Okugandja omayele
Uuna gumwe te tu pe omayele
Omolwashike twa pumbwa okukonga omayele ngoka ga kankamena kOmbiimbeli?
Eps 32:8; Omayel 15:22; 19:20; 20:18
Tala wo omanyolo taga landula: Omayel 11:14; Jes 28:29; Jer 32:19
Omolwashike twa pumbwa okupulakena komayele, pehala lyokukala tatu popile omapuko getu?
Omayel 12:15; 29:1
Tala wo enyolo tali landula: Omayel 1:23-31; 15:31
Iiholelwa yopaMbiimbeli mbyoka tayi vulu oku ku kwathela:
1Sam 15:3, 9-23 — Sho omuhunganeki Samuel a li ta pukulula Saul, omukwaniilwa okwa li ti ipopile noina taamba ko omayele, shono sha ningitha Jehova a kale inee mu hokwa we
2Ondjal 25:14-16, 27 — Omukwaniilwa Amazia okwa li a yono, naasho a pewa omayele komuhunganeki gwaJehova ina pulakena, shono sha ningitha Jehova a kale inaa hokwa we Amazia noku mu gamena
Omolwashike twa pumbwa okuvulika kaakwatelikomeho mboka haye tu pe omayele?
1Tes 5:12; 1Tim 5:17; Heb 13:7, 17
Iiholelwa yopaMbiimbeli mbyoka tayi vulu oku ku kwathela:
3Joh 9, 10 — Omuyapostoli omukokele Johannes okwa popi eihumbato ewinayi lyaDiotrefes, molwaashoka ka li ha ungaunga nesimaneko naamboka taya kwatele komeho megongalo lyopaKriste
Omolwashike tu na okupulakena kaakokele?
Lev 19:32; Omayel 16:31
Tala wo omanyolo taga landula: Job 12:12; 32:7; Tit 2:3-5
Iiholelwa yopaMbiimbeli mbyoka tayi vulu oku ku kwathela:
1Sam 23:16-18 — Omukwaniilwa David okwa li a pulakene komayele ngoka a pewa kuJonatan, ngoka a li e mu vule nomimvo 30, noga li ge mu tsu omukumo
1Aak 12:1-17 — Omukwaniilwa Rehoboam okwa tindi omayele omawanawa gaasamane aakokele, e ta landula omayele omawinayi ngoka a pewa kaagundjuka yepipi lye, shono sha etitha uupyakadhi
Oshike tashi ulike kutya aakiintu aadhiginini nosho wo aapiya yaJehova aagundjuka, otaya vulu okugandja omayele omawanawa?
Job 32:6, 9, 10; Omayel 31:1, 10, 26; Omuuv 4:13
Tala wo enyolo tali landula: Eps 119:100
Iiholelwa yopaMbiimbeli mbyoka tayi vulu oku ku kwathela:
1Sam 25:14-35 — Abigail okwa li a pe omukwaniilwa David omayele ngoka ga hupitha oomwenyo dhaantu oyendji, nokugamena David kaa kale e na ondjo yombinzi
2Sam 20:15-22 — Omukulukadhi gumwe omunandunge moshilando shedhina Abel, okwa li a gandja omayele ngoka ga hupitha oshilando ashihe
2Aak 5:1-14 — Okakadhona Okaisraeli oka li ka lombwele ondjayi yetangakwiita nkene tayi vulu okwaaluka kuuvu woshilundu
Omolwashike tu na okukala twa kotoka, uuna tatu pulakene komayele gaantu mboka inaaya simaneka Jehova nenge Oohapu dhe?
