Llapan kanqanman ëwari

Qallananchö tïtulukunaman ëwë

Cuentëkiman yëkuy (abre una nueva ventana)
JW.ORG päginachö ashinëkipaq

Consëju

Consëju

Pipis consejamashqa o corregimashqa

Pipis Bibliawan consejamashqaqa, ¿imanirtan chaskikushwan?

Sl 32:8; Pr 15:22; 19:20; 20:18

Kë textukunatapis leyi: Pr 11:14; Is 28:29; Jer 32:19.

Pipis consejamashqa o corregimashqaqa, ¿imanirtan defendikur tsapäkunantsikpa rantin chaskikushwan?

Pr 12:15; 29:1

Kë textukunatapis leyi: Pr 1:23-31; 15:31.

  • Bibliachö willakunqan:

    • 1Sa 15:3, 9-23. Gobernanti Saulqa manam chaskikurqantsu Jehoväpa willakoqnin Samuel correginqanta y consejanqanta, tsëmi Jehoväqa gobernanti kananta munarqannatsu.

    • 2Cr 25:14-16, 27. Gobernanti Amasïasqa manam chaskikurqantsu Diospa willakoqnin correginqanta, tsëmi Jehoväqa cölerarnin chikeqninkunapita salvarqantsu.

¿Imanirtan congregacionchö dirigimaqnintsikkunata cäsunantsik y respetanantsik?

1Te 5:12; 1Ti 5:17; Heb 13:7, 17

  • Bibliachö willakunqan:

    • 3Jn 9, 10. Diotrefesqa manam congregacionchö dirigeqkunata respetarqantsu, tsëmi edäyashqana apostol Juan fuertipa corregirqan.

¿Imanirtan edäyashqana wawqintsik o panintsik consejamashqa cäsukunantsik?

Le 19:32; Pr 16:31

Kë textukunatapis leyi: Job 12:12; 32:7; Tït 2:3-5.

  • Bibliachö willakunqan:

    • 1Sa 23:16-18. Jonatanqa 30 watapam Davidpa mayornin karqan. Jonatan consejanqanmi Davidtaqa alläpa yanaparqan.

    • 1Rë 12:1-17. Gobernanti Rehoboamqa experienciayoq mayor nunakuna consejayanqanta cäsukunampa rantinmi jövin mayinkunata cäsurqan, tsëmi mana allikunapa pasarqan.

¿Imanötan musyantsik Jehoväta sirweq warmikunapa y jövinkunapa consëjunkunaqa alläpa yanapakunqanta?

Job 32:6, 9, 10; Pr 31:1, 10, 26; Ec 4:13

Kë textutapis leyi: Sl 119:100.

  • Bibliachö willakunqan:

    • 1Sa 25:14-35. Abigail consejanqanta chaskikurmi Davidqa mana culpayoq nunakunata wanutsinampaq kaqpita salvakurqan.

    • 2Sa 20:15-22. Juk alli juiciuyoq warmi consejakunqanmi yanapakurqan Abel niyanqan markata chikeqninkuna mana ushakätsiyänampaq.

    • 2Rë 5:1-14. Juk israelïta wamra ninqanta cäsukurmi lepra qeshyayoq mandakoq soldädu alliyarqan.

¿Imanirtan Jehoväta y Palabranta mana respetaq nunakuna consejamanqantsikta wiyakushwantsu?

Sl 1:1; Pr 4:14

Kë textutapis leyi: Lü 6:39.

  • Bibliachö willakunqan:

    • 1Cr 10:13, 14. Jehoväta tapukunampa rantinmi Saulqa juk brüjaman tapukoq ëwarqan. Tsëta rurar Jehoväta mana respetanqampitam wanurqan.

    • 2Cr 22:2-5, 9. Gobernaq Ocozïasqa Jehoväta mana respetaq nunakuna consejayanqanta cäsukunqampitam wanurqan.

    • Job 21:7, 14-16. Jobqa manam cäsukurqantsu Jehoväta mana respetaq nunakuna consejayanqanta.

Pitapis imanö consejanapaq o correginapaq kaq

Problëmachö këkaqkunata consejëta munarqa, ¿imanirtan puntataqa ishkantaraq shumaq wiyanantsik y ima pasakunqantaraq alli musyapakunantsik?

Pr 18:13, 17

Kë textutapis leyi: Pr 25:8.

  • Bibliachö willakunqan:

    • 1Sa 1:9-16. Sacerdöti Elïqa manaraq shumaq musyarmi Äna machashqa këkanqanta pensar qayaparqan.

    • Mt 16:21-23. Apostol Pëdruqa Jehoväpa voluntäninta cuentaman mana churarmi Jesusta mana alli consejarqan. Tsënö consejanqanqa Satanaspa voluntäninmi karqan.

Pitapis consejëta munarqa, ¿imanirtan yanapëkamänapaq Jehoväta mañakushwan?

Sl 32:8; 73:23, 24; Pr 3:5, 6

  • Bibliachö willakunqan:

    • Ex 3:13-18. Moisesqa israelïtakuna tapuyaptin imata ninampaq kaqta musyanampaqmi Jehoväta mañakurqan.

    • 1Rë 3:5-12. Kikinllaman confiakunampa rantin alli yachaqta tikratsinampaq mañakuptinmi Jehoväqa jövin Salomonta bendicirqan.

Pitapis consejarqa, ¿imanirtan Bibliachö ninqannö consejanapaq alli kallpachakunantsik?

Sl 119:24, 105; Pr 19:21; 2Ti 3:16, 17

Kë textukunatapis leyi: Dt 17:18-20.

