Ndaku munda

Ndaku ku tshikebelu

Kubuela (bikangula dibeji dikuabu)
Keba JW.ORG

Mibelu

Mibelu

Padi muntu utubela

Bua tshinyi mbimpe kukeba mibelu ya mu Bible?

Mis 32:8; Nsu 15:22; 19:20; 20:18

Bala kabidi Nsu 11:14; Yes 28:29; Yel 32:19

Bua tshinyi mbimpe tuitabe mibelu pamutu pa kudibingisha?

Nsu 12:15; 29:1

Bala kabidi Nsu 1:23-31; 15:31

  • Tshilejilu tshia mu Bible:

    • 1Sm 15:3, 9-23—Pavua muprofete Samuele mubele mukalenge Shaula, mukalenge wakadibingisha, kubengaye mubelu au; nunku Yehowa wakamubenga pende

    • 2Ku 25:14-16, 27—Pavua muprofete wa Yehowa mubele mukalenge Amasaya bua mpekatu uvuaye muenze, Amasaya wakabenga kumuteleja. Bua bualu abu Yehowa wakalekela kumuanyisha ne kumukuba

Bua tshinyi mbimpe tunemeke batangidi badi batupesha mibelu?

1Ts 5:12; 1Tm 5:17; Eb 13:7, 17

  • Tshilejilu tshia mu Bible:

    • 3Yn 9, 10—Mupostolo Yone ukavua mununu wakabipisha Diotelefe bualu kavua unemeka bantu bavua balombola tshisumbu tshia bena Kristo to

Bua tshinyi mbimpe tuteleje bantu banunu?

Lew 19:32; Nsu 16:31

Bala kabidi Yob 12:12; 32:7; Tit 2:3-5

  • Tshilejilu tshia mu Bible:

    • 1Sm 23:16-18—Mukalenge Davidi wakateleja mibelu ivua Yonatana uvua mukulumpe kudiye ku bidimu 30 mumupeshe, mibelu ayi yakamukolesha

    • 1Bk 12:1-17—Mukalenge Lehabama wakabenga mubelu uvua bantu bakulumpe bamupeshe, yeye kuitaba mubelu mubi uvua bansongalume bamupeshe, kumufikishabi ku kabutu

Ntshinyi tshidi tshileja ne: bakaji ba lulamatu ne bansonga badi benzela Yehowa mudimu badi mua kufila mibelu mimpe?

Yob 32:6, 9, 10; Nsu 31:1, 10, 26; Mbi 4:13

Bala kabidi Mis 119:100

  • Tshilejilu tshia mu Bible:

    • 1Sm 25:14-35—Abigayila wakapesha mukalenge Davidi mubelu uvua mupandishe bantu ba bungi ne mumupangishe bua kupia dibanza dia mashi

    • 2Sm 20:15-22—Mubelu wa mukaji wa meji wa mu tshimenga tshia Abele wakapandisha bantu bonso ba mu tshimenga atshi

    • 2Bk 5:1-14—Lungenyi luvua muana wa bakaji mutekete muena Isalele mufile luakafikisha tshilobo tshia mvita ku dimanya tshia kuenza bua kuondopibua ku nsudi yende

Bua tshinyi katuena ne bua kuteleja mibelu ya bantu badi kabayi banemeka Yehowa anyi Dîyi diende?

Mis 1:1; Nsu 4:14

Bala kabidi Luk 6:39

  • Tshilejilu tshia mu Bible:

    • 1Ku 10:13, 14—Mukalenge Shaula wakaya kuebeja malu kudi muena mbuku pamutu pa kuebeja Yehowa, nunku wakafua bua dipanga diende dia lulamatu

    • 2Ku 22:2-5, 9—Mukalenge Ahazaya wakafua bualu wakateleja mibelu mibi

    • Yob 21:7, 14-16—Yobo wakabenga meji a bantu bavua kabayi banemeka Yehowa

Difila mibelu

Bua tshinyi mbitambe buimpe bua kuteleja, kumanya malu onso mudiwu, ne kumvua bantu bonso badi tshilumbu tshitangila kumpala kua kufila mibelu?

Nsu 18:13, 17

Bala kabidi Nsu 25:8

  • Tshilejilu tshia mu Bible:

    • 1Sm 1:9-16—Muakuidi munene Eli wakapesha Hana mibelu mishile kayi muanji kumvua lutatu luende, wela meji ne: mukaji wa lulamatu au uvua mukuatshike

    • Mat 16:21-23—Bu muvua mupostolo Petelo kayi mumanye malu onso muvuawu, wakambila Yezu bua kuenza disua dia Satana pamutu pa kuenzaye dia Yehowa

Bua tshinyi mbimpe kulomba Yehowa buludiki kumpala kua kufila mibelu?

Mis 32:8; 73:23, 24; Nsu 3:5, 6

  • Tshilejilu tshia mu Bible:

    • Eks 3:13-18—Muprofete Mose wakebeja Yehowa mushindu mutambe buimpe wa kuandamuna nkonko ivua bena Isalele nende mua kumuela

    • 1Bk 3:5-12—Mukalenge Solomo utshivua nsonga wakalomba Yehowa meji pamutu pa kudieyemena, nunku Yehowa wakamubenesha

Bua tshinyi tudi ne bua kuangatshila mibelu yetu ne mandamuna etu mu Dîyi dia Nzambi?

