Sran fanngan wlalɛ
?Ngue ti yɛ ɔ ti cinnjin kɛ Ɲanmiɛn i sufuɛ’m be wla be wiengu fanngan-ɔn?
Eza 35:3, 4; Kol 3:16; 1Te 5:11; Ebr 3:13
-
Biblu’n nun ndɛ mɔ be kwla uka e’n:
-
2Ɲo 32:2-8—Kɛ Asirifuɛ’m be ti’n srɛ kunnin Izraɛlifuɛ mun’n, Famiɛn Ezekiasi wlali be fanngan.
-
Dan 10:2, 8-11, 18, 19—Kɛ Daniɛli yoli oke mɔ afɛ tinnin i su’n, anzi kun ko wlɛli i fanngan.
-
?Ngue yɛ Zoova kunndɛ kɛ asɔnun kpɛnngbɛn’m be yo-ɔ?
Nian Mat 11:28-30 nun wie.
-
Biblu’n nun ndɛ mɔ be kwla uka e’n:
-
Mml 3:28; 31:7, 8—Moizi wlali Zozie m’ɔ́ wá sín i ja nun’n i fanngan, kɛ nga Zoova seli i kɛ ɔ yo’n sa.
-
Yol 11:22-26; 14:22—Blɛ mɔ bé klé Klisifuɛ nga be o Antiɔsu lɔ’n be yalɛ’n, akoto Pɔlu nin Baanabasi be ko wlali be fanngan.
-
?Ngue ti yɛ ɔ ti cinnjin kɛ e yo e wiengu’m be mo-ɔ?
-
Biblu’n nun ndɛ mɔ be kwla uka e’n:
-
Jɔl 11:37-40—Afuɛ kwlaa nun’n, Izraɛli talua’m be ko yi Zɛfte i wa bla’n i ayɛ. Afin ɔ kpɔcili ninnge wie mun naan w’a kwla su Ɲanmiɛn i tannin sua’n nun.
-
Ngl 2:1-4—Kannzɛ Zezi tuli Klisifuɛ nga be o Efɛzi lɔ’n be fɔ’n, sanngɛ ɔ kannin ninnge kpakpa nga be yoli be’n be ndɛ wie.
-
?Wafa sɛ yɛ e kwla wla e wiengu fanngan-ɔn?
Ɲan 15:23; Efɛ 4:29; Fip 1:13, 14; Kol 4:6; 1Te 5:14
Nian 2Ko 7:13, 15, 16 nun wie.
-
Biblu’n nun ndɛ mɔ be kwla uka e’n:
-
1Sa 23:16-18—Kɛ Zonatan wunnin kɛ sa kekle o i janvuɛ Davidi su’n, ɔ ko kunndɛli i yɛ ɔ wlɛli i fanngan.
-
Zan 16:33—Zezi wlɛli i sɔnnzɔnfuɛ’m be fanngan kɛ sɛ be niɛn i ajalɛ’n su’n bé kwlá mɛn’n wie.
-
Yol 28:14-16—Kɛ bé fá akoto Pɔlu bé kɔ́ Rɔmun naan bé kó dí i jɔlɛ’n, aniaan wie’m be ɔli i fanngan wlalɛ. Kɛ ɔ wunnin be’n, i sɔ’n wlɛli i fanngan kpa.
-
?Ngue ti yɛ ɔ fataman kɛ e yo sran mɔ i ɲin su ti kekle annzɛ ɔ plan dan-ɔn?
-
Biblu’n nun ndɛ mɔ be kwla uka e’n:
-
Kal 11:10-15—Kɛ Moizi wunnin kɛ nvlefuɛ’m be ɲin su ti kekle naan be klun akunndan’n timan kpa’n, i sɔ’n bubuli i sa sin.
-
Kal 13:31, 32; 14:2-6—Ndɛ tɛtɛ nga kotiwase blu’m be kannin’n ti’n, nvlefuɛ’m be sa sin bubuli be. Yɛ i sin’n be jasoli be ɲrun dinfuɛ’m be wun.
-
?Kɛ e nin e niaan Klisifuɛ mun e wo’n, wafa sɛ yɛ i sɔ’n wla e fanngan-ɔn?
Ɲan 27:17; Rɔm 1:11, 12; Ebr 10:24, 25; 12:12
-
Biblu’n nun ndɛ mɔ be kwla uka e’n:
-
2Ɲo 20:1-19—Kɛ Famiɛn Zozafati wunnin kɛ sonja kpanngban kpa be su ba be nunnunlɛ’n, ɔ yiayiali nvlefuɛ mun naan be srɛ Ɲanmiɛn likawlɛ.
-
Yol 12:1-5, 12-17—Kɛ be wlali akoto Zaki nin akoto Piɛli be bisua’n, aniaan nga be o Zerizalɛmun lɔ’n be yiali be srɛli Ɲanmiɛn likawlɛ.
