuaambɔ Isɔluɛinɔɔ sila kuubanɔ chɔuwo a mɛɛ ndoo looku mbo sɔla sioŋgɔɔ a naa ŋlɛlɛ ndoo nɔ wo yɛ

Tamaseliilaŋ o Baabuiyo niŋ la mala naa laŋ:

• 1Ko 10:​13, 14—Mɛɛ Masaa Sɔɔl kɛɛ le Chɛhowa nyunaa le nɛi chɔmaa, okoŋ mbo kua o wana ŋwaŋ vilɛiyo lo, mi Chɛhowa dii ndu

• 2Ko 22:​2-5, 9—Mɛɛ Masaa Ahasaya tol sila wanaa dɛnɛ wɔɔŋnda kɔɔli, mbo sɔla piɔmndo le keŋ

• Choobu 21:​7, 14-16—Mi Choobu kɛɛ nilaŋ yaŋɔɔ o wanaa ndaa nɔ lebɛɛ le Chɛhowa le wa

 Tamaseliilaŋ o Baabuiyo niŋ la mala naa laŋ:

• 1Sa 1:​9-16—Mi Ilai, Masa Wanaa Soliaa Lasalaa ke Hana sila kala kalaa, o kindiŋ fɛŋ le sinaa nyɛ yɔŋnuŋ ndo le. Ndoo yiyaŋ ko maa muɛiyaŋ chua ndoo nɔ hoo laalaŋndo wo kol ni

• Mat 16:​21-23—Mɛɛ Pitɛ ke Chiisu sila kala kalaa, mbo yiyaŋ maa hɛnaŋ Chɛhowa o wa koŋ tosaa ni. Kɛ o kpeekpei niŋ, hɛnaŋ Setanaa wa koŋ ni

Tamaseliilaŋ o Baabuiyo niŋ la mala naa laŋ:

• Ɛs 3:​13-18—Mi Muuse, wana ndoo suaa le Chɛhowa wo nyuna fɛŋ Chɛhowa le sinaa mɛɛ ndoo nɔ mbo muli nyunala Isɔluɛiya apum yɛ

• 1Ma 3:​5-12—Teleŋ Masaa Sɔlɔmɔŋ wa feleŋgɔnɔ wo, mbo nyuna Chɛhowa le taasioo yɔŋii ndoo dɔu tiindaŋndo o ndupila niŋ. Le hei, mi Chɛhowa duau ndu sala tau

Tamaseliilaŋ o Baabuiyo niŋ la mala naa laŋ:

• Mat 4:​1-11—Teleŋ Chiisu wa nyunala Setana laŋ mulioo wo, o soliŋ taasi ndɔɔ kpeku le, kɛ mbo soliŋ Diom Mɛlɛkaa kpeku

• Chŋ 12:​49, 50—Mi Chiisu dimi maa nyɛ o nyɛ o pɛɛku waŋnda o chieeŋndo choo, Finya ndɔ pɛɛku ndu sɔɔŋ muŋ ni. Tamasi kɛndɔɔ pila cho koŋ ni le naa

Tamaseliilaŋ o Baabuiyo niŋ la mala naa laŋ:

• 2Ko 19:​2, 3—Mi Chɛhowa soliŋ waŋndo kpeku le Chɛhosiafati silaa kioo, a le ndu chandɔɔ le sɔɔŋ kɛndɛŋ ndoo tosa woŋ

• Sɔɔ 2:​1-4, 8, 9, 12-14, 18-20—Tuupa mi Chiisu ke kundala bɔɔbɔɔ silaa, o chandu nda fɛŋ

Tamaseliilaŋ o Baabuiyo niŋ la mala naa laŋ:

• Mat 18:​23-35—Mi Chiisu dimi taloo le chɔmndo mɛɛ i cho suɛi sɔvɛ le miŋ wa wanaa malaa haki yɛ

Tamaseliilaŋ o Baabuiyo niŋ la mala naa laŋ:

• 1Sa 15:​23-29—Saamiɛɛ, wana ndoo suaa le Mɛlɛka wo chɛl kposoŋ le mi Masaa Sɔɔl luei ndu isiooŋ te

• 1Ma 22:​19-28—Siooŋii bii Maikaya, wana ndoo suaa le Chɛhowa wo le Masaa Ehabi silaa kioo le, mi che bɛɛ mbo duaunuŋ tumbe, nduyɛ mbo kɔŋgɔlaŋ ndu

Tamaseliilaŋ o Baabuiyo niŋ la mala naa laŋ:

• Lu 22:​31-34—Chiisu ndoo nɔ tiindaŋndo o Pitɛ niŋ. Lelaŋ mi che che bɛɛ mi ndoo tosa biondɔŋnda wɔɔŋ wɔɔŋndaŋ, kɛ ndoo tiuba mbo luei acheleŋnda yoomuaŋ

• Flm 21—Kiilanɔɔ Pɔɔl ndoo nɔ tiindaŋndo maa Filimɔŋ cho sila nda ke ndu wo dɔwɔɔ o wali niŋ