˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• 2Ch 32:​2-8—˗Dhɛ ˈö ˗gblüdë Ezekiasö ˗bha ˈˈsɛgümɛn ˗nu ˈwo kun ˈwɔn ˈˈgbɩɩ˗ ˈgü, ˗yö ˗an ꞊faan ˗mën.

• Dn 10:​2, 8-11, 18, 19—˗Dhɛ ˈö ˗Zlan ˗wodhiʋ̈lomɛn Daniɛdhö ˗yö ˗kë zii ˈö˗ ꞊faan ˗yö ɲën, ˗Zlan ˗bha ˈˈkiö do ˗ya ꞊faan ˗mën ˈö˗ ˗zogban.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• Dt 3:28; 31:​7, 8—Moizö ˗yö mɛn ˈö dho yö ˗a ˗ʒiaandhö ˈö ˗kë Ʒozue ˈka bhë ˗a ꞊faan ˗mën ˈö˗ ˗zogban ꞊dhɛ ˗kɔ ˈö Zoova ˗ya pö ˗a ˈka, ˗a ˈdhö.

• Kë 11:​22-26; 14:22—Bɔmɛn Pɔdhö waa Baanabasö ˗wo kletiɛn ˗nu ˈwo Aŋtiɔsö ˗an ꞊faan ˗mën ˈˈklʋʋbhɔdhe ˈˈtʋ̈ŋ ˈka.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• Jg 11:​37-40—˗Kwɛ ˈˈpɛpɛ ˈka, Izraɛdhö ˈnëndhiëŋnën ˗nu ˗kun ˈdho ˗ni ˈgü ˗wo Zɛfute ˈdhu ˗dhɛ kö ˗wa ꞊faan ˈmën ˈwɔn ˈö ˗we ˗a kë ˗sü ˗bha bhë, ˗a ˗wɔn ˈgü.

• ˗Dh 2:​1-4—ˈKö ˗kë ꞊dhɛ Yesu ˗yö ˗dhioo ˗dɔ kletiɛn ˗nu ˈwo ˗kun Efɛzö ˗an ˗ta, ˗yö ˗an ˈˈnuɛ ˗bho ˈpö ˈwɔn ˗së ˈwo˗ ˗kë ˗a ˗wɔn ˈgü.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• 1S 23:​16-18—ˈˈTʋ̈ŋ ˈö Davi kun bɔ ˗ni ˈgü ˗a ˈka ˈwɔn ˈˈgbɩɩ ˈgü bhë, Ʒonatan ˗ya ˗mɛɛn ˈö˗ ꞊faan mën.

• Zn 16:33—Yesu ˗yö ö ˗bha gwëëˈˈ ˗nu ꞊faan ˗mën ˗a ˗bha ˈwɔnzuan ˈka ˈö˗ pö ꞊dhɛ wo ꞊dee ˗an ˗kɔ ꞊mɔɔn˗ ˗bha ˈö ˗ʒiö ˈˈkpɔnŋtaadhɛ ˗gɔ.

• Kë 28:​14-16—ˈDhɛ ˈö ˈwo kun ˈdho ˗ni ˈgü bɔmɛn Pɔdhö ˈka Wlɔmö kö ˗wa zë, ꞊dhɛ ˈö ˗kpan ö ꞊dhegblü kletiɛn nu ˗bha kö ˗wa nu ˗a ꞊faan ˈmën, ˗a ˗zo ˗yö ˗gban.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• Nb 11:​10-15—˗Zlan ˗wodhiʋ̈lomɛn Moizö ˈgü ˗yö ga ꞊dedewo ˗a ˗bha ˈˈsɛgümɛn ˗nu ˗bha ˈwɔn yö ˗kɔ yaa ˗wɔn ˈgü.

• Nb 13:​31, 32; 14:​2-6—Pë ˈö ˗dhɛ ˈsuanbhomɛn ˗kɔŋ do ˈwo˗ pö bhë, ˗yö Izraɛdhömɛn ˗nu ˈgü ˗ga, ˈö ˈwo ˗gban ˗Zlan ˗gɔ.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• 2Ch 20:​1-19—˗Dhɛ ˈö ˈˈsɔdha va ˗wo ˗nu ˗gblüdë Ʒozafa ˗gɔ, waa ö ˗bha ˈˈsɛgümɛn ˗nu ˗wo ˗bhɛɛ wo ˈˈkwëë.

