Bibliankir aka sarnaqäwinakaw yanaptʼistaspa:

• 2Cr 32:2-8. Markankirinakajj asirionakar uñjas wal ajjsarayasipjjäna ukhajja, Ezequiasajj jan ajjsarapjjañapatakiw jupanakar chʼamañchtʼäna.

• Da 10:2, 8-11, 18, 19. Daniel profetajj wali chuymankipstatäjjäna wali qaritäjjarakïna ukhajja, mä angelaw jupar chʼamañchtʼäna.

Bibliankir aka sarnaqäwinakaw yanaptʼistaspa:

• Dt 3:28; 31:7, 8. Kunjamtï Jehová Diosajj maykäna ukarjamajja, Moisés profetajj Josué chacharuw chʼamachtʼäna.

• Hch 11:22-26; 14:22. Pablompi Bernabeampejj Antioquía markankir cristianonakaruw chʼamañchtʼapjjäna, kuna laykutejj arknaqat uñjasisaw jupanakajj wal tʼaqesisipkäna.

Bibliankir aka sarnaqäwinakaw yanaptʼistaspa:

• Jue 11:37-40. Sapa maraw israelit tawaqonakajj Jefté chachan phuchapar chʼamañchtʼir sarapjjerïna, kuna laykutejj jupajj tabernaculonwa Jehová Diosar servïna.

• Ap 2:1-4. Jesusajj Éfeso markankir cristianonakar cheqañchkäna ukhajja, kuna sumanaktï lurapkäna ukanakat felicittʼarakïnwa.

 Bibliankir aka sarnaqäwinakaw yanaptʼistaspa:

• 1Sa 23:16-18. Jonatanajj Davidan ukar sarasaw chʼamañchtʼäna.

• Jn 16:33. Jesusajj sarnaqatapampiw discipulonakapar chʼamañchtʼäna, ‘jumanakajj aka mundor atipjapjjarakismawa’ sasaw sarakïna.

• Hch 28:14-16. Apóstol Pablojj juzgatäñatak Roma markar apat uñjaskäna ukhajja, jilatanakajj jupamp jikisiriw sarapjjäna. Pablojj jupanakar uñjasajj wali chʼamañchtʼataw jikjjatasïna.

Bibliankir aka sarnaqäwinakaw yanaptʼistaspa:

• Nú 11:10-15. Jan walinak amuyiri jan istʼasir israelitanakar jachir uñjasajja, Moisés profetajj wali llakitapuniw jikjjatasïna.

• Nú 13:31, 32; 14:2-6. Khitatäpkäna uka 10 uñaqer chachanakan jan walinak parlapjjatap laykojja, markankirinakajj wali desanimataw jikjjatasipjjäna, Moisés ukhamarak Aarón contra parlañwa qalltapjjarakïna.

Bibliankir aka sarnaqäwinakaw yanaptʼistaspa:

• 2Cr 20:1-19. Kunapachatï mä jachʼa ejercitojj Judá contra guerran nuwasiñatak jutapjjäna ukhajja, Diosar orañatakejj markpacharuw Jehosafat reyejj tantachtʼäna.

• Hch 12:1-5, 12-17. Apóstol Santiagojj jiwayat uñjaskäna, apóstol Pedros carcelan llawintat uñjaskäna uka qhepatjja, Jerusalenankir jilat kullakanakajj Diosar orañatakiw tantachasipjjäna.

Bibliankir aka sarnaqäwinakaw yanaptʼistaspa:

• Gé 39:19-23; 40:1-8. José waynajj ina chʼusat carcelar llawintataw uñjasïna, ukampis jupajj Jehová Diosaruw confiyaskakïna, yaqhanakarus taqe chuymaw yanaptʼarakïna.

• 2Re 6:15-17. Kunapachatï mä ejercitomp muyuntat uñjasïna ukhajja, Eliseo profetajj janiw ajjsarayaskänti, serviripan jan ajjsarañapatakis Jehová Diosaruw orasïna.

Bibliankir aka sarnaqäwinakaw yanaptʼistaspa:

• 1Sa 1:10, 11, 17, 18. Ana warmejj wali llakitapuniw jikjjatasïna, ukampis Jehová Diosajj oracionapar istʼasajj sumak jikjjatasiñapatakiw yanaptʼäna.

• 1Re 19:1-19. Elías profetajj wali desanimat jikjjataskäna ukhajja, Jehová Diosaw juparojj manqʼampi umampi churäna, jan sint llakisiñapatakis chuymachtʼarakïnwa.

Bibliankir aka sarnaqäwinakaw yanaptʼistaspa:

• Job 14:1, 2, 7-9, 13-15. Job chachajj sinti jan walinsa uñjaskchïnjja, jiwatat jaktañ utjatapaw juparojj chuymachtʼäna.

• Da 12:13. Daniel profetajj mä 100 maranakanëjjäna ukhajja, “tukuy urunakanwa kunatï waktʼktam uk katoqañatak sartäta” sasaw mä angelajj jupar säna.

Bibliankir aka sarnaqäwinakaw yanaptʼistaspa:

• 1Sa 30:1-9. Davidajj sinti jan walinakan uñjasïna ukhajja, chʼamañchtʼatäñatakejj Jehová Diosaruw jakʼachasïna.

• Lu 22:39-43. Jesusajj jan walin uñjasiñampïskäna ukhajja, Jehová Diosaruw yanaptʼañapatak taqe chuym ruwtʼasïna, Diosasti jupar chuymachtʼañatakejj mä angelaruw khitanïna.

Bibliankir aka sarnaqäwinakaw yanaptʼistaspa:

• Hch 15:2-4. Pablompi Bernabeampejj congregacionanakar visitapkäna ukhajja, jilat kullakanakajj wali chʼamañchtʼataw jikjjatasipjjäna.

• 3Jn 1-4. Apóstol Juanajj wali chuymankipstatäjjäna ukhajja, khitinakarutï predickäna ukanakajj Diosar taqe chuyma servisipkatap yatisajj wali chʼamañchtʼataw jikjjatasïna.