Halimbawa sa Bibliya:

• 2Cr 32:​2-8—Kan an saiyang banwaan mapaatubang sa seryosong huma, pinakusog sinda ni Hading Hezekias

• Da 10:​2, 8-11, 18, 19—Pinakusog kan sarong anghel an buot kan gurang na asin nangruruluyang propeta na si Daniel

 Halimbawa sa Bibliya:

• De 3:28; 31:​7, 8—Arog kan ipinagbuot ni Jehova, pinarigon asin pinakusog kan propetang si Moises an masalida saiya na si Josue

• Gi 11:​22-26; 14:22—Sa panahon nin persekusyon, pinakusog kan mga apostol na si Pablo asin Bernabe an mga Kristiyano sa Antioquia

Halimbawa sa Bibliya:

• Hu 11:​37-40—Binibisita kada taon kan mga hoben na babayi kan Israel an aking babayi ni Hukom Jefte para komendaran siya sa saiyang mapagsakripisyong paglilingkod

• Kap 2:​1-4—Dawa ngani kinaipuhan ni Jesus na itanos an mga Kristiyano sa Efeso, kinomendaran niya man sinda sa marahay nindang mga ginigibo

Halimbawa sa Bibliya:

• 1Sa 23:​16-18—Hinanap ni Jonathan an saiyang hoben na amigong si David asin pinakusog kan nasa masakit na sitwasyon ini

• Ju 16:33—Pinakusog ni Jesus an saiyang mga parasunod na siyertong magigin mapanggana man sinda arog niya kun aarugon ninda an halimbawa niya

• Gi 28:​14-16—Kan pasiring si apostol Pablo sa Roma para sa pagbista sa saiya, napakusog siya kan mahiling niya an maimbod na mga tugang na nagbaraklay para sabaton asin pakusugon siya

Halimbawa sa Bibliya:

• Bi 11:​10-15—Nadisganar na marhay an propetang si Moises huli sa negatibong sabuot asin pagigin masinuway kan Israel

• Bi 13:​31, 32; 14:​2-6—An negatibong mga sinabi kan sampulong daing pagtubod na espiya nakapadisganar sa banwaan asin nagresulta sa pagrebelde

Halimbawa sa Bibliya:

• 2Cr 20:​1-19—Kan mapaatubang si Hading Jehosafat sa huma nin pagsalakay kan dakulang hukbo, tiniripon niya an bilog na Juda para mamibi

• Gi 12:​1-5, 12-17—Pagkatapos na gadanon si apostol Santiago asin ipreso si apostol Pedro, an kongregasyon sa Jerusalem nagtiripon para mamibi

Halimbawa sa Bibliya:

• Ge 39:​19-23; 40:​1-8—Dawa ngani inakusaran asin iprineso nin bakong makatanusan, nagdanay na maimbod si Jose asin determinadong nagtabang sa iba

• 2Ha 6:​15-17—Dai natakot si propeta Eliseo kan mapaatubang sa dakulang huma, asin ipinamibi niyang dai man matakot an paralingkod niya

Halimbawa sa Bibliya:

• 1Sa 1:​10, 11, 17, 18—Dinangog ni Jehova an pamibi ni Hana asin tinabangan siya na makakua nin karangahan kan siya namundong marhay asin makulog an buot

• 1Ha 19:​1-19—Kan pinangluluyahan nin buot si propeta Elias, tinabangan siya ni Jehova sa praktikal na paagi. Pinakusog siya ni Jehova asin rinanga paagi sa pagtao saiya nin paglaom sa maabot

Halimbawa sa Bibliya:

• Job 14:​1, 2, 7-9, 13-15—Dawa sa pinakamasakit na panahon kan saiyang buhay, nakakua si Job nin karangahan sa paglaom na pagkabuhay liwat

• Da 12:13—An propetang si Daniel, na mga 100 anyos na, nag-ako nin pampakusog hali sa sarong anghel na nagsabi saiya manungod sa makakamtan niyang balos sa maabot

Halimbawa sa Bibliya:

• 1Sa 30:​1-9—Kan napaatubang sa kasakitan, nagdulok ki Jehova si Hading David asin napakusog

•  Lu 22:​39-43—Kan mapaatubang sa pinakamasakit na pagbalo, udok na namibi si Jesus, asin sinimbag siya ni Jehova paagi sa pagpadara saiya nin sarong anghel para pakusugon siya

Halimbawa sa Bibliya:

• Gi 15:​2-4—Si apostol Pablo asin si Bernabe nagtao nin dakulang pampakusog sa mga kongregasyon na dinadalaw ninda

• 3Ju 1-4—Napakusog na marhay an may edad nang si apostol Juan kan maaraman niya na nagdadanay na maimbod an mga tinukduan niya kan maugmang bareta