Saglse
Ned sã n sagl-do
Bõe yĩng tɩ d segd n bao sagls sẽn tik Biiblã zugu?
Bõe yĩng tɩ d sẽn kelgd sagls n são d sẽn na n baood pademse?
Ges-y Yel. 1:23-31; 15:31.
-
Biiblã kibay sẽn tõe n sõng-yã:
-
1 Sãm. 15:3, 9-23: No-rɛɛs a Sãmwɛll sẽn wa n kibl rĩm a Sayullã, rĩmã baoo padems n pa tũ saglgã ye. Rẽ kɩtame t’a Zeova raag-a n base.
-
2 Kib 25:14-16, 27: A Zeova no-rɛɛsã sẽn wa n sagl rĩm a Amazɩya a sẽn beegã yĩnga, a zãgsame n pa kelg ye. Rẽ kɩtame t’a pa paam a Zeova lohorem la a koglg ye.
-
Bõe yĩng tɩ d segd n waoog yel-gɛtbã sẽn sagend tõndã?
1 Tes. 5:12; 1 Tɩm. 5:17; Ebre. 13:7, 17
-
Biiblã kibay sẽn tõe n sõng-yã:
-
3 Zã 9, 10: Tẽn-tʋmd a Zã sẽn da kʋʋlã ninga a Diyoterfɛs taale, a sẽn da paoogd sẽn lʋɩt-b taoor tigingã pʋgẽ wã yĩnga.
-
Bõe yĩng tɩ d segd n kelg sẽn kʋʋl-bã?
Ges-y Zoob 12:12; 32:7; Tɩt 2:3-5.
-
Biiblã kibay sẽn tõe n sõng-yã:
-
1 Sãm. 23:16-18: Rĩm a Davɩɩd kelga a Zonatã saglsã tɩ keng a raoodo. A Zonatã ra yɩɩda a Davɩɩd ne yʋʋm pis-tã.
-
1 Rĩm. 12:1-17: Rĩm a Roboam zãgsame t’a kõn kelg nin-kẽembã saglgã sẽn da yaa sõma wã, n kelg kom-bɩɩsã saglg sẽn da yaa dem-demã, tɩ wa ne yel-beedo.
-
Bõe n wilgd tɩ pagb la kom-bɩɩs sẽn maand sɩd ne a Zeova tõe n kõo sagls sẽn yaa sõma?
Zoob 32:6, 9, 10; Yel. 31:1, 10, 26; Koɛ. 4:13
Ges-y Yɩɩn. 119:100.
-
Biiblã kibay sẽn tõe n sõng-yã:
-
1 Sãm. 25:14-35: A Abigayɩll kõo rĩm a Davɩɩd saglg sẽn sõng-a t’a pa kʋ neb sẽn da pa tar taal ye.
-
2 Sãm. 20:15-22: Abɛll tẽngã pag a ye sẽn tar yam n kõ saglga, tɩ yɩ sabab tɩ b pa kʋ tẽngã neb fãa ye.
-
2 Rĩm. 5:1-14: Israyɛll bi-pugl sẽn yaa bilf n wilg zabr gãndaoog a ye a sẽn tõe n maan to-to t’a wãoodã sa.
-
Bõe yĩng tɩ d segd n maand gũusg ne neb nins sẽn pa tũud a Zeova wall sẽn pa nand a Gomdã saglsã?
Ges-y Luk 6:39.
-
Biiblã kibay sẽn tõe n sõng-yã:
-
1 Kib 10:13, 14: Rĩm a Sayull basa a Zeova, n kẽng ned sẽn gomd ne kɩɩms nengẽ n tɩ kos sõngre. Rẽ kɩtame t’a ki, a sẽn pa maan sɩd ne a Zeova wã yĩnga.
-
2 Kib 22:2-5, 9: Rĩm a Akaziya yãka yam n kelg nin-wẽns saglse, tɩ yɩ sabab t’a ki.
-
Zoob 21:7, 14-16: A Zoob zãgsame t’a kõn tall neb nins sẽn paoogd a Zeova wã tagsa wã buud ye.
-
D sã n na n kõ saglga
Nand tɩ d kõ saglga, bõe yĩng tɩ yaa sõma tɩ d reng n kelg neb nins fãa yellã sẽn pakã sõma, n bao n wʋm yellã vɩʋʋgo?
Ges-y Yel. 25:8.
-
Biiblã kibay sẽn tõe n sõng-yã:
-
1 Sãm. 1:9-16: Maan-kʋʋdb kãsem a Eli sẽn pa reng n bao n wʋm yɛlã vɩʋʋgã kibla a Ann ne toolem, n tags tɩ pʋg-kãngã sẽn maand sɩdã ra yũu rãam.
-
Mat. 16:21-23: Tẽn-tʋmd a Pɩyɛɛr sẽn da pa wʋmd yɛlã vɩʋʋg sõma wã yĩnga, a sagla a Zeezi t’a maan bũmb sẽn zems ne a Sʋɩtãan daabo, la pa a Zeova raab ye.
-
Nand tɩ d sagl neda, bõe yĩng tɩ d segd n deng n pʋʋs a Zeova?
Yɩɩn. 32:8; 73:23, 24; Yel. 3:5, 6
-
Biiblã kibay sẽn tõe n sõng-yã:
-
Yik. 3:13-18: No-rɛɛs a Moyiiz kosa a Zeova t’a sõng-a t’a bãng n leok sogsg Israyɛll nebã sẽn da tõe n sok-a.
-
1 Rĩm. 3:5-12: Rĩm a Salomo sẽn wa n yaa bi-bɩɩga, a kosa a Zeova t’a kõ-a yam n pa teeg a meng ye. Rẽ kɩtame t’a Zeova ning-a barka.
