Tokoni
Tali te ʼu tokoni
He koʼe ʼe tonu ke tou kumi te ʼu tokoni ʼa te Tohi-Tapu?
Ps 32:8; Taa 15:22; 19:20; 20:18
Vakaʼi mo Taa 11:14; Esa 28:29; Sel 32:19
He koʼe ʼe lelei age te fakalogo ki te ʼu tokoni ʼi te fia fakatonuhia?
Vakaʼi mo Taa 1:23-31; 15:31
-
Faʼifaʼitaki Fakatohi-tapu:
-
1Sa 15:3, 9-23—Neʼe fakatonutonuʼi e te polofeta ko Samuele te hau ko Saulo. Neʼe mole fia fakalogo ʼo ina fakatonuhia ia ia. Neʼe liʼaki leva e Sehova
-
2Kk 25:14-16, 27—Neʼe mole fakalogo te Hau ko Amatesia ki te tokoni ʼae neʼe foaki age e te polofeta ʼa Sehova moʼo fakatonutonuʼi tana agahala. Neʼe puli ai te ʼofa mo te tapuakina ʼa Sehova
-
He koʼe ʼe tonu ke fakaʼapaʼapaʼi te ʼu tagata ʼafeā ʼae ʼe natou foaki mai ni tokoni?
1Te 5:12; 1Ti 5:17; Hep 13:7, 17
-
Faʼifaʼitaki Fakatohi-tapu:
-
3So 9, 10—Neʼe fakatuʼā e te apositolo ko Soane ʼae kua matuʼa te mole fakaʼapaʼapa ʼa Tiotefeso ki te ʼu tehina ʼae ʼe natou takitaki te kokelekasio
-
He koʼe ʼe tonu ke tou fakalogo kia natou ʼae kua matuʼa?
Vakaʼi mo Sop 12:12; 32:7; Tit 2:3-5
-
Faʼifaʼitaki Fakatohi-tapu:
-
1Sa 23:16-18—Neʼe fakalogo te Hau ko Tavite ki te ʼu tokoni ʼa Sonatane ʼae neʼe lahi age ia taʼu ʼe 30, pea neʼe lotomalohi ai
-
1Ha 12:1-17—Neʼe tali lelei age e te Hau ko Lopoame te tokoni fefeka ʼa te kau tupulaga ʼi te tokoni fakapotopoto ʼa te ʼu tagata kua fotufotuʼa. Neʼe kovi ʼaupito ai ʼona nunuʼa
-
Kotea ʼae ʼe ha ai ʼe feala ki te ʼu fafine mo te kau tupulaga ʼae ʼe tauhi kia Sehova ke natou foaki he ʼu tokoni lelei?
Sop 32:6, 9, 10; Taa 31:1, 10, 26; Ekl 4:13
Vakaʼi mo Ps 119:100
-
Faʼifaʼitaki Fakatohi-tapu:
-
1Sa 25:14-35—Neʼe foaki e Apikaile kia Tavite he tokoni neʼe feala ai ke haofaki he tokolahi ʼo mole fai ai e Tavite he ligi toto
-
2Sa 20:15-22—Neʼe foaki e te fafine mai te kolo ko Apele he tokoni fakapotopoto neʼe haofaki ai te kolo katoa
-
2Ha 5:1-14—Neʼe fakaha e te kiʼi taʼahine Iselaele he puleʼaki neʼe mahino ai te tagata tau malohi pe ʼe feafeaʼi he faitoʼo ʼo tona kilia
-
He koʼe ʼe fakatupu kovi te fakalogo ki te ʼu tokoni ʼa natou ʼae ʼe mole fakaʼapaʼapa kia Sehova mo tana Folafola?
Vakaʼi mo Luk 6:39
-
Faʼifaʼitaki Fakatohi-tapu:
-
1Kk 10:13, 14—Neʼe mole fakafehuʼi e te Hau ko Saulo ia Sehova kae neʼe alu ia ki te fafine ʼe felogoi mo te kau mate. Neʼe mate ai ʼuhi ko tana mole agatonu
-
2Kk 22:2-5, 9—Neʼe filifili e te Hau ko Akasia ni tagata neʼe mole lelei ʼanatou tokoni pea neʼe mate ai
-
Sop 21:7, 14-16—Neʼe mole tali e Sopo te ʼu faʼahiga manatu ʼa te hahaʼi ʼae ʼe mole fakaʼapaʼapa kia Sehova
-
Foaki ni tokoni
He koʼe ʼe lelei age ke fakalogo mo iloʼi te ʼu aluʼaga ʼae neʼe hoko mo te ʼu manatu ʼa natou ʼae neʼe kau ai, ʼi muʼa ʼo te foaki ʼo he tokoni?
Vakaʼi mo Taa 25:8
-
Faʼifaʼitaki Fakatohi-tapu:
-
1Sa 1:9-16—Neʼe ui e te Pelepitelo Lahi ko Eli ʼe konahia ia Ana ʼo ina tokoniʼi fefeka ai kae mole ina kumi muʼa te aluʼaga ʼae neʼe hoko
-
Mat 16:21-23—ʼI te fakatonutonuʼi e te apositolo ko Petelo ia Sesu, neʼe mole mahino kia ia ʼe hage pe ʼe ina ʼekenaki ia Sesu ke ina fai te finegalo ʼo Satana kae mole ko te finegalo ʼo Sehova
-
He koʼe ʼe maʼuhiga ke tou kole te takitaki ʼa Sehova ʼi muʼa ʼo te foaki ʼo he tokoni?
