Igiemwi ni rre Baibol ni gha sẹtin ru iyobọ nuẹn:

• 2 Krọ 32:​2-8​—Vbe ẹghẹ ne Ivbi Asiria ya mu okuo rre, Ọba e Hẹzẹkaia keghi rhie igiọdu ne emwa rẹn

• Dan 10:​2, 8-11, 18, 19​—Odibosa ọkpa keghi rhie igiọdu ne Daniẹl ne akhasẹ vbe ẹghẹ ne orhiọn ma ya gha rre ọre iwu, na kha na, ọ vbe khian ọmaẹn nẹ

Igiemwi ni rre Baibol ni gha sẹtin ru iyobọ nuẹn:

• Diut 3:28; 31:​7, 8​—Akhasẹ ighẹ e Mozis keghi lele emwi ne Jehova tae, ọ na rhie igiọdu ne Jọsua, a te miẹn wẹẹ, e Jọsua khian ọkaolotu ọghe Ivbi Izrẹl

• Iwinna 11:​22-26; 14:22​—Ukọ e Pọl kevbe Banabas keghi rhie igiọdu ne Ivbi Otu e Kristi ni ghaa rre Antiọk, vbe ẹghẹ ne emwa na gha zẹ iran kpokpo

Igiemwi ni rre Baibol ni gha sẹtin ru iyobọ nuẹn:

• Giọg 11:​37-40​—Ukpukpo ẹre ikhuo ni rre otọ Izrẹl ya gha mu otuẹ gie ovbi e Jẹfta nokhuo, ne iran ya tian rẹn, rhunmwuda nọ na ya ẹdagbọn rẹn hia gha ga Osanobua

• Arhie 2:​1-4​—Agharhemiẹn wẹẹ, te Jesu ghaa hoo nọ dia Ivbi Otu e Kristi ni rre Ẹfisọs ye odẹ, ọ na ka tian iran ye emwi eso ne iran ru ẹse

 Igiemwi ni rre Baibol ni gha sẹtin ru iyobọ nuẹn:

• 1 Sam 23:​16-18​—Vbe ẹghẹ ne Devid na gha rre ibavbaro, e Jonatan na ya gualọe nọ miehe na rhie igiọdu nẹẹn

• Jọn 16:33​—Jesu keghi rhie igiọdu ne erhuanegbe ẹre vbe ẹghẹ nọ na tama iran wẹẹ, irẹn khọnmiotọ yan agbọn na nẹ, ọ na vbe rhie igiọdu ne iran wẹẹ, iran gha vbe sẹtin khọnmiotọ deghẹ iran na lele igiemwi ọghe irẹn

• Iwinna 28:​14-16​—Vbe a ghi mu e Pọl rrie Rom na ya bu ohiẹn ọnrẹn vbe odọ, orhiọn keghi la ẹre iwu vbe ọ ghi bẹghe ẹre wẹẹ, etẹn ke ehe ughughan rre do rhie igiọdu nẹẹn

Igiemwi ni rre Baibol ni gha sẹtin ru iyobọ nuẹn:

• Nọm 11:​10-15​—Ovian kevbe iyenhọ ọghe Ivbi Izrẹl keghi gbe Mozis ne akhasẹ orhiọn mu otọ

• Nọm 13:​31, 32; 14:​2-6​—Vbe uwu ikpia iweva ni ya ba otọ e Kena ghee, igbe vbọ ni ma mu ẹtin yan Osanobua keghi ta ẹmwẹ nọ gbe Ivbi Izrẹl orhiọn mu otọ; ọna keghi ya iran sọtẹ

Igiemwi ni rre Baibol ni gha sẹtin ru iyobọ nuẹn:

• 2 Krọ 20:​1-19​—Vbe ẹghẹ ne ivbiyokuo nibun ya mu okuo rre, Ọba e Jehosiafat keghi si emwa rẹn koko, ne iran gba na erhunmwu

