Switluli

Tlula longoloko

Nghena (opens new window)
Lavetela JW.ORG

Switsundzuxu

Switsundzuxu

Ku yamukela switsundzuxu

Hi mhaka muni swi li swa lisima ku lavetela switsundzuxu ka Bibele?

Ps 32:8; Swiv 15:22; 19:20; 20:18

Vona ni Swiv 11:14; Esa 28:29; Yer 32:19

Hi mhaka muni swi yampsa ku yamukela xitsundzuxu ku tlula ku tinyimelela?

Swiv 12:15; 29:1

Vona ni Swiv 1:23-31; 15:31

  • Swikombiso swa le Bibeleni leswi nga ku pfunaka:

    • 1Sa 15:3, 9-23 — Nkama Hosi Sawulo a nga nyikiwa xitsundzuxu hi muprofeta Samuwele a xi yalile, leswo swi yendle swaku Yehovha a huma ka yena

    • 2Tik 25:14-16, 27 — Nkama Hosi Amaziya a nga djoha, a tlhela a yala xitsundzuxu lexi a xi ta hi ka muprofeta wa Yehovha swi yendle leswaku Yehovha a nga ha mu tsakeli a tlhela a nga ha mu vhikeli

Hi mhaka muni hi fanele hi hlonipha madoda ni switsundzuxu leswi taka hi ka wona?

1Tes 5:12; 1Tm 5:17; Heb 13:7, 17

  • Xikombiso xa le Bibeleni lexi nga ku pfunaka:

    • 3Yo 9, 10 — Mupostolo Yohani a kawuke Diyotrefu hikusa a a nga va hloniphi vanhu lava a va rhangela ka bandla la Wukreste

Hi mhaka muni swi li swa lisima ku yingisa switsundzuxu swa vanhu lava nga kula?

Lev 19:32; Swiv 16:31

Vona ni Yob 12:12; 32:7; Tit 2:3-5

  • Swikombiso swa le Bibeleni leswi nga ku pfunaka:

    • 1Sa 23:16-18 — Hosi Davhida a tiyisiwile hi xitsundzuxu lexi a nga nyikiwa xona hi Yonatani lweyi a a mu tlula hi 30 wa malembe

    • 1Tih 12:1-17 — Hosi Yerobuwamu a yale xitsundzuxu lexi a nga nyikiwa xona hi vavanuna lava a va kulile kambe a yingisa xitsundzuxu lexi a nga nyikiwa xona hi majovhem man’wani, leswo swi yendle leswaku swi nga mu fambeli kahle

I mpsini leswi kombisaka swaku vavasati va ku tshembeka ni vatirheli van’wani va Yehovha lava nga majovhem va nga nyikela switsundzuxu swa kahle?

Yob 32:6, 9, 10; Swiv 31:1, 10, 26; Ekl 4:13

Vona ni Ps 119:100

  • Swikombiso swa le Bibeleni leswi nga ku pfunaka:

    • 1Sa 25:14-35 — Xitsundzuxu lexi Abigayili a nga nyika Hosi Davhida xi yendle swaku vanhu va vanyingi va ponisiwa xi tlhela xi vhikela Hosi Davhida leswaku a nga kumi nandzu wa ngati

    • 2Sa 20:15-22 — Wansati wa wutlharhi wa doropa la Abele a nyikele xitsundzuxu lexi nga yendla swaku vanhu hinkwavu va doropa leli va ponisiwa

    • 2Tih 5:1-14 — Xintombhani xa Muyisrayele xi pfune sonchwa la matimba kuva li tiva leswi a li fanele li swi yendla swaku li hanyisiwa ka mavabyi ya nhlokonho

Hi mhaka muni hi fanele hi tivonela ka switsundzuxu swa vanhu lava va kalaka va nga mu hloniphi Yehovha ni Rito la yena?

