پاک کلام چوں کجھ مثالاں:‏

• 1-‏سموئیل 15:‏3،‏ 9-‏23‏—‏جدوں سموئیل نبی نے بادشاہ ساؤل دی درستی کیتی تے اوہ صفائیاں پیش کرن لگ پیا تے اوہنے نصیحت تے عمل نئیں کیتا۔ ایس لئی یہوواہ نے اوہنوں رَد کر دِتا۔‏

• 2-‏تواریخ 25:‏14-‏16،‏ 27‏—‏جدوں یہوواہ دے اِک نبی نے بادشاہ امصیاہ نُوں اپنے گُناہواں توں باز آن دی نصیحت کیتی تے اوہنے اوہدی گل نئیں منی۔ ایس لئی یہوواہ نے بادشاہ دا ساتھ دینا چھڈ دِتا۔‏

پاک کلام چوں مثال:‏

• 3-‏یوحنا 9، 10‏—‏یوحنا رسول نے دیُترِفیس دی درستی کیتی کیونکہ اوہ کلیسیا دے ذمے‌دار بھراواں دی عزت نئیں کردا سی۔‏

پاک کلام چوں کجھ مثالاں:‏

• 1-‏سموئیل 23:‏16-‏18‏—‏بادشاہ داؤد نے یونتن دی نصیحت تے عمل کیتا جیہڑا اوہدے توں 30 سال وڈا سی۔ اوہدی گل من کے داؤد نُوں فائدہ ہویا۔‏

•  1-‏سلاطین 12:‏1-‏17‏—‏بادشاہ رحبُعام نے وڈیریاں دے چنگے مشورے تے عمل کرن دی بجائے اپنے عمر دے آدمیاں دے بھیڑے مشورے نُوں منیا جدا اوہنوں بڑا نقصان ہویا۔‏

پاک کلام چوں کجھ مثالاں:‏

• 1-‏سموئیل 25:‏14-‏35‏—‏ابیجیل نے بادشاہ داؤد نُوں جیہڑا مشورہ دِتا اوہدے توں نہ صرف بوہت سارے لوکاں دی جان بچی سگوں داؤد وی قاتل بنن توں بچ گیا۔‏

• 2-‏سموئیل 20:‏15-‏22‏—‏شہر ہابل چ رہن والی اِک عقل‌مند عورت دے چنگے مشورے دی وجہ توں پورا شہر محفوظ رہیا۔‏

• 2-‏سلاطین 5:‏1-‏14‏—‏اِک چھوٹی اِسرائیلی کُڑی نے جنگ چ ماہر اِک بندے نُوں اِک مشورہ دِتا جدی وجہ توں اوہنوں کوڑھ توں شفا مِلی۔‏

پاک کلام چوں کجھ مثالاں:‏

• 1-‏تواریخ 10:‏13، 14‏—‏بادشاہ ساؤل نے یہوواہ توں مشورہ لین دی بجائے جادوٹونے نُوں استمال کیتا۔ اپنی نافرمانی دی وجہ توں اوہ ماریا گیا۔‏

• 2-‏تواریخ 22:‏2-‏5،‏ 9‏—‏بادشاہ اخزیاہ نے غلط لوکاں دے مشورے تے عمل کیتا جدی وجہ توں اوہ ماریا گیا۔‏

• ایوب 21:‏7،‏ 14-‏16‏—‏ایوب ایہو جہے لوکاں توں دُور رہیا جیہڑے یہوواہ دی عزت نئیں کردے سن۔‏

پاک کلام چوں کجھ مثالاں:‏

• 1-‏سموئیل 1:‏9-‏16‏—‏وڈے کاہن عیلی نُوں لگیا کہ حنّہ نشے وچ اے۔ اوہنے پوری گل جانے بغیر ای حنّہ دی سختی نال درستی کر دِتی۔‏

• متی 16:‏21-‏23‏—‏پطرس رسول پوری گل جانے بغیر ای یسوع نُوں جھڑکن لگ پیا۔ اوہ یسوع نُوں اوہ گل کہہ رہیا سی جیہڑی یہوواہ دی بجائے شیطان دی مرضی دے مطابق سی۔‏

پاک کلام چوں کجھ مثالاں:‏

• خروج 3:‏13-‏18‏—‏موسیٰ نبی نے یہوواہ کولوں مدد منگی تاکہ اوہ اِسرائیلیاں دے سوالاں دا جواب دے سکے۔‏

• 1-‏سلاطین 3:‏5-‏12‏—‏جدوں بادشاہ سلیمان جوان سی تے اوہنے اپنے آپ تے بھروسا کرن دی بجائے یہوواہ کولوں حکمت منگی۔ ایس لئی یہوواہ نے اوہنوں بڑیاں برکتاں دِتیاں۔‏

پاک کلام چوں کجھ مثالاں:‏

• متی 4:‏1-‏11‏—‏یسوع نے اَزمیش ویلے شیطان نُوں جواب دین لئی اپنی سمجھ تے نئیں سگوں پاک کلام تے بھروسا کیتا۔‏

• یوحنا 12:‏49، 50‏—‏یسوع نے دَسیا کہ اوہ اوہی گلاں سکھاندا اے جیہڑیاں اوہنے باپ کولوں سکھیاں نیں۔ اِنج اوہنے ساڈے لئی اِک ودھیا مثال قائم کیتی۔‏

پاک کلام چوں کجھ مثالاں:‏

• 2-‏تواریخ 19:‏2، 3‏—‏یہوواہ نے اِک نبی دے ذریعے بادشاہ یہوسفط دی درستی کیتی۔ نالے فیر اوہدے چنگے کماں دی تعریف وی کیتی۔‏

• مُکاشفہ 2:‏1-‏4،‏ 8، 9،‏ 12-‏14،‏ 18-‏20‏—‏یسوع نے کئی کلیسیاواں نُوں نصیحت کرن توں پہلاں اوہناں دی دِلوں تعریف کیتی۔‏

پاک کلام چوں مثال:‏

• متی 18:‏23-‏35‏—‏یسوع نے اِک مثال دے ذریعے سمجھایا کہ دُوجیاں نُوں معاف کرنا کِنّاں ضروری اے۔‏

پاک کلام چوں کجھ مثالاں:‏

• 1-‏سموئیل 15:‏23-‏29‏—‏سموئیل نبی نے دلیری نال بادشاہ ساؤل دی درستی کیتی۔‏

• 1-‏سلاطین 22:‏19-‏28‏—‏میکایاہ نبی نے اوہدوں وی اپنے پیغام نُوں نئیں بدلیا جدوں بادشاہ اخی‌اب نے اوہنوں دھمکیاں دِتیاں تے اوہدے تے ظلم کیتا۔‏

پاک کلام چوں کجھ مثالاں:‏

• لُوقا 22:‏31-‏34‏—‏پطرس رسول نے وڈیاں غلطیاں کیتیاں سن۔ پر یسوع نُوں اوہدے تے بھروسا سی کہ اوہ وفاداری نال یہوواہ دی خدمت کرے گا تے دُوجیاں دا وی حوصلہ ودھائے گا۔‏

• فِلیمون 21‏—‏پولُس رسول نُوں فِلیمون تے بھروسا سی کہ اوہ اوہدی نصیحت تے عمل کرے گا تے یہوواہ دی مرضی مطابق کم کرے گا۔‏