-
Bõe yĩng tɩ d segd n gũusd wakat fãa tɩ d saglsã la d sẽn leokd to-to wã tikd Wẽnnaam Gomdã zugu?
Yɩɩn. 119:24, 105; Yel. 19:21; 2 Tɩm. 3:16, 17
Ges-y Tõo. 17:18-20.
-
Biiblã kibay sẽn tõe n sõng-yã:
-
Mat. 4:1-11: A Sʋɩtãan sẽn wa n mak a Zeezi wã, a Zeezi pa teeg a meng yam n leok ye. A leoorã ra tika Wẽnnaam Gomdã zugu.
-
Zã 12:49, 50: A Zeezi yeelame t’a sẽn zãmsd nebã bũmb ninsã fãa yaa a Ba wã sẽn wilg yẽ wã, tɩ yaa mak-sõng n kõ tõndo.
-
D sã n wa na n sagl neda, bõe yĩng tɩ d segd n gom ne bʋgsem, la d modg n bao bũmb d sẽn tõe n tik n pẽg a soabã?
Ges-y Eza. 9:6; 42:1-3; Mat. 11:28, 29.
-
Biiblã kibay sẽn tõe n sõng-yã:
-
2 Kib 19:2, 3: A Zeova tũnuga ne no-rɛɛs n kibl rĩm a Zozafate, la a pẽg-a-la bõn-sõma nins a sẽn da maanã yĩnga.
-
Vẽn. 2:1-4, 8, 9, 12-14, 18-20: Nand t’a Zeezi kõ tigims toor-toor saglse, a pẽg-b lame.
-
D tẽed-n-taag sã n wa yeel tõnd tɩ d tẽed-n-taag a to n wẽg-a wall n kãneg-a, bõe yĩng tɩ d segd n sagl-a t’a tɩ gom ne a soabã?
Ges-y Maan. 19:17.
D tẽed-n-taag sã n tagsdẽ tɩ b beeg-a lame, wãn to la d tõe n sõng-a t’a yɩ nimbãan-zoɛta, sũ-mar soab la sug-kõata?
Mat. 18:21, 22; Mark 11:25; Luk 6:36; Efɛɛ. 4:32; Kolo. 3:13
Ges-y Mat. 6:14; 1 Kor. 6:1-8; 1 Pɩy. 3:8, 9.
-
Biiblã kibay sẽn tõe n sõng-yã:
-
Mat. 18:23-35: A Zeezi rɩka makr sẽn tar pãnga, n wilg bũmb ning sẽn kɩt tɩ tar yõod tɩ d kõt sugrã.
-
D sã n wa na n sagl neda, bõe yĩng tɩ d saglgã segd n zems ne a Zeova noyã?
Yɩɩn. 141:5; Yel. 17:10; 2 Kor. 7:8-11
-
Biiblã kibay sẽn tõe n sõng-yã:
-
1 Sãm. 15:23-29: No-rɛɛs a Sãmwɛll pa zoe rĩm a Sayull nif n pa sagl-a ye.
-
1 Rĩm. 22:19-28: No-rɛɛs a Mikaya pa sak n toeem keoogr koɛɛgã a sẽn da segd n taas rĩm a Akaabã, baa ne b sẽn bugs-a la b nams-a wã ye.
-
D sã n na n sagl neda, wãn to la d tõe n maan tɩ sõng-a t’a paas yẽ ne Wẽnnaam zoodã pãnga?
-
Biiblã kibay sẽn tõe n sõng-yã:
-
Luk 22:31-34: A Zeezi wilgame tɩ baa tẽn-tʋmd a Pɩyɛɛr sẽn maan yel-wẽn-kãsemsã, a kɩsa sɩd t’a na n wa tõog n kenga a taabã raoodo.
-
File. 21: Tẽn-tʋmd a Poll wilgame t’a kɩsa sɩd t’a Filemo na n saka a saglsã sẽn yit Wẽnnaam nengẽ wã.
-
D sã n wa na n sagl ned sẽn tar zu-loees wall sẽn koms raoodo, wãn to la d tõe n wilg tɩ d rata a soabã neere?
Ned sã n wa maan yel-wẽnde, wãn to la d tõe n wilg tɩ d sẽn datã yaa sõng a soabã t’a maneg yẽ ne a Zeova zoodã?
D sã n wa sagend neda, wãn to la d tõe n wilg tɩ d nand-a lame, n da ges a yʋʋma, wall a yaa pag bɩ raoa?
Tigingã pe-kɩɩmbã sã n sagl ned naoor wʋsg t’a pa rat n kelge, bõe yĩng tɩ b segd n yɩ dem-dem bilf ne a soabã?
Découvrez aussi…
TALL-Y B TẼEBÃ BUUDU
A Abigayill tʋma ne yam
A Abigayill kãadmã sẽn da yaa to-to wã zãmsda tõnd bõe?
Biiblã kibay kõta yam
Sodaas naab ne bi-pugla
Bi-bilf sẽn yit Israyɛll goma ne a zu-soab paga, n yeel-a t’a Zeova tara tõogo. Pagã kelgame t’a sɩdã paam laafɩ.
TALL-Y B TẼEBÃ BUUDU
Baa ne sẽn pa yɩ nana wã, a Pɩɛɛr pa bas a Zezi ye
Wãn to la a Pɩɛɛr tẽebã sõng-a t’a sak a Zezi kiblgã?
KIBAY TÕND ZUGU
Kos-y t’a Zeova Kaset soab wa kaag-yã
Bao-y n bãng-y bũmb Biiblã zug wall a Zeova Kaset rãmbã zug n paase.
