Consejana
Shujtajcuna ñucanchijta consejajpi
¿Imamantataj Bibliapi tiyaj consejocunata mashcana canchij?
Sl 32:8; Pr 15:22; 19:20; 20:18
Pr 11:14; Is 28:29; Jer 32:19-tapish ricui.
Pandarishcacunamanta justificarinapaj randica, ¿imamantataj shujtajcunapaj consejocunata uyashpa corregichun saquina canchij?
Pr 12:15; 29:1
Pr 1:23-31; 15:31-tapish ricui.
-
Ñucanchijta ayudangapaj ejemplocuna:
-
1Sa 15:3, 9-23. Rey Saulca pai pandarishcacunamanta justificarishpami profeta Samuel corregichun mana saquirca. Chaimantami Jehová Diosca paitaca mana chasquirca.
-
2Cr 25:14-16, 27. Diospaj profeta rey Amasiasta corregijpica paica mana cazurcachu. Chaimantami Jehová Diosca Amasiastaca ayudanata saquirca.
-
¿Consejocunata cuj superintendentecunata, ancianocunataca imamantataj respetana canchij?
1Te 5:12; 1Ti 5:17; Heb 13:7, 17
-
Ñucanchijta ayudangapaj ejemplocuna:
-
3Jn 9, 10. Diótrefes congregacionta pushajcunata mana respetashcamantami achca huatacunata charij apóstol Juanca paita sinchita consejarca.
-
¿Imamantataj mayorlla huauqui panicunata uyana canchij?
Le 19:32; Pr 16:31
Job 12:12; 32:7; Tit 2:3-5-tapish ricui.
-
Ñucanchijta ayudangapaj ejemplocuna:
-
1Sa 23:16-18. Jonatanca Davidtami consejarca. Paica 30 huatacuna ñaupami carca. Pai consejashcamantami Davidca animarishca sintirirca.
-
1Re 12:1-17. Rey Rehoboamca experienciata charijcunapaj consejocunata uyanapaj randica jovencunapaj consejocunata uyashcamantami llaquipi urmarca.
-
¿Diosta sirvij huarmicunapaj, jovencunapaj consejocuna valishca cashcataca imatataj ricuchin?
Job 32:6, 9, 10; Pr 31:1, 10, 26; Ec 4:13
Sl 119:100-tapish ricui.
-
Ñucanchijta ayudangapaj ejemplocuna:
-
1Sa 25:14-35. Abigaíl Davidta consejashcamantami ama achca gentecuna huañuchun jarcarca.
-
2Sa 20:15-22. Abel llajtapi causaj yachaisapa huarmi shuj consejota cushcamantami chaipi causaj gentecunaca salvarircacuna.
-
2Re 5:1-14. Israelmanta uchilla huarmi huambra soldadocunata mandaj Naamanman shuj consejota cushcamantami paica lepra ungüimanta ima shina jambirinata yacharca.
-
¿Jehová Diostapish, Bibliatapish mana respetaj gentecunapaj consejocunataca imamantataj mana uyana canchij?
Sl 1:1; Pr 4:14
Lu 6:39-tapish ricui.
-
Ñucanchijta ayudangapaj ejemplocuna:
-
1Cr 10:13, 14. Saulca Diosta uyanapaj randica huañushcacunahuan parlaj huarmipaj consejotami uyarca. Chaimantami Saulca huañurca.
-
2Cr 22:2-5, 9. Rey Ocoziasca paita consejajcunata mana alli agllashcamantami huañurca.
-
Job 21:7, 14-16. Jobca Jehová Diosta mana respetajcunapaj consejotaca mana cazurcachu.
-
Shujtajcunata consejashpa
Shuj problema ricurijpi manaraj shuj consejota cushpaca, ¿imamantataj chai problemapi cajcunata tapushpa ima tucushcata alli yachana canchij?
Pr 18:13, 17
Pr 25:8-tapish ricui.
-
Ñucanchijta ayudangapaj ejemplocuna:
-
1Sa 1:9-16. Sacerdotecunata mandaj Elica mana tucuita yachashcamantami Ana machashca cashcata yuyashpa sinchita rimarca.
-
Mt 16:21-23. Apóstol Pedroca mana yuyashcapimi Dios munashca shina Jesusta consejanapaj randica Diablo munashca shinami sinchita rimarca.
