꞊Faanmëndhe
ˈMën ˗kë ˈö ˗Zlan ˗dhɔkëmɛn ˗nu dua ˈdhö ˗mü kö ˗wo wo ˈko ˗nu ꞊faan ˈmën?
Is 35:3, 4; Ko 3:16; 1Te 5:11; Eb 3:13
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
2Ch 32:2-8—˗Dhɛ ˈö ˗gblüdë Ezekiasö ˗bha ˈˈsɛgümɛn ˗nu ˈwo kun ˈwɔn ˈˈgbɩɩ˗ ˈgü, ˗yö ˗an ꞊faan ˗mën.
-
Dn 10:2, 8-11, 18, 19—˗Dhɛ ˈö ˗Zlan ˗wodhiʋ̈lomɛn Daniɛdhö ˗yö ˗kë zii ˈö˗ ꞊faan ˗yö ɲën, ˗Zlan ˗bha ˈˈkiö do ˗ya ꞊faan ˗mën ˈö˗ ˗zogban.
-
ˈMën ˗kë ˈö Zoova ˈdhö˗ ˈˈpiʋ̈ kö mɛn zii ˗nu ˗wo mɛn ˈˈwɛɛ ˗nu ꞊faan ˈmën?
Is 32:1, 2; 1P 5:1-3
Kpɔɔˈˈ ˈzü Mt 11:28-30 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Dt 3:28; 31:7, 8—Moizö ˗yö mɛn ˈö dho yö ˗a ˗ʒiaandhö ˈö ˗kë Ʒozue ˈka bhë ˗a ꞊faan ˗mën ˈö˗ ˗zogban ꞊dhɛ ˗kɔ ˈö Zoova ˗ya pö ˗a ˈka, ˗a ˈdhö.
-
Kë 11:22-26; 14:22—Bɔmɛn Pɔdhö waa Baanabasö ˗wo kletiɛn ˗nu ˈwo Aŋtiɔsö ˗an ꞊faan ˗mën ˈˈklʋʋbhɔdhe ˈˈtʋ̈ŋ ˈka.
-
ˈMën ˗kë ˈö mɛn ˈˈwɛɛ ˗nu ˗gbiö ˈgü ˈˈgan ˗sü ˈdhö ˗së ꞊dedewo kö ˈkwa ˗an ꞊faan ˈmën ˗ni ˈgü?
Pr 31:28, 29; 1Ko 11:2
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Jg 11:37-40—˗Kwɛ ˈˈpɛpɛ ˈka, Izraɛdhö ˈnëndhiëŋnën ˗nu ˗kun ˈdho ˗ni ˈgü ˗wo Zɛfute ˈdhu ˗dhɛ kö ˗wa ꞊faan ˈmën ˈwɔn ˈö ˗we ˗a kë ˗sü ˗bha bhë, ˗a ˗wɔn ˈgü.
-
˗Dh 2:1-4—ˈKö ˗kë ꞊dhɛ Yesu ˗yö ˗dhioo ˗dɔ kletiɛn ˗nu ˈwo ˗kun Efɛzö ˗an ˗ta, ˗yö ˗an ˈˈnuɛ ˗bho ˈpö ˈwɔn ˗së ˈwo˗ ˗kë ˗a ˗wɔn ˈgü.
-
˗Kɔ ˗mɛɛn ˈö ˈkwa ꞊mɔɔn˗ ˗bha ˈkwa kwa ꞊dhegblü ˗nu ꞊faan mën ˗a ˈka?
Pr 15:23; Ef 4:29; Fdh 1:13, 14; Ko 4:6; 1Te 5:14
Kpɔɔˈˈ ˈzü 2Ko 7:13, 15, 16 ˗bha.
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 23:16-18—ˈˈTʋ̈ŋ ˈö Davi kun bɔ ˗ni ˈgü ˗a ˈka ˈwɔn ˈˈgbɩɩ ˈgü bhë, Ʒonatan ˗ya ˗mɛɛn ˈö˗ ꞊faan mën.
-
Zn 16:33—Yesu ˗yö ö ˗bha gwëëˈˈ ˗nu ꞊faan ˗mën ˗a ˗bha ˈwɔnzuan ˈka ˈö˗ pö ꞊dhɛ wo ꞊dee ˗an ˗kɔ ꞊mɔɔn˗ ˗bha ˈö ˗ʒiö ˈˈkpɔnŋtaadhɛ ˗gɔ.