Mis 119:24, 105; Nsu 19:21; 2Tm 3:16, 17

Bala kabidi Dut 17:18-20

  • Tshilejilu tshia mu Bible:

    • Mat 4:1-11—Pavua Satana mutete Yezu, Yezu wakamuandamuna bilondeshile Dîyi dia Nzambi, kadi ki mbilondeshile meji ende to

    • Yne 12:49, 50—Yezu wakumvuija ne: malu onso avuaye ulongesha ngavua Tatuende mumulongeshe; udi tshilejilu tshimpe kutudi

Bua tshinyi mbimpe tudienzeje bua kuikala ne bupole patudi tupesha muntu mibelu ne tumuela kalumbandi ne muoyo mujima padibi bikengela?

Gal 6:1; Kls 3:12

Bala kabidi Yes 9:6; 42:1-3; Mat 11:28, 29

  • Tshilejilu tshia mu Bible:

    • 2Ku 19:2, 3—Yehowa wakapingaja mukalenge Yehoshafata mu njila ku butuangaji bua muprofete wende, pashishe kumuelaye kalumbandi bua malu mimpe avuaye muenze

    • Bua 2:1-4, 8, 9, 12-14, 18-20—Yezu wakela bisumbu bishilashilangane kalumbandi kumpala kua kubipeshaye mibelu

Muanetu yeye mutuambile ne: muanetu mukuabu mmumuenzele bualu bubi bu mudi kumudia bintu anyi kumushiminyina malu, bua tshinyi mbimpe tumukankamije bua bayukile ne muanetu au pa nkayabu?

Mat 18:15-17; Luk 17:3

Bala kabidi Lew 19:17

Mmunyi mutudi mua kukankamija muanetu udibu benzele bualu bubi bua ikale ne lutulu ne afuilangane luse?

Mat 18:21, 22; Mâk 11:25; Luk 6:36; Ef 4:32; Kls 3:13

Bala kabidi Mat 6:14; 1Ko 6:1-8; 1Pt 3:8, 9

  • Tshilejilu tshia mu Bible:

    • Mat 18:23-35—Yezu wakafila tshilejilu tshia mushinga mukole tshidi tshileja mudibi ne mushinga bua tuetu kufuilangana luse

Bua tshinyi mbimpe tulamate ku malu makane padibu batupesha mibelu?

Mis 141:5; Nsu 17:10; 2Ko 7:8-11

  • Tshilejilu tshia mu Bible:

    • 1Sm 15:23-29—Muprofete Samuele kavua mumvue Shaula buôwa to, wakamupesha mubelu

    • 1Bk 22:19-28—Muprofete Mikaya wakabenga kushintulula mukenji wa kudimuija nawu mukalenge Ahaba nansha muvuabu bamufunyine bulobo ne bamuenzele malu ne tshikisu

Mmunyi mutudi mua kubela muntu katuyi tumutekesha mu nyuma?

Eb 12:11-13

  • Tshilejilu tshia mu Bible:

    • Luk 22:31-34—Yezu uvua mushindike ne: mupostolo Petelo neakoleshe bakuabu nansha muvuaye muenze bilema binene

    • Flm 21—Mupostolo Paulo uvua mushindike ne: Filemona neatumikile mibelu ivua mu diumvuangana ne disua dia Nzambi

Muntu yeye utata anyi muikale ne tunyinganyinga, mmunyi mutudi mua kumuleja bulenga patudi tumupesha mibelu?

Kls 3:12; Yak 5:14-16; 1Pt 3:8

Mmunyi mutudi mua kuleja muntu udi muenze mpekatu ne: tudi basue kumuambuluisha bua apetulule malanda ende mimpe ne Yehowa?

Gal 6:1; Ef 4:32

Mmunyi mutudi mua kunemeka bantu batudi tupesha mibelu nansha bobu ba bukole kayi peshi bikale balume anyi bakaji?

1Tm 5:1, 2

Padi muntu ubenga kuteleja mibelu ya mu Bible njila ne njila, bua tshinyi bakulu badi ne bua kumubela ne dîsu dikole?

1Ko 5:9, 11, 13; 1Tm 5:20; Tit 3:10

Bala kabidi tshiena-bualu tshia “Dipatshibua”

 

Mona bikuabu:

NUIDIKIJE DITABUJA DIABU

Abigayila uvua muenze malu ne budimu

Ndilongesha kayi ditudi tupeta bua lutatu luvua nalu Abigayila mu dibaka diende?

MALONGESHA AUDI MUA KUPETA MU BIBLE

Tshilobo tshia mvita ne muana wa bakaji mutekete

Muana wa bakaji muena Isalele udi wambila mfumuende muntu mukaji bua bukole bua bungi budi nabu Yehowa​—tshishima tshilua kuenzeka.

NUIDIKIJE DITABUJA DIABU

Petelo uvua mushale mulamate Nzambi mu mateta

Mmunyi muvua ditabuja dia Petelo ne lulamatu luende bimuambuluishe bua kuitaba mibelu ya Yezu?

MALU ETU

Lomba bua balue kukutangila

Tata lukonko lua malu a mu Bible, anyi longa malu a bungi adi atangila Bantemu ba Yehowa.

MVESE IDI ITANGILA NSOMBELU WA BUENA KRISTO

Mibelu

Tshiluba
Mibelu
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl dib. 106-110
DIAMBULA
Mibelu
Mua kuambula mikanda Mvese idi itangila nsombelu wa buena Kristo