Ps 1:1; Swiv 4:14

Vona ni Luk 6:39

  • Swikombiso swa le Bibeleni leswi nga ku pfunaka:

    • 1Tik 10:13, 14 — Handle ka kuva a kombela ku pfuniwa hi Yehovha, Hosi Sawulo a ye a ya lava ku pfuniwa hi wansati lweyi a a li nyanga, leswo swi yendle swaku a fa hi mhaka ya ku kala ku tshembeka ka yena

    • 2Tik 22:2-5, 9 — Hosi Akaziya a file hi mhaka ku yingisa switsundzuxu swa ku kala swi nga li swinene

    • Yob 21:7, 14-16 — Yobo a nga pfumelanga ku yingisela mavonelo ya vanhu lava a va nga mu hloniphi Yehovha

Ku nyikela switsundzuxu

Hi mhaka muni swi li kahle kuva hi tiva mhaka hinkwayu hi tlhela hi va yingisela kahle lava mhaka yoleyo yi va khumbaka na hi nge se nyikela xitsundzuxu?

Swiv 18:13, 17

Vona ni Swiv 25:8

  • Swikombiso swa le Bibeleni leswi nga ku pfunaka:

    • 1Sa 1:9-16 — Muprista Wamukulu Eli, a mu nyike xitsundzuxu xa ku vava Ana hileswi a a pimisa swaku a dakwile, kambe a yendle leswo na a nga se rhanga hi ku lava ku tiva mhaka hinkwayu

    • Mat 16:21-23 — Leswi Pedru a a nga tivi mhaka hinkwayu, a byele Yesu swaku a yendla swilo leswi a swi ta tsakisa Sathana ku nga li Yehovha

Hi mhaka muni hi fanele hi rhanga hi ku khongela na hi nga se nyikela xitsundzuxu?

Ps 32:8; 73:23, 24; Swiv 3:5, 6

  • Swikombiso swa le Bibeleni leswi nga ku pfunaka:

    • Eks 3:13-18 — Moxe a kombele Yehovha swaku a mu pfuna ku tiva ndlela ya ku lulamisa swikarhatu leswi Vayisrayele a va kumana na swona

    • 1Tih 3:5-12 — Handle ka kuva Solomoni a titshemba, a kombele Yehovha swaku a mu nyika wutlharhi naswona Yehovha a game a mu katekisa

Hi mhaka muni switsundzuxu leswi hi swi nyikelaka minkama hinkwayu swi fanele swi ta hi ka Bibele?

Ps 119:24, 105; Swiv 19:21; 2Tm 3:16, 17

Vona ni Det 17:18-20

  • Swikombiso swa le Bibeleni leswi nga ku pfunaka:

    • Mat 4:1-11 — Nkama lowu Yesu a nga ringiwa hi Sathana, a nga hlamulanga hi ku ya hi wutlharhi la yena, kambe a tirhise Rito la Xikwembu

    • Yoh 12:49, 50 — Hi fanele hi tekelela Yesu lweyi minkama hinkwayu a a djondzisa vanhu leswi a swi ta hi ka Papayi wa yena

Nkama hi nyikelaka switsundzuxu, hi mhaka muni hi fanele hi yendla hinkwaswu leswaku hi vulavula hi ndlela ya lirhandzu naswona loko swi koteka hi va khensa vanhu va kona?

Gal 6:1; Kol 3:12

Vona ni Esa 9:6; 42:1-3; Mat 11:28, 29

  • Swikombiso swa le Bibeleni leswi nga ku pfunaka:

    • 2Tik 19:2, 3 — Hi ku tirhisa muprofeta, Yehovha a laye Hosi Yehoxafati, kambe a game a mu khensa hi swilo swaswinene leswi a a swi yendla

    • Nhl 2:1-4, 8, 9, 12-14, 18-20 — Na a nga se nyikela switsundzuxu ka mabandla ya ku hambanahambana, Yesu a rhange hi ku ma khensa hi swilo swaswinene leswi a ma swi yendla

Loko makwerhu mun’wani a hi byela swaku ku ni makwerhu lweyi a nga mu kanganyisa ka manegosiyu, hi mhaka muni hi fanele hi mu byela leswaku a rhanga hi ku ya vulavula ni makwerhu yelweyo na va li vona vambirhi ntsena?