-
Kë 28:14-16—ˈDhɛ ˈö ˈwo kun ˈdho ˗ni ˈgü bɔmɛn Pɔdhö ˈka Wlɔmö kö ˗wa zë, ꞊dhɛ ˈö ˗kpan ö ꞊dhegblü kletiɛn nu ˗bha kö ˗wa nu ˗a ꞊faan ˈmën, ˗a ˗zo ˗yö ˗gban.
-
ˈMën ˗kë ˈö ˗së kö ˈkwa ˈˈkan ˈwɔn yö ˗kɔ yaa ˗nu ˗bha kö ˈkwa kwa ꞊dhegblü ˗nu ꞊bhlëë ˗ya?
Fdh 2:14-16; Zd 16-19
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Nb 11:10-15—˗Zlan ˗wodhiʋ̈lomɛn Moizö ˈgü ˗yö ga ꞊dedewo ˗a ˗bha ˈˈsɛgümɛn ˗nu ˗bha ˈwɔn yö ˗kɔ yaa ˗wɔn ˈgü.
-
Nb 13:31, 32; 14:2-6—Pë ˈö ˗dhɛ ˈsuanbhomɛn ˗kɔŋ do ˈwo˗ pö bhë, ˗yö Izraɛdhömɛn ˗nu ˈgü ˗ga, ˈö ˈwo ˗gban ˗Zlan ˗gɔ.
-
ˈMën ˗kë ˈö ˗kë kwa ꞊dhegblü ˗nu ˈˈpiʋ̈ ˗sü ˈö kwa ꞊faan dɔ?
Pr 27:17; Wlɔ 1:11, 12; Eb 10:24, 25; 12:12
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
2Ch 20:1-19—˗Dhɛ ˈö ˈˈsɔdha va ˗wo ˗nu ˗gblüdë Ʒozafa ˗gɔ, waa ö ˗bha ˈˈsɛgümɛn ˗nu ˗wo ˗bhɛɛ wo ˈˈkwëë.
-
Kë 12:1-5, 12-17—˗Dhɛ ˈö ˈwo bɔmɛn Zakö zë, ˈö ˈwo Piɛdhö ˗da ˗kaso ˈgü, ˗zlanwokɔdhigümɛn ˈwo kun Zedhizadhɛmö ˗wo ˗dho wo ˈkwëëdhö ˈö ˈwo ꞊bhɛɛ.
-
ˈWɔn yö ˗kɔ ˗së ˗yö kwa ˗takun ˈkwa bɔ ˈwɔn ˈˈgbɩɩ˗ ˗nu ˈgü ˗kɔ ˗kë ꞊dhɛ?
Kë 5:40, 41; Wlɔ 8:35-39; 1Ko 4:11-13; 2Ko 4:16-18; 1P 1:6, 7
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
ˈWn 39:19-23; 40:1-8—ˈKö ˗kë ꞊dhɛ ˗wo ꞊sua ˗ya Zozɛfö ˗bha ˈwo˗ ˗da ˗kaso ˈgü, ˗yö ˗to ˗klu ˗sü ˈka ˗Zlan ˗bha ˈö mɛn ˈˈwɛɛ ˗nu ˗takun.
-
2R 6:15-17—˗Dhɛ ˈö ˈˈsɔdha ˗nu ˗wo nu ˗Zlan ˗wodhiʋ̈lomɛn Edhize ˗gɔ, ˈyii ˈˈsuʋ̈. ˗Yö ˗bhɛɛ kö ˈˈsuʋ̈ ˈya ˈdho ˗a ˗bha yökëmɛn kë ˈpö.
-
Biblö ꞊mɔɔn˗ ˗bha ˈö kwa ꞊faan mën
Zoova ˗yö kwa zuʋ̈ˈˈ ˗kë ˗saa ˗kɔ ˗kë ꞊dhɛ?
Ps 55:22; 94:14; Wlɔ 8:38, 39; 1Ko 10:13
Kwa ˗zota Zoova ˗bha zuʋ̈saadhɛ waa˗ ˗bha mɛn ˗wëë zë ˗sü ˈgü ˗sü, ˗yö kwa ꞊faan ˗dɔ ˗kɔ ˗kë ꞊dhɛ?
