Siem Kata Puonj
Rwako siem kata puonj
Ang’o momiyo onego wamany rieko ma yudore e Muma?
Za 32:8; Nge 15:22; 19:20; 20:18
Ne bende Nge 11:14; Isa 28:29; Jer 32:19
Ang’o momiyo ber ka warwako siem kata puonj momiwa kar temo nyiso ni waonge ketho?
Ne bende Nge 1:23-31; 15:31
-
Ndiko motudore gi wachno:
-
1Sa 15:3, 9-23—Ka ne janabi Samuel orieyo Ruoth Saulo, ne orendore kendo ne otamore rwako siem ma ne omiye; to mano nomiyo Jehova odagi ni kik obed ruoth
-
2We 25:14-16, 27—Ruoth Amazia notimo richo kendo notamore rwako siem moa kuom janabi mar Jehova, to mano nomiyo Jehova oweye
-
Ang’o momiyo onego wachiw luor ne joma tayowa sama girieyowa?
1Th 5:12; 1Ti 5:17; Hib 13:7, 17
-
Ndiko motudore gi wachno:
-
3Jo 9, 10—Jaote Johana ma koro noseti, ne orieyo Diotrefe nikech ne ochayo joma ne tayo e kanyakla mar Jokristo
-
Ang’o momiyo onego wawinj joma hikgi ng’eny?
Ne bende Ayu 12:12; 32:7; Tit 2:3-5
-
Ndiko motudore gi wachno:
-
1Sa 23:16-18—Ruoth Daudi norwako paro ma Jonathan nomiye, kata obedo ni Jonathan nohinge gi higni ma dirom 30, to paro ma ne omiyeno ne ojiwe
-
1Ru 12:1-17—Ruoth Rehoboam notamore rwako paro ma jodongo nomiye, kar mano, ne orwako paro mobam ma yawuoyi wetene ne omiye, to mano ne okelone masira
-
Ang’o ma nyiso ni mon mohero Nyasaye kaachiel gi jotich Jehova ma pod tindo nyalo chiwonwa puonj ma konyowa?
Ayu 32:6, 9, 10; Nge 31:1, 10, 26; Ekl 4:13
Ne bende Za 119:100
-
Ndiko motudore gi wachno:
-
1Sa 25:14-35—Abigail nochiwo paro maber ne Ruoth Daudi, to mano noreso ngima ji mang’eny kendo geng’o ruoth kuom bedo gi buch remo
-
2Sa 20:15-22—Dhako moro mariek noreso ji duto ma ne odak e dala mar Abel nikech paro maber ma ne ochiwo
-
2Ru 5:1-14—Nya-Israel moro matin nochiwo paro ma ne okonyo jalweny moro maratego ng’eyo kaka ne onyalo chango kuom tuone mar dhoho
-
Ang’o momiyo onego watang’ gi paro kata puonj moa kuom joma ok oluoro Jehova kata Wachne?
Ne bende Luk 6:39
-
Ndiko motudore gi wachno:
-
1We 10:13, 14—Ruoth Saulo nodhi ir ajuoga kar manyo kony kuom Jehova to mano nomiyo otho
-
2We 22:2-5, 9—Ruoth Ahazia notho nikech ne ochiko ite ne paro mobam
-
Ayu 21:7, 14-16—Ayub notamore rwako paro mar joma ne ok omiyo Jehova luor
-
Chiwo siem kata puonj
Ang’o momiyo ber ka wachiko itwa, wang’eyo weche duto, kendo winjo paro mar joma wach moro omako, ka pok wachiwonegi puonj moro kata miyogi siem?
Ne bende Nge 25:8
-
Ndiko motudore gi wachno:
-
1Sa 1:9-16—Jadolo Maduong’ miluongo ni Eli norieyo Hana e yo mager ka pok nong’eyo weche duto, nikech noparo ni Hana omer
-
Mat 16:21-23—Nikech jaote Petro ne ok ong’eyo weche duto, ne onyiso Yesu mondo otim gima Satan dwaro to ok gima Jehova dwaro
-
Ang’o momiyo onego wakwa Jehova rieko ka pok wachiwo paro kata puonj moro?
Za 32:8; 73:23, 24; Nge 3:5, 6
-
Ndiko motudore gi wachno:
-
Wuo 3:13-18—Musa nokwayo Jehova mondo okonye ng’eyo kaka nonyalo tieko chandruoge mag Jo-Israel
-
1Ru 3:5-12—Ka ne Ruoth Solomon pod rawera, nokwayo Jehova rieko kar genore owuon, to mano nomiyo Jehova oguedhe
-
Ang’o momiyo paro kata puonj ma wamiyo jomoko onego owuog e Muma?
