Agu apangbanga du rogo Baibiri yo nga gu rengbe ka undo ro(rani):

• 1Sam 15:3, 9-23​—Ho gu nebi nangia Samuere afu rugute ni fu Saura, gu bakindo re arugusi pai kina ku bara ko ya, na ki ká gu rugute re; mbiko gipai re, Yekova aká ko

• 2Peka 25:14-16, 27​—Bakindo Amasaya amangi ingapai na ki ká rugute be ga Yekova nebi, ki zanga gako pagume na Yekova gbiati Gako bandahe

Agu apangbanga du rogo Baibiri yo nga gu rengbe ka undo ro(rani):

• 3Yo 9, 10​—Ho gu mokedi nangia Yoane adu ni nigbinza ko, ko afu rugute fu Dioturepe tipa gu gene nga ga zanga irisa ko aamangapai ngbaha na agu aboro naangbembatayo rogo gu dungurati nga ga aKristano

 Agu apangbanga du rogo Baibiri yo nga gu rengbe ka undo ro(rani):

• 1Sam 23:16-18​—Bakindo Davide adege- tuko kuti gu rugute Yonatana afuhe, nga guko naadu ni unvuru fuko na agarã 30, na gu rugute re aima nyakasa ko

• 1Aba 12:1-17​—Bakindo Rabama aká wene rugute be sosono aboro na ki degetuko kuti kere rugute be paranga aboro, na gipai re aye na kere gbegberẽ sangbanaha

Agu apangbanga du rogo Baibiri yo nga gu rengbe ka undo ro(rani):

• 1Sam 25:14-35​—Abigaira afu rugute fu Bakindo Davide nga gu nabatasi badungu aboro na ki banda ko ti du na bape kure

• 2Sam 20:15-22​—Dee tatamana rogo gu bakporo nga ga Abere abatasi gu bakporo re naabaha dunduko na gari rugute

• 2Aba 5:1-14​—Tooni degude Yisaraere afu berãpai nga gu nasa kere basovura ko ini wai rengbe ko ka hu be ngbataka

Agu apangbanga du rogo Baibiri yo nga gu rengbe ka undo ro(rani):

• 1Peka 10:13, 14​—Bakindo Saura amere fuo sangbaatoro kuba gupai nga ka sana Yekova na ko ki kpi mbiko gako zanga du ni ruruse

• 2Peka 22:2-5, 9​—Bakindo Azaya asia iraira abafurugute, na gipai re ki ye na kpio kutiko

• Eyo 21:7, 14-16​—Eyobo aká gu berãpai nga ga agu aboro naairisongo Yekova ya

Agu apangbanga du rogo Baibiri yo nga gu rengbe ka undo ro(rani):

• 1Sam 1:9-16​—Gu Gbiamotumo nangia Eri afu fofoi rugute fu Ana mbata fu ko ini agu arengo dunduko naadu ho, na ki berẽ gupai nga gu ruru dee re aima kpibuda

• Mt 16:21-23​—Mbiko gupai nga gu mokedi nangia Petero aainongo agu arengo dunduko naadu ho te, ko aya fu Yesu ko mangi gupai Satana aaidaha, kuba gupai nga ka manga gupai Yekova aaidaha

 Agu apangbanga du rogo Baibiri yo nga gu rengbe ka undo ro(rani):

• Gate 3:13-18​—Gu mokedi nangia Moize asana Yekova tipa gu bawene gene kisusi rengbe ko ka karagapai ngbaha kuti agu asanahe akurako aYisaraere arengbe ka sanaha

• 1Aba 3:5-12​—Paranga Bakindo Soromo asana Yekova tipa tatamana kuba gupai nga kadu na kido kuti tiko, na gipai re asa gupai nga ko gbia maku be Yekova

Agu apangbanga du rogo Baibiri yo nga gu rengbe ka undo ro(rani):

• Mt 4:1-11​—Yesu amoimburu gako akaragapai kuti ga Satana aˈasada rii Fugo Mbori, angianga gako tatamana nitiko ya

• Yo 12:49, 50​—Yesu ayugu gupai nga ko amaamburu gako ayugopai dunduko rii agu apai Bako ayuguhe fuko, ki mbuhe ni wene kpiapai furani

Agu apangbanga du rogo Baibiri yo nga gu rengbe ka undo ro(rani):

• 2Peka 19:2, 3​—Vurube nebi, Yekova arugu Bakindo Yosafata na fuoho ko ki tambuako tipa gu wenepai ko amangihe

• Yugo 2:1-4, 8, 9, 12-14, 18-20 ​—Yesu atambua dungu adungurati mbata fu ko fu rugute fuyo

Agu apangbanga du rogo Baibiri yo nga gu rengbe ka undo ro(rani):

• Mt 18:23-35​—Yesu afu wene kpiapai tipa ka saka ndu gupai duhe tini ni nyanyakipa ka mbupai

 Agu apangbanga du rogo Baibiri yo nga gu rengbe ka undo ro(rani):

• 1Sam 15:23-29​—Gu nebi nangia Samuere aagundenga be Bakindo Saura te ko afu rugute fuko

• 1Aba 22:19-28​—Gu nebi nangia Mikaya aká ka aria gu zahe ko afuhe fu Bakindo Aba, wa si avura du nga ko aserekpo ko na ki mangi fuko gbegberẽ

Agu apangbanga du rogo Baibiri yo nga gu rengbe ka undo ro(rani):

• Rk 22:31-34​—Wa vura duhe nga gu mokedi nangia Petero amangi aingahe, Yesu aima du na gu kido nga ko nika mbakadaha ambakada na kini ndu kumbatayo kindi kaa iriso Yekova na kini undo kura aboro

• Frm 21​—Gu mokedi nangia Pauro adu na gu kido nga Firemona nika mangapai amanga kuti gu gako arugute mburuhe adu rii Fugo Mbori