Okutwaafana omukumo
Omolwashike sha fimana kovapiya vaKalunga okukala hava twaafana omukumo?
Jes 35:3, 4; Kol 3:16; 1Te 5:11; Heb 3:13
-
Oihopaenenwa tai tu kwafele:
-
2Omaf 32:2-8 — Ohamba Hiskia oya li ya twa oshiwana omukumo, eshi sha li sha taalela onghalo itilifi
-
Dan 10:2, 8-11, 18, 19 — Omweengeli umwe okwa li a twa omukumo omuprofeti omunamido Daniel noku mu pameka, eshi a li a loloka
-
Omolwashike Jehova a teelela ovakulunhuongalo va kale hava tu vamwe omukumo?
Jes 32:1, 2; 1Pe 5:1-3
Tala yo Mat 11:28-30
-
Oihopaenenwa tai tu kwafele:
-
Deut 3:28; 31:7, 8 — Omuprofeti Moses okwa li a twa omukumo nokupameka Josua, oo a li te ke mu pingena po, ngaashi Jehova a li e mu lombwela
-
Oil 11:22-26; 14:22 — Pefimbo lomahepeko, omuyapostoli Paulus naBarnabas ova li va pameka Ovakriste vakwao muAntiokia
-
Omolwashike okupandula vamwe tashi di komutima shi li oshitukulwa sha fimana shoku va twa omukumo?
-
Oihopaenenwa tai tu kwafele:
-
Ovatok 11:37-40 — Ovakainhu vomuIsrael ova li hava ka talela po okamonakadona komutokolipangeli Jefta omudo keshe, opo ve ke ka pandule omolwonghalamwenyo yako yeliyambo
-
Eh 2:1-4 — Nonande Jesus okwa li a pumbwa okupukulula Ovakriste vomuEfeso, okwa li yo e va lombwela opo va li tave shi endifa nawa
-
Ongahelipi ovapiya vaJehova ovadiinini tava dulu okutwaafana omukumo?
Omayel 15:23; Ef 4:29; Flp 1:13, 14; Kol 4:6; 1Te 5:14
Tala yo 2Ko 7:13, 15, 16
-
Oihopaenenwa tai tu kwafele:
-
1Sam 23:16-18 — Jonatan okwa li e shii kutya kaume kaye David okwa pumbwa etwomukumo, onghee okwa li e mu konga, opo e mu pameke pefimbo, olo la li lidjuu
-
Joh 16:33 — Jesus okwa li a pameka ovashikuli vaye moku va dimbulukifa kutya okwa finda ounyuni, nonokutya otava dulu okuninga sha faafana, ngeenge ova shikula oshihopaenenwa shaye
-
Oil 28:14-16 — Paulus okwa li a pamekwa, eshi ovamwatate va li ve uya oku mu twa omukumo, ofimbo a li mondjila okuya kuRoma, a ka pangulwe
-
Omolwashike sha fimana okuhenuka omhepo yokuhadulika, ile yokungongota?
-
Oihopaenenwa tai tu kwafele:
-
Num 11:10-15 — Omuprofeti Moses okwa li a teka omukumo neenghono, omolwomhepo yokungongota noyokuhadulika yovanhu
-
Num 13:31, 32; 14:2-6 — Eendaadi omulongo, odo da popya oinima ii, oda li da teya ovanhu omukumo, nova li va tukula ounashibofa
-
Omolwashike okweendafana novaitaveli vakwetu hashi tu tu omukumo?
Omayel 27:17; Rom 1:11, 12; Heb 10:24, 25; 12:12
-
Oihopaenenwa tai tu kwafele:
-
2Omaf 20:1-19 — Eshi Juda a li a ponokelwa ketangakwaita linene, ohamba Josafat oya li ya ilikana pamwe noshiwana
-
Oil 12:1-5, 12-17 — Konima eshi omuyapostoli Jakob a dipawa nosho yo eshi omuyapostoli Petrus a li a tulwa modolongo, eongalo lomuJerusalem ola li la ongala pamwe li ilikane
-
Ongahelipi okudiladila keteelelo, olo tu na taku tu pameke, opo tu twikile, ngeenge twa taalela eenghalo didjuu?