Eps 1:1; Omayel 4:14
Tala wo enyolo tali landula: Luk 6:39
Iiholelwa yopaMbiimbeli mbyoka tayi vulu oku ku kwathela:
1Ondjal 10:13, 14 — Omukwaniilwa Saul okwa li a pula omayele kaathithi, pehala lyokupula Jehova, naashono osha li sha etitha eso lye, omolwokwaavulika kwe
2Ondjal 22:2-5, 9 — Omukwaniilwa Ahasia okwa li a pulakene komayele ga puka, shono sha etitha eso lye
Job 21:7, 14-16 — Job okwa li a tindi okudhiladhila ngaashi aantu mboka ihaaya longele Jehova
Okugandja omayele
Omolwashike shi li nawa okupulakena, okuuva uuyelele awuhe nokupulakena koombinga adhihe, manga inoo gandja omayele?
Omayel 18:13, 17
Tala wo enyolo tali landula: Omayel 25:8
Iiholelwa yopaMbiimbeli mbyoka tayi vulu oku ku kwathela:
1Sam 1:9-16 — Omuyambi omukuluntu, Eli, okwa li a pe Hanna omayele te mu gandagula nopwaa na okupulakena kuye, nokwa li ta dhiladhila kutya omukiintu nguka omudhiginini, okwa kolwa
Mat 16:21-23 — Omuyapostoli Petrus okwa li a ganda Jesus, nokungawo Petrus okwa gandja omayele ngoka taga humitha komeho ehalo lyaSatana, ihe halyaJehova
Omolwashike tu na okugalikana kuJehova, manga inaatu gandja omayele?
Eps 32:8; 73:23, 24; Omayel 3:5, 6
Iiholelwa yopaMbiimbeli mbyoka tayi vulu oku ku kwathela:
Eks 3:13-18 — Omuhunganeki Moses okwa li a pula Jehova e mu kwathele nkene ta vulu okupongolola po uudhigu woshigwana shAaisraeli
1Aak 3:5-12 — Omukwaniilwa Salomo okwa li a pula Jehova e mu pe uunongo, pehala lyokukala a inekela moondunge dhe mwene, naashono osha li she mu ningitha a lalekwe nuuyamba kuJehova
Omolwashike tu na okushilipaleka kutya omayele getu nomayamukulo ngoka tatu gandja, oga kankamena aluhe kOmbiimbeli?
Eps 119:24, 105; Omayel 19:21; 2Tim 3:16, 17
Tala wo enyolo tali landula: Deut 17:18-20
Iiholelwa yopaMbiimbeli mbyoka tayi vulu oku ku kwathela:
Mat 4:1-11 — Sho Jesus a li ta makelwa kuSatana, ina yamukula ta longitha uunongo we mwene, ihe okwa totha mOohapu dhaKalunga
Joh 12:49, 50 — Jesus okwe shi popi sha yela kutya ota longo aantu ashihe shoka He e mu longa, nokungawo okwe tu tulila po oshiholelwa oshiwanawa
Omolwashike tu na okukambadhala tu gandje omayele tu li mombepo ombwanawa noku shi ninga pamwe nolupandu talu zi komutima?
Gal 6:1; Kol 3:12
Tala wo omanyolo taga landula: Jes 9:6; 42:1-3; Mat 11:28, 29
Iiholelwa yopaMbiimbeli mbyoka tayi vulu oku ku kwathela:
2Ondjal 19:2, 3 — Jehova okwa longitha omuhunganeki gwe a pukulule omukwaniilwa Jehosafat, noku mu pandula wo omolwiilonga ye iiwanawa mbyoka a longa
Eh 2:1-4, 8, 9, 12-14, 18-20 — Jesus okwa li a pandula omagongalo ogendji, manga inee ga pa omayele
Ngele Omukriste omukwetu okwe ya kutse ta nyenyeta kombinga yOmukriste omukwawo ngoka e uvite kutya okwa yona kuye, e mu kengelela nenge e mu lundila, omolwashike shi li pandunge tu mu ladhipike a ka popye oyo ayeke nomuntu ngoka?
