Pütchi suluʼuka tü Bibliakalü anaka maʼin:

• 2Cr 32:2-8: Akatsüinnüsü naaʼin na israelitakana nutuma Ezequías soʼu nashutunuin aaʼu natuma na asiriokana.

• Da 10:2, 8-11, 18, 19: Wayuu laülaa Daniel, chi nünüikimaajachikai Maleiwa, akatsüinnapejeʼe naaʼin nutuma wanee aapiee soʼu matsüin naaʼin.

Pütchi suluʼuka tü Bibliakalü anaka maʼin:

• Dt 3:28; 31:7, 8: Naaʼinrüin Moisés tü nümakat Jehová nümüin, nükatsüinrüin naaʼin Josué, chi nekiipüʼüinjachikai na israelitakana.

• Alu 11:22-26; 14:22: Akatsüinnüsü naaʼin na anoujashii chajanakana Antioquía nutuma Pablo nümaa Bernabé wanaa sümaa müliain naaʼin atumawaa.

Pütchi suluʼuka tü Bibliakalü anaka maʼin:

• Jue 11:37-40: Oʼunawaishii na jieyuu israelitakana juyawai sümaʼanamüin tü nüchonkat Jefté süpüla nakatsüinrüin saaʼin saaʼu shiʼyataain suluʼu tü aʼwaajüleekat.

• Ap 2:1-4: Soʼu nüküjainjatüin Jesús namüin na anoujashii chajanakana Éfeso tü kasa nanoutajatkat, nüküjaleeinña tü kasa anakat natuma.

Pütchi suluʼuka tü Bibliakalü anaka maʼin:

• 1Sa 23:16-18: Oʼunushi Jonatán sünain achajawaa nüchiki David, chi naʼaleewainkai süpüla nükatchinrüin naaʼin, naaʼinrüin tia süka nütüjaain saaʼu choʼujaain tia nümüin David.

• Jn 16:33: Nükatsüinrüin Jesús naaʼin na nikirajüinkana sükajee nüküjain namüin niyamülüin tü kasa mojusü eekat saaʼu tü mmakat jee nüküjainña namüin nounteerüin tia nashatüle nukuwaʼipa.

• Alu 28:14-16: Akatsüinnüsü naaʼin Pablo natuma na anoujashiikana wanaa sümaa noʼunuin sünain anaʼlawaa nümüin soʼu süpünaluʼuin nia Roma süpüla süsalain nia tü kasa naainjakat.

 Pütchi suluʼuka tü Bibliakalü anaka maʼin:

• Nú 11:10-15: Mojusü maʼin naaʼin Moisés saaʼu nnojoliin noonooin na israelitakana.

• Nú 13:31, 32; 14:2-6: Amatsüinjaasü naaʼin na israelitakana sutuma nnojoluin naküjain pütchi analuʼulu na polooshiikana ajayajülii jee neʼrüliijaaka wayumüin na israelitakana suluʼujee tia.

Pütchi suluʼuka tü Bibliakalü anaka maʼin:

• 2Cr 20:1-19: Oʼuraajüshi Jehosafat namaa na israelitakana wanaa sümaa nashutunuin aaʼu natuma watta naalii surulaat.

• Alu 12:1-5, 12-17: Outkajaashii na anoujashiikana chaa Jerusalén süpüla oʼuraajaa süchikijee nuʼutunuin aaʼin Santiago jee püreesain Pedro.

Pütchi suluʼuka tü Bibliakalü anaka maʼin:

• Gé 39:19-23; 40:1-8: Ayatüshia anoujain José sünain nükaalinjüneechin nutuma Jehová jee nükaalinjain wayuu mayaainjeʼe püreesapünaain nia.

• 2Re 6:15-17: Nnojoishi mmoluin Eliseo neema na surulaat ashutakana naaʼu, oʼuraajüshi nia süpüla nnojolinjachin mmoluin chi aʼyataakai niʼipajee.

Pütchi suluʼuka tü Bibliakalü anaka maʼin:

• 1Sa 1:10, 11, 17, 18: Soʼu mojuin saaʼin Ana jee shapaain saaʼin, oʼuraajüsü shia nümüin Jehová, nükaalinjakalaka shia süpüla jimatüin saaʼin.

• 1Re 19:1-19: Soʼu mojuin naaʼin Elías, eʼikajeʼennüsü niküin nutuma Jehová jee wüin nüsüin. Nükatchinrüin naaʼin jee nüküjain nümüin aneerüin nukuwaʼipa mapeena.

Pütchi suluʼuka tü Bibliakalü anaka maʼin:

• Job 14:1, 2, 7-9, 13-15: Soʼu mojuin maʼin naaʼin Job, nütüjaa aaʼulu nüsoʼireʼereerüin Jehová naaʼin, anakalaka naaʼin sutuma tia.

• Da 12:13: Akatchinnüsü naaʼin Daniel nutuma wanee aapiee soʼu nüküjain nümüin tü kasa anasü niʼreetkat mapeena. Nüküjain tia nümüin soʼu 100 nuuyase Daniel.

Pütchi suluʼuka tü Bibliakalü anaka maʼin:

• 1Sa 30:1-9: Soʼu niʼrüin David nümüliala, oʼuraajüshi nia nümüin Jehová jee sükatchinraaka naaʼin suluʼujee tia.

• Lu 22:39-43: Achuntushi maʼin Jesús kaalinwaa nümüin Jehová, nuluwataaka Jehová wanee aapiee nümaʼanamüin süpüla nükatchinrüin naaʼin.

Pütchi suluʼuka tü Bibliakalü anaka maʼin:

• Alu 15:2-4: Akatchinnapuʼusü naaʼin na anoujashiikana nutuma Pablo nümaa Bernabé.

• 3Jn 1-4: Akatchinraasü naaʼin chi aluwataaushikai Juan soʼu naapüin süchiki ichein nanoula na anoujashii nikirajakana.