Mat 18:15-17; Luk 17:3

Vona ni Lev 19:17

Loko makwerhu a vona leswaku a nga khomiwanga hi ndlela yayinene, hi nga mu pfunisa ku yini leswaku a va ni ntwelawusiwana, a lehisa mbilu a tlhela a rivalela?

Mat 18:21, 22; Mar 11:25; Luk 6:36; Efe 4:32; Kol 3:13

Vona ni Mat 6:14; 1Ko 6:1-8; 1Pe 3:8, 9

  • Xikombiso xa le Bibeleni lexi nga ku pfunaka:

    • Mat 18:23-35 — Yesu a vulavule hi xikombiso xa kahle swinene leswaku a tlhamusela lisima la kuva hi rivalela minkama hinkwayu

Hi mhaka muni hi fanele hi nyima hi tiyile, hi nyimelela swilo swaswinene nkama hi nyikelaka switsundzuxu?

Ps 141:5; Swiv 17:10; 2Ko 7:8-11

  • Swikombiso swa le Bibeleni leswi nga ku pfunaka:

    • 1Sa 15:23-29 — Muprofeta Samuwele a nga pfumelanga ku chaviseliwa hi Hosi Sawulo

    • 1Tih 22:19-28 — Muprofeta Mikaya, hambileswi a a chaviseliwa a tlhela a hluphiwa, a nga txintxanga leswi Yehovha a nga mu rhuma swaku a ya byela Hosi Akabu

Hi nga swi kotisa ku yini ku mu nyika xitsundzuxu munhu na hi nga yendli swaku a godola?

Heb 12:11-13

  • Swikombiso swa le Bibeleni leswi nga ku pfunaka:

    • Luk 22:31-34 — Hambileswi mupostolo Pedru a nga yendla swihoxo, Yesu a kombise swaku a a swi tshemba swaku a ta swi kota ku tiyisa van’wani

    • Flm 21 — Mupostolo Pawulo a byele Filimoni swaku a a swi tiva swaku a ta xi yingisa xitsundzuxu xa yena lexi a xi yelana ni ku rhandza ka Xikwembu

Hi nga swi kotisa ku yini ku nyikela switsundzuxu swa kahle ka vanhu lava nga karhateka kumbe va nga godola?

Kol 3:12; Yak 5:14-16; 1Pe 3:8

Loko munhu a yendle xidjoho, hi nga swi kombisisa ku yini swaku hi lava ku mu pfuna swaku a tlhela a va munghanu wa Yehovha?

Gal 6:1; Efe 4:32

Hi nga swi kombisisa ku yini swaku ha va hlonipha lava hi va nyikaka switsundzuxu, ku nga na mhaka swaku i vakulu kumbe i vatsongo, i vavanuna kumbe i vavasati?

1Tm 5:1, 2

Loko munhu a tshamela ku yala xitsundzuxu, hi mhaka muni madoda ma fanele ma mu laya?

1Ko 5:9, 11, 13; 1Tm 5:20; Tit 3:10

Vona ni “Ku Susiwa Bandleni”

 

Ni Mhaka Leyi Yi Ta Ku Tsakisa

HI TIVI

Kombela Ku Yendzeliwa Hi Timboni Ta Yehovha

Vona swivutiso leswi Bibele li swi hlamulaka, kumbe u djondza swilo swaswinyingi hi Timboni ta Yehovha.

TINDZIMANA LETI HI PFUNAKA KU TIRHELA YEHOVHA

Switsundzuxu

xiChangana (Moçambique)
Switsundzuxu
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl pp 97-100
TINDLELA TA KU BAXARA
Switsundzuxu
Ku baxara ka Mabuku ya Eletroniko Tindzimana Leti Hi Pfunaka Ku Tirhela Yehovha