Talanoa Fakatohitapu mahuʻinga:

• 1 Sām. 15:​3, 9-23—ʻI hono fakatonutonu ʻe he palōfita ko Sāmiuelá ʻa Saula, ʻoku feinga ʻa e tuʻí ke ne fakatonuhiaʻi ia tonu peá ne siʻaki ʻa e akonakí; ko ia, ʻoku siʻaki ia ʻe Sihova

• 2 Kal. 25:​14-16, 27—ʻOku faiangahala ʻa Tuʻi ʻAmasaia ʻo ne siʻaki ʻa e akonaki mei he palōfita ʻa Sihová, ʻo mole ai meiate ia ʻa e hōifua mo e maluʻi ʻa Sihová

Talanoa Fakatohitapu mahuʻinga:

• 3 Sio. 9, 10—Ko e ʻapositolo taʻumotuʻa ko Sioné ʻokú ne fakahalaiaʻi ʻa Taiotifi ki he founga taʻefakaʻapaʻapa ʻokú ne fakafeangai ai ki he faʻahinga ʻoku nau takimuʻa ʻi he fakatahaʻanga Kalisitiané

Talanoa Fakatohitapu mahuʻinga:

• 1 Sām. 23:​16-18—ʻOku fanongo ʻa Tuʻi Tēvita ki ha faleʻi meia Sionatane, ʻa ia ʻokú ne lahi ʻaki ʻa e taʻu ʻe 30 ʻiate ia, pea ʻoku fakaivimālohiʻi ia

• 1 Tuʻi 12:​1-17—ʻOku siʻaki ʻe Tuʻi Lehopoame ʻa e faleʻi mafamafatatau ʻa e kau tangata taʻumotuʻá pea fanongo ki he faleʻi anga-fefeka ʻa e kau talavoú, ʻo taki atu ki he fakatamaki

Talanoa Fakatohitapu mahuʻinga:

• 1 Sām. 25:​14-35—ʻOku ʻoange ʻe ʻApikale kia Tuʻi Tēvita ha faleʻi ʻokú ne fakahaofi ʻa e moʻui ʻa e tokolahi pea maluʻi ia mei he halaia ʻi he totó

• 2 Sām. 20:​15-22—ʻOku fakahaofi ʻe ha fefine ʻi he kolo ko ʻĒpelí ʻa e koló kotoa fakafou ʻi heʻene faleʻí

• 2 Tuʻi 5:​1-14—ʻOku fai ʻe ha kiʻi taʻahine ʻIsileli ha fokotuʻu ʻo ʻiloʻi ai ʻe ha tangata toʻa ʻi he taú ʻa e founga ʻe lava ke fakamoʻui ai ia mei he kiliá

Talanoa Fakatohitapu mahuʻinga:

• 1 Kal. 10:​13, 14—ʻOku kumi faleʻi ʻa Tuʻi Saula ki ha taula faʻahikehe kae ʻikai kia Sihova peá ne mate koeʻuhi ko ʻene taʻefaitōnungá

• 2 Kal. 22:​2-5, 9—ʻOku fili ʻe Tuʻi ʻAhasaia ʻa e kau faleʻi hala, ʻo taki atu ai ki heʻene maté

• Siope 21:​7, 14-16—ʻOku talitekeʻi ʻe Siope ʻa e fakakaukau ʻa e faʻahinga ʻoku ʻikai ke nau fakaʻapaʻapaʻi ʻa Sihová

Talanoa Fakatohitapu mahuʻinga:

• 1 Sām. 1:​9-16—ʻOku akonakiʻi fefeka ʻe he Taulaʻeiki Lahi ko ʻĪlaí ʻa ʻAna ki muʻa ke ne maʻu ʻa e ngaahi moʻoniʻi meʻá, ʻo fakahuʻunga ʻoku konā ʻa e fefine faitōnunga ko ení

• Māt. 16:​21-23—ʻOku valokiʻi ʻe he ʻapositolo ko Pitá ʻa Sīsū, ʻo ne ʻoatu ai ha faleʻi naʻe ʻikai ke ne ʻiloʻi te ne poupouʻi ʻa Sētane, kae ʻikai ko Sihova

Talanoa Fakatohitapu mahuʻinga:

• ʻEki. 3:​13-18—ʻOku ʻeke ʻe he palōfita ko Mōsesé kia Sihova fekauʻaki mo e founga lelei taha ke tali ai ʻa e ngaahi fehuʻi ʻe ʻohake nai ʻe he kaungā-ʻIsilelí

• 1 Tuʻi 3:​5-12—ʻOku kole ʻe he tuʻi kei siʻi ko Solomoné kia Sihova ki ha poto kae ʻikai falala pē kiate ia, ʻa ia ʻoku iku atu ki heʻene maʻu ʻa e tāpuaki ʻa Sihová

Talanoa Fakatohitapu mahuʻinga:

• Māt. 4:​1-11—ʻOku fakatefito ʻe Sīsū ʻene tali ki he ngaahi ʻahiʻahi ʻa Sētané, ʻo ʻikai ʻi hono potó tonu, ka ʻi he Folofola ʻa e ʻOtuá

• Sione 12:​49, 50—ʻOku fakamatalaʻi ʻe Sīsū ʻokú ne fakatefito ʻene ngaahi akonakí kotoa ʻi he meʻa naʻe akoʻi ange ʻe heʻene Tamaí kiate iá, ʻo fokotuʻu ai ha faʻifaʻitakiʻanga lelei kiate kitautolu

Talanoa Fakatohitapu mahuʻinga:

• 2 Kal. 19:​2, 3—Fakafou ʻi ha tangata-lea, ʻoku fakatonutonu ʻe Sihova ʻa Tuʻi Sihosafate ka ʻokú ne toe fakaongoongoleleiʻi foki ia ki he lelei kuó ne faí

• Fkh. 2:​1-4, 8, 9, 12-14, 18-20—ʻOku fakaongoongoleleiʻi ʻe Sīsū ha ngaahi fakatahaʻanga ki muʻa ke ne ʻoatu kiate kinautolu ʻa e akonakí

Talanoa Fakatohitapu mahuʻinga:

• Māt. 18:​23-35—ʻOku fai ʻe Sīsū ha talanoa fakatātā mālohi ke fakamatalaʻi ʻa e ʻuhinga ʻoku mātuʻaki mahuʻinga ai ke tau hoko ʻo faʻa fakamolemolé

Talanoa Fakatohitapu mahuʻinga:

• 1 Sām. 15:​23-29—ʻOku fakafisi ʻa e palōfita ko Sāmiuelá ke ne teteki ʻia Tuʻi Saula

• 1 Tuʻi 22:​19-28—ʻOku fakafisi ʻa e palōfita ko Maikaiá ke ne liliu ʻene pōpoaki fakaefakatokanga kia Tuʻi ʻĒhapí, neongo ʻa e fakamanamaná mo e ngaohikovia anga-fakamālohí

Talanoa Fakatohitapu mahuʻinga:

• Luke 22:​31-34—ʻOku fakahaaʻi ʻe Sīsū ʻa e falala pau ko e ʻapositolo ko Pitá, neongo ʻene fai ha ngaahi fehālaaki mamafa, te ne malava ʻo fakaivimālohiʻi ʻa e niʻihi kehé

• Flm. 21—ʻOku fakahaaʻi ʻe he ʻapositolo ko Paulá ʻa e falala pau ʻe talangofua ʻa Filimone ki he faleʻi fakaʻotuá