Halimbawa sa Biblia:

• 2Cr 32:​2-8—Sang salakayon na sang Asiria ang katawhan ni Hari Ezequias, ginpalig-on niya sila

• Dan 10:​2, 8-11, 18, 19—Ginpalig-on sang anghel si manalagna Daniel kay tigulang na sia kag maluya

Halimbawa sa Biblia:

• Deu 3:28; 31:​7, 8—Ginsugo ni Jehova si manalagna Moises nga palig-unon ang magabulos sa iya nga si Josue

• Bin 11:​22-26; 14:22—Sa tion sang paghingabot, ginpalig-on ni apostol Pablo kag ni Bernabe ang mga Cristiano sa Antioquia

Halimbawa sa Biblia:

• Huk 11:​37-40—Kada tuig, ginabisitahan sang mga babayi sang Israel ang bata nga babayi ni Hukom Jefte para dayawon sia sa iya ginhimo nga sakripisyo

• Bug 2:​1-4—Bisan pa kinahanglan ni Jesus tadlungon ang mga Cristiano sa Efeso, ginkomendahan niya sila sa ila maayo nga nahimo

Halimbawa sa Biblia:

• 1Sa 23:​16-18—Ginkadtuan ni Jonatan ang iya mas bataon nga abyan nga si David kag ginpalig-on sia sa tion sang kabudlayan

• Ju 16:33—Ginpalig-on ni Jesus ang iya mga sumulunod paagi sa iya halimbawa kag ginpasalig nga mangin madinalag-on man sila pareho sa iya

• Bin 28:​14-16—Sang nagapakadto si apostol Pablo sa Roma para sa iya bista, napalig-on sia sang nakigkita sa iya ang matutom nga mga utod para pabakuron sia

 Halimbawa sa Biblia:

• Nu 11:​10-15—Nagluya gid ang buot ni manalagna Moises bangod wala nagtuman kag nangin palakumod ang katawhan

• Nu 13:​31, 32; 14:​2-6—Bangod sa malain nga ginsugid sang pulo ka espiya, nagluya ang buot sang katawhan kag nagrebelde sila

Halimbawa sa Biblia:

• 2Cr 20:​1-19—Sang ginsalakay sang madamo nga soldado ang Juda, nangamuyo si Hari Jehosapat upod sa katawhan

• Bin 12:​1-5, 12-17—Sang ginpatay si apostol Santiago kag ginpriso si apostol Pedro, nagtipon ang kongregasyon sa Jerusalem kag nangamuyo

Halimbawa sa Biblia:

• Ge 39:​19-23; 40:​1-8—Bisan pa ginpasibangdan si Jose kag ginpriso, nagsalig sia gihapon kay Jehova kag gusto niya buligan ang iban

• 2Ha 6:​15-17—Nangin maisog gid si Eliseo sa pag-atubang sa madamo nga soldado, kag ginpangamuyo niya nga indi man mahadlok ang iya alagad

Halimbawa sa Biblia:

• 1Sa 1:​10, 11, 17, 18—Ginpamatian ni Jehova ang pangamuyo ni Hana kag ginpaumpawan Niya sia sa iya kasubo

• 1Ha 19:​1-19—Sang nagluya ang buot ni manalagna Elias, ginhatagan sia ni Jehova sang tubig kag pagkaon. Ginpalig-on kag ginpaumpawan Niya sia paagi sa paghatag sa iya sing paglaum

 Halimbawa sa Biblia:

• Job 14:​1, 2, 7-9, 13-15—Bisan pa mabudlay gid ang sitwasyon ni Job, napaumpawan sia sang iya paglaum sa pagkabanhaw

• Dan 12:13—Sang mga 100 ang edad ni manalagna Daniel, ginpalig-on sia sang anghel nga may ara sia sing padya sa palaabuton

Halimbawa sa Biblia:

• 1Sa 30:​1-9—Sang may problema si Hari David, nangamuyo sia kay Jehova kag napalig-on sia

• Lu 22:​39-43—Sang ara si Jesus sa mabudlay nga kahimtangan, nangamuyo sia kay Jehova, kag nagpadala si Jehova sing anghel para palig-unon sia

Halimbawa sa Biblia:

• Bin 15:​2-4—Napalig-on gid nanday Pablo kag Bernabe ang mga kongregasyon nga ginbisitahan nila

• 3Ju 1-4—Napalig-on gid ang tigulang na nga si apostol Juan sang nabalitaan niya ang katutom sang iya mga gintudluan sang maayong balita