Né 9:17; Ps 103:13, 14; 2P 3:9, 15
˗Mën ˈö Zoova ˈö ꞊mɔɔn˗ ˗bha ˈö˗ ˗kë mɛn ˗nu ˈö ˗an ˈgü ˗ya ga, ˗an ˗dhɛ?
Ps 46:1; Is 12:2; 40:29-31; Fdh 4:13
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 1:10, 11, 17, 18—Zoova ˗yö ö ˈˈtʋ ˗to Anö ˗bha bhɛɛwo ˗bha ˈö˗ ˗takun, ˈö zuʋ̈ˈˈ ˈwaannu.
-
1R 19:1-19—˗Dhɛ ˈö ˗Zlan ˗wodhiʋ̈lomɛn Edhi ˈgü ˗yö ga, Zoova ˗ya ꞊faan mën ˈö˗ ˗takun ˗kɔ ꞊dede ˗kë.
-
Pë ˗nu ˈö Biblö ˈö ˗an ˈˈplüün bho ˗wo ꞊mɔɔn˗ ˗bha ˈwo kwa ꞊faan dɔ ˗kɔ ˗kë ꞊dhɛ?
2Ch 15:7; Ps 27:13, 14; Eb 6:17-19; 12:2
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Jb 14:1, 2, 7-9, 13-15—ˈDhɛ Zɔbö ˈö kun ˈwɔn ˈˈgbɩɩ˗ ꞊dede ˈgü, ö ˗zoyö ˗gogagüsü ˗dhɛ ˗sü ˗ya ˗zogban.
-
Dn 12:13—˗Dhɛ ˈö ˗Zlan ˗wodhiʋ̈lomɛn Daniɛdhö ˗kwɛ ˗yö yö 100 ˗bha, ˗Zlan ˗bha ˈˈkiö do ˗ya ꞊faan ˗mën ˈö ˈwɔn ˗së ˈö kun ˈˈdhiʋ̈, ˗a ꞊blɛɛ˗ ˗dhɛ.
-
˗Bhɛɛ Zoova ˗dhɛ ˗sü waa kwa ˗zota ˈwɔn ˗nu ˈwo ˗gban ˗a ˗bha ˗a ˈgü ˗sü kwa ꞊faan ˗dɔ ˗kɔ ˗kë ꞊dhɛ?
Ps 18:6; 56:4, 11; Eb 13:6
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
1S 30:1-9—˗Dhɛ ˈö Davi ˗yö ˗kë ˈwɔn ˈˈgbɩɩ˗ ˈgü, ˗yö ˗bhɛɛ Zoova ˗dhɛ ˈö ꞊faan ꞊slɔɔ.
-
Dk 22:39-43—˗Dhɛ ˈö ˈwɔn ˈö kun ꞊gbɔɔn ˗ni ˈgü Yesu ˗ta, ˗yö ˗bhɛɛ ö zuʋ̈ˈˈ ꞊gban ˈka Zoova ˗dhɛ. ˈYö Zoova ˗yö ö ˗bha ˈˈkiö do ˗bɔ kö ˗ya ꞊faan ˈmën.
-
Nɔɔn˗ ˗së ˗yö ꞊faan ˗nu kwa ˗dhɛ ˗kɔ ˗kë ꞊dhɛ? ˈYö ˈmën ˗kë ˈö ˗së kö ˈwɔn ˗së ˗dhiaŋ zë kwa ˈko ˗nu ꞊zinŋ ˈgü?
Pr 15:30; 25:25; Is 52:7
-
˗Kwɛzlan ˗nu ˈwo Biblö ˈgü ˈwo ꞊mɔɔn˗ ˗bha ˈwo kwa ˗takun:
-
Kë 15:2-4—Bɔmɛn Pɔdhö waa Baanabasö ˗wo ˗zlanwokɔdhigümɛn ˗nu ˈwo ˗wo ˗an ˗dhɛ bhë, ˗an ꞊faan ˗mën ꞊dedewo.
-
3Zn 1-4—˗Dhɛ ˈö Zan ˗ya man ꞊dhɛ mɛn ˗nu ˈö ˗an ꞊klaŋ ˗kë ˗Zlan ˗wo ˈka bhë, ˗wo ˗klu ˗sü ˈka ˗Zlan ˗bha, ˗yö ˗a ꞊faan ˗mën ꞊dedewo.
-