-
?Blɛ kekle nun’n sɛ e bu akunndan kpa titi’n, wafa sɛ yɛ i sɔ’n kwla uka e-ɔ?
Yol 5:40, 41; Rɔm 8:35-39; 1Ko 4:11-13; 2Ko 4:16-18; 1Pi 1:6, 7
-
Biblu’n nun ndɛ mɔ be kwla uka e’n:
-
Bob 39:19-23; 40:1-8—Kannzɛ be tɔnnin Zozɛfu i suɛn yɛ be wlɛli i bisua’n, sanngɛ ɔ lafili Ɲanmiɛn su titi yɛ ɔ ukɛli i wiengu mun.
-
2Fa 6:15-17—Kɛ Ɲanmiɛn nuan ijɔfuɛ Elize wunnin kɛ sonja kpanngban b’a bɛ i tralɛ’n, srɛ w’a kunmɛn i. Asa’n, ɔ srɛli Zoova kɛ ɔ ukɛ i sufuɛ’n naan srɛ w’a kunmɛn i wie.
-
Zoova i nuan Ndɛ’n kwla wla e fanngan
?Ndɛ benin yɛ Zoova kannin m’ɔ wla e fanngan kpa-ɔ?
?Sɛ e bu Zoova i awlɛn tralɛ’n nin i aunnvɔɛ silɛ’n be su akunndan’n, wafa sɛ yɛ i sɔ’n kwla wla e fanngan-ɔn?
?Ngue yɛ Zoova kwla yo man be nga afɛ o be su’n mun-ɔn?
Ju 46:1; Eza 12:2; 40:29-31; Fip 4:13
-
Biblu’n nun ndɛ mɔ be kwla uka e’n:
-
1Sa 1:10, 11, 17, 18—Kɛ Anin i wla boli i wun m’ɔ srɛli Zoova’n, Zoova tieli i srɛlɛ’n yɛ ɔ yoli maan i wla guali ase.
-
1Fa 19:1-19—Kɛ Ɲanmiɛn nuan ijɔfuɛ Eli i sa sin bubuli i’n, Zoova mɛnnin i aliɛ nin nzue. Ɔ wlɛli i fanngan yɛ ɔ yoli maan Eli fɛli i wla guali like kpa kun su.
-
?Wafa sɛ yɛ like nga e wla o su mɔ Biblu’n kɛn i ndɛ’n, ɔ wla e fanngan-ɔn?
2Ɲo 15:7; Ju 27:13, 14; Ebr 6:17-19; 12:2
-
Biblu’n nun ndɛ mɔ be kwla uka e’n:
-
Zɔb 14:1, 2, 7-9, 13-15—Kannzɛ Zɔbu i wla boli i wun dan’n, sanngɛ ɔ lafili sran cɛnlɛ’n su titi. Yɛ i sɔ’n wlɛli i fanngan.
-
Dan 12:13—I nun mɔ Ɲanmiɛn nuan ijɔfuɛ Daniɛli le afuɛ kɔe 100, anzi kun ko wlɛli i fanngan. Anzi’n kannin like kpa ng’ɔ́ wá ɲɛ́n i i ɲrun lɔ’n i ndɛ kleli i.
-
?Wafa sɛ yɛ Ɲanmiɛn srɛlɛ’n nin Zoova bɔbɔ ba’n i su akunndan bulɛ’n be kwla wla e fanngan-ɔn?
-
Biblu’n nun ndɛ mɔ be kwla uka e’n:
-
1Sa 30:1-9—Kɛ sa kekle’m be tɔli Famiɛn Davidi su’n, ɔ srɛli Zoova. Ɔ maan ɔ ɲannin wunmiɛn.
-
Lik 22:39-43—Kɛ lika’n yoli kekle kpa Zezi su’n, ɔ srɛli Zoova tankaan kpa, yɛ i kusu tɛli i su. Ɔ sunmannin anzi kun kɛ ɔ wa wlɛ i fanngan.
-
?Kɛ e ti e niaan’m be su ndɛ fɛfɛ wie mun’n, i sɔ’n yo e sɛ?
-
Biblu’n nun ndɛ mɔ be kwla uka e’n:
-
Yol 15:2-4—Ndɛ nga akoto Pɔlu nin Baanabasi be kannin’n, ɔ wlali asɔnun nga be ko niannin be osu’n be nunfuɛ’m be fanngan kpa.
-
3Zn 1-4—Kɛ akoto Zan yoli oke’n, ɔ tili i kɛ be ng’ɔ boli jasin fɛ’n kleli be’n be su Ɲanmiɛn kpa. I sɔ’n wlɛli i fanngan kpa liɛ su.
-