• Kë 12:​1-5, 12-17—˗Dhɛ ˈö ˈwo bɔmɛn Zakö zë, ˈö ˈwo Piɛdhö ˗da ˗kaso ˈgü, ˗zlanwokɔdhigümɛn ˈwo kun Zedhizadhɛmö ˗wo ˗dho wo ˈkwëëdhö ˈö ˈwo ꞊bhɛɛ.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• ˈWn 39:​19-23; 40:​1-8—ˈKö ˗kë ꞊dhɛ ˗wo ꞊sua ˗ya Zozɛfö ˗bha ˈwo˗ ˗da ˗kaso ˈgü, ˗yö ˗to ˗klu ˗sü ˈka ˗Zlan ˗bha ˈö mɛn ˈˈwɛɛ ˗nu ˗takun.

• 2R 6:​15-17—˗Dhɛ ˈö ˈˈsɔdha ˗nu ˗wo nu ˗Zlan ˗wodhiʋ̈lomɛn Edhize ˗gɔ, ˈyii ˈˈsuʋ̈. ˗Yö ˗bhɛɛ kö ˈˈsuʋ̈ ˈya ˈdho ˗a ˗bha yökëmɛn kë ˈpö.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• 1S 1:​10, 11, 17, 18—Zoova ˗yö ö ˈˈtʋ ˗to Anö ˗bha bhɛɛwo ˗bha ˈö˗ ˗takun, ˈö zuʋ̈ˈˈ ˈwaannu.

• 1R 19:​1-19—˗Dhɛ ˈö ˗Zlan ˗wodhiʋ̈lomɛn Edhi ˈgü ˗yö ga, Zoova ˗ya ꞊faan mën ˈö˗ ˗takun ˗kɔ ꞊dede ˗kë.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• Jb 14:​1, 2, 7-9, 13-15—ˈDhɛ Zɔbö ˈö kun ˈwɔn ˈˈgbɩɩ˗ ꞊dede ˈgü, ö ˗zoyö ˗gogagüsü ˗dhɛ ˗sü ˗ya ˗zogban.

• Dn 12:13—˗Dhɛ ˈö ˗Zlan ˗wodhiʋ̈lomɛn Daniɛdhö ˗kwɛ ˗yö yö 100 ˗bha, ˗Zlan ˗bha ˈˈkiö do ˗ya ꞊faan ˗mën ˈö ˈwɔn ˗së ˈö kun ˈˈdhiʋ̈, ˗a ꞊blɛɛ˗ ˗dhɛ.

 ˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• 1S 30:​1-9—˗Dhɛ ˈö Davi ˗yö ˗kë ˈwɔn ˈˈgbɩɩ˗ ˈgü, ˗yö ˗bhɛɛ Zoova ˗dhɛ ˈö ꞊faan ꞊slɔɔ.

• Dk 22:​39-43—˗Dhɛ ˈö ˈwɔn ˈö kun ꞊gbɔɔn ˗ni ˈgü Yesu ˗ta, ˗yö ˗bhɛɛ ö zuʋ̈ˈˈ ꞊gban ˈka Zoova ˗dhɛ. ˈYö Zoova ˗yö ö ˗bha ˈˈkiö do ˗bɔ kö ˗ya ꞊faan ˈmën.

˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:

• Kë 15:​2-4—Bɔmɛn Pɔdhö waa Baanabasö ˗wo ˗zlanwokɔdhigümɛn ˗nu ˈwo ˗wo ˗an ˗dhɛ bhë, ˗an ꞊faan ˗mën ꞊dedewo.

• 3Zn 1-4—˗Dhɛ ˈö Zan ˗ya man ꞊dhɛ mɛn ˗nu ˈö ˗an ꞊klaŋ ˗kë ˗Zlan ˗wo ˈka bhë, ˗wo ˗klu ˗sü ˈka ˗Zlan ˗bha, ˗yö ˗a ꞊faan ˗mën ꞊dedewo.