Solioo Sɔlaa
Le yɛɛ bɛnduaa kundaa nɔ yɛ ma wa lahɔl le kunda leKilisiɔŋndo kɛsioo o diandaa?
Vɛɛ kaa Kilisiɔŋnɔɔ opilɛ paaliaŋ yɛ kundaa kpou?
-
Tamaseliilaŋ o Baabuiyo niŋ la mala naa laŋ:
-
Chɔ 7:1, 4-14, 20-26—Mɛɛ Ekaŋ tosa hakioo mi yuŋgu ndɔɔ kɛɛ le ndu chɔɔmuuwo, mi Isɔluɛiya kpou sɔla saŋgaa
-
Chona 1:1-16—Mɛɛ Chona kɛɛ le Chɛhowa diikɔŋndo, mbo luei yoomula wanaa wa o dɛndɔɔ niŋ a ndu latulu wa kpou o kpundɔɔ niŋ
-
Kaala kuɛɛ wanaa cho o kundaa niŋnda nɔ yɛ ma fafaŋ?
Luo 16:17, 18; 1Kɔ 5:11; 1Ti 1:20; Tai 3:10, 11
Tofa vɛlɛ “Kaa leKilisiɔŋndaŋ”
Yɛɛ nɔ yɛ mbo yɔŋnuŋ a Kilisiɔŋnɔ kɛɛ kpooŋ le haki wɔɔŋ wɔɔŋndo malɔɔ wo?
Tofa vɛlɛ 1Chŋ 3:4, 6
Te Kilisiɔŋnɔɔ tosa pɛ haki wɔɔŋ wɔɔŋndo, sɔɔŋ kuɛɛ bɛnduaa kundaa nɔ yɛ fɛlɛŋ ma kindiŋ le sinaa tuupa ma chal o suɛi keŋ choo le yamɛi kiolɔɔ?
Tofa vɛlɛ Pulɔ 18:13; 1Ti 5:21
Vɛɛ bɛnduaa kundaa chal o suɛi choo le yamɛi kiolɔɔ wa looku yɛ sina maa haki wɔɔŋ wɔɔŋndo waŋndo tosa ni?
Le yɛɛ i cho yɛ suɛi sɔvɛ le mi wanaa tosa hakila wɔɔŋ wɔɔŋndaŋ nda apum wa o silaa bɛŋgu, ɔɔ ma sɔla solioo o kundaa niŋ? Nduyɛ vɛɛ kundaa sɔla yɛ tɔnɔɔ o keŋ niŋ?
A mɛɛ Baabuiyo dimi yɛ, vɛɛ naŋ nɔ yɛ miŋ bii wanaa sɔla solioo o kundaa niŋnda?
Yɛɛ yɔŋnuŋ yɛ te wana sɔla solioo o kundaa niŋndo wookuŋ pɛ?
Tofa vɛlɛ “Wookɔŋndo”
Yɛɛ naa kpou nɔ yɛ miŋ tosa le kundaa kɛsioo o diandaa?
Tofa vɛlɛ Di 13:6-11
Te Kilisiɔŋnɔɔ tosa pɛ haki wɔɔŋ wɔɔŋndo, le yɛɛ i wa yɛ suɛi wɔɔŋ le ndu vioŋɔɔ?
Le yɛɛ i wa yɛ suɛi taasi le kiɔɔ holiaŋndo a waŋndo opum o yɔŋ bɛɛ mbo ve wana soliaa le?
Te Kilisiɔŋnɔɔ tɛɛmbuu pɛ chaaŋ ndɔ tɔɔ, ɔɔ mbo de nyɛ ndɔɔ o kafalaŋ choo, yɛɛ wana nda tosal keŋ ndo nɔ yɛ mbo tosa, nduyɛ le yɛ?
Le yɛɛ Kilisiɔŋaa kendu o Mɛlɛka piɛiyo niŋnda nɔ yɛ ma sila wanaa kandu kɔlaŋ o nɛi wɔɔŋndo choo wa?
Naapum a Yeema Dɔɔ Vɛlɛ
NYUNALA WAŊNDA NYUNA LƆƆLƆƆ LAŊ
Baa Seiyaa Chɛhowaa Kɛɛ Pa Wanaa Nda Wa o Kaŋnde Pilɛleŋ Niŋnda?
Teleŋ ndaŋ lapum, wana yɔŋ wɔɔŋndo solioo bɛnda, nduyɛ o mala wana koŋ mbo miiŋgu o kundaa niŋ.
A NAA OKƆƆ
Nyuna le Pɛɛku Baabuiyo
La suukaŋ a nyunaa okɔɔ fulaa o Baabuiyo niŋ, ɔɔ chɔɔlu pɛɛku a Seiyaa Chɛhowaa okɔɔ.
scl p. 96-98