-
¿Manaraj consejashpaca imamantataj Jehová Diostaraj ayudachun mañana canchij?
Sl 32:8; 73:23, 24; Pr 3:5, 6
-
Ñucanchijta ayudangapaj ejemplocuna:
-
Éx 3:13-18. Moisesca israelitacuna imacunalla tapunata cutichingapajca Jehová Diostami ayudachun mañarca.
-
1Re 3:5-12. Rey Salomón paillapi confianapaj randica Jehová Dios alli yuyaita cuchun mañashcamantami paica bendiciarca.
-
¿Imamantataj siempre Bibliahuan consejana canchij?
Sl 119:24, 105; Pr 19:21; 2Ti 3:16, 17
Dt 17:18-20-tapish ricui.
-
Ñucanchijta ayudangapaj ejemplocuna:
-
Mt 4:1-11. Satanás Jesusta pandachisha nijpica paica Bibliapi ima nishcatami cutichirca.
-
Jn 12:49, 50. Jesusca paipaj Yaya ima yachachishcatami shujtajcunaman yachachirca. Ñucanchijpish paipaj ejemplotami catina canchij.
-
Shuj huauquita o shuj panita consejangapajca, ¿imamantataj mana pꞌiñarishpa, shinallataj paipaj alli cualidadcunamanta felicitana canchij?
Is 9:6; 42:1-3; Mt 11:28, 29-tapish ricui.
-
Ñucanchijta ayudangapaj ejemplocuna:
-
2Cr 19:2, 3. Jehová Diosca rey Jehosafatta corregingapajmi shuj profetata cacharca. Chai profetaca consejota cushpapish paipaj alli rurashcacunamantami felicitarca.
-
Ap 2:1-4, 8, 9, 12-14, 18-20. Jesusca huaquin congregacioncuna imapi mejorana cashcata manaraj nishpallatajmi paicunata felicitarca.
-
Shuj huauqui caishuj huauquihuan problemacunata charishcata huillajpica, ¿imamantataj paicunapuralla parlanacuchun consejana canchij?
Le 19:17-tapish ricui.
Shuj huauqui paita mana alli tratashcata huillajpica llaquishcata ricuchichun, pacienciata charichun, perdonachunpish, ¿ima shinataj animai tucunchij?
Mt 18:21, 22; Mr 11:25; Lu 6:36; Ef 4:32; Col 3:13
Mt 6:14; 1Co 6:1-8; 1Pe 3:8, 9-tapish ricui.
-
Ñucanchijta ayudangapaj ejemplocuna:
-
Mt 18:23-35. Jesusca perdonana valishca cashcata yachachingapajca shuj chꞌimbapuraitami churarca.
-
Shuj huauqui o shuj pani mana alli ruraicunamanta arrepintirichunca, ¿imamantataj Diospaj mandashcacuna ñucanchijpaj alli cashcata ricuchina canchij?
Sl 141:5; Pr 17:10; 2Co 7:8-11
-
Ñucanchijta ayudangapaj ejemplocuna:
-
1Sa 15:23-29. Profeta Samuelca rey Saultaca mana manchashpami consejota curca.
-
1Re 22:19-28. Rey Acab profeta Micayata llaquichijpipish paica Acab shuj llaquita apana cashcatami huillarca.
-
¿Shujtajcuna Jehová Diosta sirvinata ama desanimarichunca ima shinataj corregi tucunchij?
-
Ñucanchijta ayudangapaj ejemplocuna:
-
Lu 22:31-34. Apóstol Pedro cutin cutin pandarijpipish Jesusca paipi confiashcamantami shujtajcunata animai tucushcata yacharca.
-
Flm 21. Apóstol Pabloca Filemonman cushca consejocunata pai pajtachina cashcataca allimi yacharca. Chai consejocunaca Diosmantami carca.
-
Shuj huauqui o shuj pani desanimado, llaquilla cajpica, ¿ima shinataj cꞌuyaihuan consejai tucunchij?
Juchata rurajcuna Jehová Dioshuan alli apanacushpa catichun ayudasha nishcataca, ¿ima shinataj ricuchinchij?
Ima edadta charij shuj huauquita o shuj panita consejanata munashpaca, ¿ima shinataj respetashcata ricuchinchij?
Bibliapi nishcata cutin cutin mana cazusha nijcunataca, ¿imamantataj ancianocunaca sinchita consejana can?