Oil 5:40, 41; Rom 8:35-39; 1Ko 4:11-13; 2Ko 4:16-18; 1Pe 1:6, 7
-
Oihopaenenwa tai tu kwafele:
-
Gen 39:19-23; 40:1-8 — Nonande Josef okwa li a lundilwa nokwa tulwa modolongo shihe li pauyuki, okwa kala omudiinini, nokwa li a halelela okukwafela vamwe
-
2Eeh 6:15-17 — Omuprofeti Elisa ka li a tila etangakwaita, olo la li le uya kuye, nokwa ilikanena omupiya waye naye aha kale a tila
-
Ombiibeli otai dulu oku tu twa omukumo
Jehova okwe tu udanekela ngahelipi kutya ote tu kwafele?
Eps 55:22; 94:14; Rom 8:38, 39; 1Ko 10:13
Omolwashike hatu kala tu udite twa tuwa omukumo, ngeenge hatu diladila kombinga yelididimiko nonghenda yaJehova?
Oshike osho Jehova ta dulu okuningila ovo ve udite va loloka?
Eps 46:1; Jes 12:2; 40:29-31; Flp 4:13
-
Oihopaenenwa tai tu kwafele:
-
1Sam 1:10, 11, 17, 18 — Eshi Hanna a li a uda nai nokwa nyemata, okwa li a ilikana kuJehova, na Jehova okwe mu kwafela a kale vali e na ombili
-
1Eeh 19:1-19 — Eshi omuprofeti Elia a li a teka omukumo, Jehova okwa li e mu pa oikulya nomeva. Okwa li e mu twa omukumo noku mu hekeleka, eshi e mu pa eteelelo li na sha nonakwiiwa
-
Omolwashike omaudaneko Ombiibeli e na sha nonakwiiwa hae tu pameke?
2Omaf 15:7; Eps 27:13, 14; Heb 6:17-19; 12:2
-
Oihopaenenwa tai tu kwafele:
-
Job 14:1, 2, 7-9, 13-15 — Nonande Job okwa li a teka omukumo neenghono, okwa li e shii kutya Jehova ote ke mu nyumuna, naasho oshe mu hekeleka
-
Dan 12:13 — Eshi omuprofeti Daniel a li e na omido 100 lwaapo, okwa li a tuwa omukumo komweengeli, oo e mu lombwela kombinga yomanangeko noupuna, oo a li ta ka mona monakwiiwa
-
Omolwashike hashi tu pameke, ngeenge hatu ilikana kuJehova nokudilonga kwaasho tu shii kombinga yaye?
Eps 18:6; 56:4, 11; Heb 13:6
-
Oihopaenenwa tai tu kwafele:
-
1Sam 30:1-9 — Eshi ohamba David ya li ya taalela omaupyakadi, oya li ya ilikana kuJehova, noya mona eenghono
-
Luk 22:39-43 — Eshi Jesus a li a taalela eyeleko lidjuu, okwa li a ilikana kuJehova, na Jehova okwa li e mu tumina omweengeli e mu pameke
-
Ongahelipi eenghundana diwa hadi tu pameke, nomolwashike shiwa oku di lombwela vamwe?
Omayel 15:30; 25:25; Jes 52:7
-
Oihopaenenwa tai tu kwafele:
-
Oil 15:2-4 — Ovayapostoli, Paulus naBarnabas, ova li va twa omukumo omaongalo, oo va li va talela po
-
3Jo 1-4 — Eshi omuyapostoli Johannes a ninga omunamido, okwa li a tuwa omukumo neenghono, eshi a uda kutya ovo a honga onghundana iwa ove li natango ovadiinini
-