  • Bibliachö willakunqan:

    • Mt 4:1-11. Jesusqa Diospa palabranwanmi Satanas tentaptin defendikurqan, y manam kikin pensanqanmantsu ni yachanqanmantsu confiakurqan.

    • Jn 12:49, 50. Jesusqa manam kikin pensanqantatsu yachatsikoq, sinöqa Papänin yachatsinqantam. Noqantsikpis Diospa Palabrampitam nunakunata yachatsinantsik.

Pitapis correginantsik kaptinqa, ¿imanirtan allita ruranqankunapita felicitänapaq y shumaq kuyëpa consejanapaq kallpachakunantsik?

Gäl 6:1; Col 3:12

Kë textukunatapis leyi: Is 9:6; 42:1-3; Mt 11:28, 29.

  • Bibliachö willakunqan:

    • 2Cr 19:2, 3. Jehosafat-ta correginampaq Jehovä mandanqan willakoqninqa corregirpis imakunata allita ruranqantam nirqan.

    • Ap 2:1-4, 8, 9, 12-14, 18-20. Jesusqa punta cristiänukunata manaraq corregirmi allikunata rurëkäyanqampita felicitarqan.

Juk cristiänu mayintsik engañashqa o calumniashqa kanqanta juk wawqi o pani willamashqaqa, ¿imanirtan puntataqa ishkanraq shumaq parlayänampaq consejashwan?

Mt 18:15-17; Lü 17:3

Kë textutapis leyi: Le 19:17.

Pipis mana alli tratashqa kanqanta juk wawqi o pani willamashqaqa, ¿imanöraq yanapashwan llakipäkoq, perdonakoq y pacienciakoq kanampaq?

Mt 18:21, 22; Mr 11:25; Lü 6:36; Ef 4:32; Col 3:13

Kë textukunatapis leyi: Mt 6:14; 1Co 6:1-8; 1Pë 3:8, 9.

  • Bibliachö willakunqan:

    • Mt 18:23-35. Jesusqa juk alläpa shumaq ejempluwanmi imanir perdonakoq kanapaq kaqta yachatsikurqan.

Mana allita rurëkanqanta cuentata qokunampaq pitapis yanaparqa, ¿imanirtan Jehovä mandakunqankunata defendinantsik?

Sl 141:5; Pr 17:10; 2Co 7:8-11

  • Bibliachö willakunqan:

    • 1Sa 15:23-29. Saul gobernanti kaptimpis Diospa willakoqnin Samuelqa mana mantsakushpam willarqan pëpaq Jehovä imata pensanqanta.

    • 1Rë 22:19-28. Diospa willakoqnin Micäyaqa maqëkäyaptimpis y carcelayänampaq kaqta nikäyaptimpis, Jehovä llapan ninqantam gobernanti Acabta nirqan.

¿Imanötan pitapis mana alläpa llakitsishllapa corregishwan, tsënöpa Jehoväta mana dejarinampaq?

Heb 12:11-13

  • Bibliachö willakunqan:

    • Lü 22:31-34. Alläpa mana allita rurashqa kaptimpis Jesusqa apostol Pëdruman confiakurqanmi, y cristiänu mayinkunata yanapëta puëdinampaq kaqtam nirqan.

    • Flm 21. Apostol Pabluqa segürum karqan llapan consejanqanta Filemon chaskikunampaq kaqta, y tsë consëjukuna Diospita shamunqantam rikätsirqan.

Sufrikaqkunata o desanimashqa këkaqkunata consejanantsik y correginantsik kaptinqa, ¿imanötan kuyakoq kanqantsikta rikätsikushwan?

Col 3:12; Snt 5:14-16; 1Pë 3:8

Jutsa rurashqa wawqita o panita corregirqa, ¿imanötan rikätsishwan Jehoväwan yapë amïgu kayänampaq yanapëta munanqantsikta?

Gäl 6:1; Ef 4:32

Ollquta, warmita, wamrata, mayorta, o pita karpis consejarqa, ¿imanötan mana penqakatsirlla y respëtuwan consejashwan?

1Ti 5:1, 2

Bibliachö këkaq consëjukunata cäsukuyta mana munaqkunataqa, ¿imanirtan anciänukunaqa alli firmi consejayänan?

1Co 5:9, 11, 13; 1Ti 5:20; Tït 3:10

“Congregacionpita qarqushqakuna” neqtapis leyi.

 

Capaz këkunapis gustashunki

PËKUNAPITA YACHAKUSHUN

Alli juiciuyoq warmi

¿Imatataq yachakushwan nunan feyu këkaptimpis Abigail alli tsarakunqampita?

BIBLIA WILLAKUNQAMPITA SHUMAQ YACHATSIKÏKUNA

Mandakoq soldäduta yanapaq warmi wamra

Juk israelïta warmi wamram Jehovä alläpa puëdeq kanqanta patrönanta willarqan. Tsënö willanqampitam juk milagru rurakarqan.

PËKUNAPITA YACHAKUSHUN

Imëkata pasarpis Pëdruqa Jesusta manam jaqirqantsu

¿Imanötaq markäkoq kanqan Pëdruta yanaparqan Jesus kawarimunampaq kaqta creinampaq?

REQIYÄMË

¿Munankimanku visitayänaqta?

¿Munankiku Bibliapita maslla yachakuyta o Jehoväpa testïgunkuna imanö kayanqanta musyëta?

ALLI KAWAKUNAPAQ BIBLIACHÖ CONSËJUKUNA

Consëju

Quechua (Ancash)
Consëju
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl pägk. 41 - 44
IMANÖPIS JORQANËKIPAQ
Consëju
Mëqanchöpis jorqanëkipaq kaqta akranëkipaq Alli kawakunapaq Bibliachö consëjukuna