Tala wo enyolo tali landula: Lev 19:17
Ongiini tatu vulu okuladhipika Omukriste ngoka a ningwa nayi, a kale omunahenda, omwiidhidhimiki noha dhimine po?
Mat 18:21, 22; Mark 11:25; Luk 6:36; Ef 4:32; Kol 3:13
Tala wo omanyolo taga landula: Mat 6:14; 1Kor 6:1-8; 1Pet 3:8, 9
Iiholelwa yopaMbiimbeli mbyoka tayi vulu oku ku kwathela:
Mat 18:23-35 — Jesus okwa li a longitha ethaneko lya dhenga mbanda, opo a tse omuthindo kutya omolwashike sha simana kutse tu kale hatu dhimine po yalwe
Omolwashike twa pumbwa okulandula owala shoka shi li mondjila, uuna tatu gandja omayele?
Eps 141:5; Omayel 17:10; 2Kor 7:8-11
Iiholelwa yopaMbiimbeli mbyoka tayi vulu oku ku kwathela:
1Sam 15:23-29 — Omuhunganeki Samuel ka li a tila okupa omukwaniilwa Saul omayele
1Aak 22:19-28 — Omuhunganeki Mikaia okwa li a tindi okulundulula etumwalaka lyelondodho ndyoka lya nuninwa omukwaniilwa Ahab, nonando okwa li ta ningilwa omatilitho nota ungaungiwa naye nayi
Ongiini tatu vulu okupa gumwe omayele, nopwaa na okutula uupambepo we moshiponga?
Heb 12:11-13
Iiholelwa yopaMbiimbeli mbyoka tayi vulu oku ku kwathela:
Luk 22:31-34 — Jesus okwa li e na einekelo kutya omuyapostoli Petrus ota ka vula okutsa yalwe omukumo, nonando okwa li ha ningi omapuko omanene
Filem 21 — Omuyapostoli Paulus okwa li e na einekelo kutya Filemon ota ka landula omayele ngoka ge li metsokumwe nehalo lyaKalunga
Ongiini tatu vulu okukenukila mboka ya gwililwa po nenge ya lulilwa, uuna tatu ya pe omayele?
Kol 3:12; Jak 5:14-16; 1Pet 3:8
Ongiini tatu ka ulika kutya elalakano lyetu okukwathela omuyoni a kale ishewe e na ekwatathano ewanawa naJehova?
Gal 6:1; Ef 4:32
Ongiini tatu vulu okuulika kutya otwa simaneka mboka tatu pe omayele, nopwaa na okutala komimvo dhawo nenge kuukashikekookantu wawo?
1Tim 5:1, 2
Omolwashike aakuluntugongalo ye na okupa omuntu ngoka ha taaguluka lwiikando shoka Ombiimbeli tayi ti omayele ga kwata miiti?
1Kor 5:9, 11, 13; 1Tim 5:20; Tit 3:10
Tala wo oshitopolwa: “Okukondwa”
Opu na ishewe uuyelele mbuka
NATU HOLELENI EITAALO LYAWO
Abigajil— okwa katuka pandunge
Otatu ilongo shike kuupyakadhi mboka wa holoka mondjokana yaAbigajil?
Embo lyandje lyokwiilonga Ombiimbeli
Ondjayi yiita nokakadhona Okaisraeli
Okakadhona Okaisraeli taka lombwele omukulukadhi gwaNaeman kombinga yoonkondo oonene dhaJehova, na Naeman okwa aludhwa pashikumithalonga.
NATU HOLELENI EITAALO LYAWO
Petrus— okwa li omudhiginini nonando okwa li ta makelwa
Eitaalo lyaPetrus nuudhiginini we owa li we mu kwathele ngiini a taambeko epukululo ndyoka a pewa kuJesus?
KOMBINGA YETU
Pula ekonakonombiimbeli
Kundathaneneni epulo lyopaMbiimbeli nenge wu ilonge oshindji kombinga yOonzapo dhaJehova.