Ps 32:8; 73:23, 24; Taa 3:5, 6
-
Faʼifaʼitaki Fakatohi-tapu:
-
Eke 3:13-18—Neʼe fakalavelave e te polofeta ko Moisese kia Sehova pe kotea anai ʼana tali ki te ʼu fehuʼi ka lagi fai age e ʼona tehina Iselaele
-
1Ha 3:5-12—Neʼe mole falala pe te Hau talavou ko Salomone ki tona poto kae neʼe ina kumi te poto ʼo Sehova, ʼo ina maʼu ai te tapuakina ʼa Sehova
-
He koʼe ʼe tonu ke fakatafito tuʼumaʼu ʼatatou tokoni mo ʼatatou tali ki te Folafola ʼa te ʼAtua?
Ps 119:24, 105; Taa 19:21; 2Ti 3:16, 17
Vakaʼi mo Tet 17:18-20
-
Faʼifaʼitaki Fakatohi-tapu:
-
Mat 4:1-11—Neʼe tali ia Sesu ki te ʼu fakaneke ʼa Satana ʼo ina fakaʼaogaʼi te Folafola ʼa te ʼAtua kae mole ko tona poto ʼo ia totonu
-
Soa 12:49, 50—ʼE tonu ke tou faʼifaʼitakiʼi ia Sesu he neʼe fakatafito ʼana akonaki fuli ki te ʼu akonaki ʼo tana Tamai
-
He koʼe ʼe tonu ke tou faiga ke tou agamalū moka tou foaki he ʼu tokoni ʼo fai mo ni fakamalo moka ʼe tuha?
Vakaʼi mo Esa 9:6; 42:1-3; Mat 11:28, 29
-
Faʼifaʼitaki Fakatohi-tapu:
-
2Kk 19:2, 3—Neʼe fekauʼi e Sehova he polofeta ke ina fakatonutonuʼi te Hau ko Sosafate, kae neʼe ina toe vikiʼi leva te meʼa lelei ʼae neʼe ina fai
-
Fkh 2:1-4, 8, 9, 12-14, 18-20—Neʼe vikiʼi e Sesu te ʼu kokelekasio ʼi muʼa ʼo tana foaki age he ʼu tokoni
-
Kapau ʼe meo he tehina peʼe ko he tuagaʼane ʼo ina ui mai neʼe agakovi age te tahi tehina peʼe tuagaʼane (ohage la neʼe ina kakaʼi peʼe fai he fasituʼu), he koʼe ʼe lelei ke kita fakalotomalohiʼi ke alu muʼa ʼo palalau ʼateaina pe kia ia ʼae neʼe agakovi age?
Vakaʼi mo Lev 19:17
Kapau ʼe manatu he tehina peʼe ko he tuagaʼane neʼe fai age he aga ʼe kovi, he koʼe ʼe lelei ke kita fakalotomalohiʼi ia ia ke manavaʼofa, mo kataki fualoa pea mo lotofakamolemole?
Mat 18:21, 22; Mko 11:25; Luk 6:36; Efe 4:32; Kol 3:13
Vakaʼi mo Mat 6:14; 1Ko 6:1-8; 1Pe 3:8, 9
-
Faʼifaʼitaki Fakatohi-tapu:
-
Mat 18:23-35—Neʼe fakaʼaogaʼi e Sesu he faʼifaʼitaki ʼe malave ke iloʼi ai te maʼuhiga ʼo te fakamolemole
-
He koʼe ʼe tonu ke kita fakamuʼamuʼa te ʼu lekula ʼa Sehova moka kita foaki he tokoni?
Ps 141:5; Taa 17:10; 2Ko 7:8-11
-
Faʼifaʼitaki Fakatohi-tapu:
-
1Sa 15:23-29—Neʼe mole mataku te polofeta ko Samuele ʼi te Hau ko Saulo
-
1Ha 22:19-28—Neʼe fakamatakuʼi mo gaohi koviʼi te polofeta ko Mikaia kae neʼe mole ina fetogi te logo ʼae neʼe tonu ke fakaha ki te Hau ko Akapo
-
ʼE feafeaʼi hakita foaki he tokoni ki he tahi ʼo mole kita fakamamahiʼi ia ia ʼi te faʼahi fakalaumalie?
-
Faʼifaʼitaki Fakatohi-tapu:
-
Luk 22:31-34—Neʼe fai e te apositolo ko Petelo ni hala mamafa kae neʼe ui age e Sesu ʼe falala ʼe feala anai hana fakalotomalohiʼi ʼona tehina
-
Flm 21—Neʼe ui e te apositolo ko Paulo ʼe falala ʼe mulimuli anai ia Filemone ki tana tokoni ʼae ʼe alu tahi mo te finegalo ʼo te ʼAtua
-
ʼE feafeaʼi hatatou manavaʼofa moka kita foaki he tokoni ki he tahi ʼe tuʼania mo lotohoha?
ʼE feafeaʼi hakita fakaha kia ia ʼae neʼe agahala ʼe kita fia tokoni ki ai ke toe malohi ʼi te faʼahi fakalaumalie?
ʼE feafeaʼi hakita fakaʼapaʼapa kia ia ʼae ʼe kita foaki ki ai he tokoni pe ʼe tupulaga peʼe matuʼa, peʼe ko he fafine peʼe ko he tagata?
He koʼe ʼe tonu ke malohi age te fakatonutonuʼi e te ʼu tagata ʼafeā he tahi kua tuʼa lahi tana fakafisi ki te ʼu tokoni Fakatohi-tapu?