• Iwinna 12:​1-5, 12-17​—Vbe eghian ghi gbe ukọ e Jems rua nẹ, vbe iran ghi vbe mu ukọ e Pita ye eghan nẹ, etẹn hia ni rre iko nọ rre Jerusalẹm keghi si egbe koko, ne iran gba na erhunmwu

Igiemwi ni rre Baibol ni gha sẹtin ru iyobọ nuẹn:

• Gẹn 39:​19-23; 40:​1-8​—Agharhemiẹn wẹẹ, a ba e Josẹf ifiẹzọ ohoghe, a na vbe fi ẹre fi eghan, e Josẹf na ye mudia ẹse, ọ na vbe gha hoo nọ ru iyobọ ne emwa ọvbehe

• 2 Ọba 6:​15-17​—Ohan ma gha mu akhasẹ ighẹ Ẹlaisia vbe ẹghẹ ne ivbiyokuo ya lẹga iran, ọ na vbe rinmwian Osanobua nọ ru iyobọ ne ọguọmwadia ẹre, ne ohan ghẹ vbe gha muẹn

Igiemwi ni rre Baibol ni gha sẹtin ru iyobọ nuẹn:

• 1 Sam 1:​10, 11, 17, 18​—E Jehova keghi họn erhunmwu ọghe Hana, ọ na vbe ru ẹre ne orhiọn rẹn sotọ, vbe ẹghẹ nọ ya gha rre uwu ibavbaro

• 1 Ọba 19:​1-19​—Vbe ẹghẹ ne iro ya han akhasẹ ighẹ Ẹlaija, e Jehova keghi kpemehe emwi nọ gualọ nẹẹn. E Jehova keghi gi ẹre rẹn wẹẹ, emwi hia gha maan vbe odaro, nọ ya rhie igiọdu nẹẹn, nọ vbe mieke na fu ẹre ẹko rre

Igiemwi ni rre Baibol ni gha sẹtin ru iyobọ nuẹn:

• Job 14:​1, 2, 7-9, 13-15​—Uhiẹn vbe ẹghẹ ne emwi ya wegbe mu e Job, ọ rẹnrẹn wẹẹ, e Jehova gha huẹn irẹn kpaegbe vbe irẹn gha wu; ọna keghi wa fu ẹre ẹko rre

• Dan 12:13​—Vbe ẹghẹ ne akhasẹ ighẹ e Daniẹl na gha rre odẹ ukpo 100, odibosa ọkpa keghi do rhie igiọdu nẹẹn, ọ na gi ẹre rẹn afiangbe nọ khẹ ọre vbe odaro

Igiemwi ni rre Baibol ni gha sẹtin ru iyobọ nuẹn:

• 1 Sam 30:​1-9​—Vbe ẹghẹ ne Ọba e Devid na gha rre uwu ọlọghọmwa, ọ keghi na erhunmwu gie Jehova; e Jehova na ghi rhie orhiọn ye ọre iwu

• Luk 22:​39-43​—Vbe ẹghẹ ne Jesu na miẹn edanmwẹ nọ ghi wegbe sẹ, ọ keghi ya ekhọe hia na erhunmwu gie Jehova; e Jehova na ghi gie odibo ọkpa rre nọ do rhie igiọdu nẹẹn

Igiemwi ni rre Baibol ni gha sẹtin ru iyobọ nuẹn:

• Iwinna 15:​2-4​—Ukọ e Pọl kevbe Banabas kegha rhie igiọdu ne etẹn ni rre iko ughughan ne iran ghaa mu otuẹ yo

• 3 Jọn 1-4​—Vbe ukọ e Jọn ghi khian ọmaẹn nẹ, ọ keghi bẹghe ẹre wẹẹ, emwa ne irẹn kporhu ma wa ye khian lele odẹ ẹmwata, ọna keghi wa rhie igiọdu nẹẹn