Za 119:24, 105; Nge 19:21; 2Ti 3:16, 17
Ne bende Rap 17:18-20
-
Ndiko motudore gi wachno:
-
Mat 4:1-11—Ka ne Satan temo Yesu, ne ok otiyo gi riekone owuon e dwoke, kar mano, notiyo gi Wach Nyasaye
-
Joh 12:49, 50—Yesu nowacho ni gik moko duto ma ne opuonjo noa kuom Jehova, to wan bende onego waluw ranyisine
-
Ang’o momiyo onego wachiw siem e yo mamuol kendo pwoyo ng’atno ka mano dwarore?
Ne bende Isa 9:6; 42:1-3; Mat 11:28, 29
-
Ndiko motudore gi wachno:
-
2We 19:2, 3—Jehova notiyo gi janabine e rieyo Ruoth Jehoshafat, kae to nopwoyo ruodhno kuom gik mabeyo ma ne osetimo
-
Fwe 2:1-4, 8, 9, 12-14, 18-20—Yesu nopwoyo kanyakla mopogore opogore ka pok ne ochiwonegi siem
-
Ka Jakristo wadu onyisi ni nitie Jakristo moro ma owuonde kata oketho nyinge, ang’o momiyo ber ka ijiwe mondo gilos wechego e kindgi giwegi?
Ne bende Law 19:17
Ere kaka inyalo jiwo Jakristo ma neno ni otimne marach mondo obed mang’won, ohore, kendo owene jomamoko kethogi?
Mat 18:21, 22; Mar 11:25; Luk 6:36; Ef 4:32; Kol 3:13
Ne bende Mat 6:14; 1Ko 6:1-8; 1Pe 3:8, 9
-
Ndiko motudore gi wachno:
-
Mat 18:23-35—Yesu notiyo gi ranyisi maber ahinya ma nyiso gimomiyo dwarore ni wang’wonne ji kethogi
-
Ang’o momiyo dwarore ni wamakre gi puonj mag Jehova sama wachiwo siem?
Za 141:5; Nge 17:10; 2Ko 7:8-11
-
Ndiko motudore gi wachno:
-
1Sa 15:23-29—Janabi Samuel ne ok oluoro Ruoth Saulo kendo ne omiye siem
-
1Ru 22:19-28—Janabi Mikaya notamore wilo siem ma ne omiyo Ruoth Ahab, kata obedo ni ji ne bwogone ngima kendo ne gitimone gik maricho
-
Ere kaka wanyalo miyo ng’ato puonj moro ma ok waketho winjruokne gi Nyasaye?
-
Ndiko motudore gi wachno:
-
Luk 22:31-34—Kata obedo ni jaote Petro ne otimo makosa mathoth, Yesu ne ni gadier ni Petro ne dhi timo lokruok kendo dhi nyime tiyo ne Jehova ka okonyo jomamoko
-
File 21—Jaote Paulo ne ni gadier ni Filemon ne dhi tiyo gi paro ma ne omiye ma ne luwore gi puonj mag Muma
-
Ere kaka wanyalo bedo mang’won sama wachiwo puonj kata paro moko ne joma chandore kata ma chunygi onyosore?
Ere kaka wanyalo nyiso ng’at motimo richo ni gombowa maduong’ en konye mondo obed gi winjruok maber gi Jehova?
Ere kaka wanyalo chiwo luor ne joma warieyo, bed ni hikgi romo nade, gin joma mon, kata joma chwo?
Ang’o momiyo jodongo onego ochiw siem motegno moa e Muma ne ng’at ma siko ka timo richo goyiem?
Samoro Inyalo Hero Magi Bende
LUW YIE MARGI
Abigail ne Otiyo gi Rieko
Ang’o ma wanyalo puonjore kuom pek ma Abigail ne nigo e kend?
WECHE MINYALO PUONJORI E MUMA
Nyako Moro Matin Nokonyo Jatend Lweny
Nya-Israel moro matin nonyiso chi Naman kaka Jehova ne nyalo konyo Naman. Be ing’eyo gima notimore bang’ mano?
LUW YIE MARGI
Petro ne Omakore Motegno gi Yesu
Ere kaka yie kod kido mar makruok ma Petro ne nigo nokonye mondo orwak weche ma Yesu norieyego?
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.
