Bibliako pasarte garrantzitsuak:

• 2Kr 32:2-8. Asiriarrak erasotzera etorri zirenean, Ezekias erregeak herriari hitz egin zion animatzeko asmoz.

• Dn 10:2, 8-11, 18, 19. Aingeru batek Daniel profeta animatu eta indartu egin zuen, adinekoa zenean eta oso nekatuta sentitu zenean.

Bibliako pasarte garrantzitsuak:

• Dt 3:28; 31:7, 8. Jehobak agindu bezala, Moises profetak bere ondorengoa izango zen Josue animatu eta indartu zuen.

• Eg 11:22-26; 14:22. Pertsekuzio garaian, Paulo eta Bernabe apostoluek Antiokiako kristauak animatu zituzten.

Bibliako pasarte garrantzitsuak:

• Ep 11:37-40. Israelgo emakumeek Jefte epailearen alaba urtero-urtero bisitatzen zuten bere bizitza sakrifikatuarengatik zoriontzeko.

• Ap 2:1-4. Jesusek Efesoko kristauak zuzendu zituen arren, ondo egiten ari zirena ere esan zien.

Bibliako pasarte garrantzitsuak:

• 1Sm 23:16-18. Dabid garai zailak pasatzen ari zenean, bere laguna zen Jonatan bere bila joan zen animatzeko.

• Jn 16:33. Jesusek bere jarraitzaileak bere eredua erabiliz animatu zituen eta beraiek ere garaile izan zitezkeela ziurtatu zien.

• Eg 28:14-16. Paulo apostolua Erromarako bidean zegoen bere epaiketarako. Bera animatzeko bidaiatu zuten anai-arreba leialak ikusi zituenean, indarberritu egin zen.

Bibliako pasarte garrantzitsuak:

• Zen 11:10-15. Moises profeta asko desanimatu zen herriaren jarrera negatibo eta desobedientearengatik.

• Zen 13:31, 32; 14:2-6. Hamar espioiek modu negatiboan hitz egin zutenez, jendea desanimatu zuten eta, handik gutxira, herria errebelatu egin zen.

Bibliako pasarte garrantzitsuak:

• 2Kr 20:1-19. Armada handi batek Juda mehatxatu zuenean, Josafat erregeak herriarekin batera egin zuen otoitz.

• Eg 12:1-5, 12-17. Santiago apostolua hil zutenean eta Pedro apostolua kartzelan sartu zutenean, Jerusalemgo anai-arrebak elkartu egin ziren otoitz egiteko.

Bibliako pasarte garrantzitsuak:

• Has 39:19-23; 40:1-8. Nahiz eta Jose merezi gabe kartzelan egon, leial izaten jarraitu zuen eta besteei laguntzeko prest egon zen.

• 2Er 6:15-17. Eliseo profeta ez zen beldurtu armada handi bat bere aurka joan zenean eta otoitz egin zuen bere zerbitzaria ere ez beldurtzeko.

Bibliako pasarte garrantzitsuak:

• 1Sm 1:10, 11, 17, 18. Ana triste eta atsekabeturik sentitu zenean, Jehobari otoitz egin zion eta Jehobak bakea izaten lagundu zion.

• 1Er 19:1-19. Elias profeta desanimatu zenean, Jehobak laguntza praktikoa eman zion. Gainera, etorkizunerako esperantza emanez animatu eta kontsolatu zuen.

Bibliako pasarte garrantzitsuak:

• Jb 14:1, 2, 7-9, 13-15. Momentu latzenean ere, berpizkundearen esperantzak Job animatu zuen.

• Dn 12:13. Daniel profetak 100 urte inguru zituenean, aingeru batek animatu egin zuen etorkizuneko sariari buruz hitz eginez.

Bibliako pasarte garrantzitsuak:

• 1Sm 30:1-9. Arazoak izan zituenean, Dabid erregeak Jehobarengana jo zuen eta indarberritu egin zen.

• Lk 22:39-43. Probarik latzenean, Jesusek Jehobari laguntza erregutu zion eta Jehobak aingeru bat bidaliz animatu zuen.

Bibliako pasarte garrantzitsuak:

• Eg 15:2-4. Paulo eta Bernabe apostoluek bisitatu zituzten kongregazioak asko animatu zituzten.

• 3Jn 1-4. Joan apostolua edadetua zela, asko animatu zen berari esker egia ikasi zuten anai-arrebak leial jarraitzen zutela jakitean.