Oihopaenenwa tai tu kwafele:

• 2Omaf 32:​2-8 — Ohamba Hiskia oya li ya twa oshiwana omukumo, eshi sha li sha taalela onghalo itilifi

• Dan 10:​2, 8-11, 18, 19 — Omweengeli umwe okwa li a twa omukumo omuprofeti omunamido Daniel noku mu pameka, eshi a li a loloka

Oihopaenenwa tai tu kwafele:

• Deut 3:28; 31:​7, 8 — Omuprofeti Moses okwa li a twa omukumo nokupameka Josua, oo a li te ke mu pingena po, ngaashi Jehova a li e mu lombwela

• Oil 11:​22-26; 14:22 — Pefimbo lomahepeko, omuyapostoli Paulus naBarnabas ova li va pameka Ovakriste vakwao muAntiokia

Oihopaenenwa tai tu kwafele:

• Ovatok 11:​37-40 — Ovakainhu vomuIsrael ova li hava ka talela po okamonakadona komutokolipangeli Jefta omudo keshe, opo ve ke ka pandule omolwonghalamwenyo yako yeliyambo

• Eh 2:​1-4 — Nonande Jesus okwa li a pumbwa okupukulula Ovakriste vomuEfeso, okwa li yo e va lombwela opo va li tave shi endifa nawa

 Oihopaenenwa tai tu kwafele:

• 1Sam 23:​16-18 — Jonatan okwa li e shii kutya kaume kaye David okwa pumbwa etwomukumo, onghee okwa li e mu konga, opo e mu pameke pefimbo, olo la li lidjuu

• Joh 16:33 — Jesus okwa li a pameka ovashikuli vaye moku va dimbulukifa kutya okwa finda ounyuni, nonokutya otava dulu okuninga sha faafana, ngeenge ova shikula oshihopaenenwa shaye

• Oil 28:​14-16 — Paulus okwa li a pamekwa, eshi ovamwatate va li ve uya oku mu twa omukumo, ofimbo a li mondjila okuya kuRoma, a ka pangulwe

Oihopaenenwa tai tu kwafele:

• Num 11:​10-15 — Omuprofeti Moses okwa li a teka omukumo neenghono, omolwomhepo yokungongota noyokuhadulika yovanhu

• Num 13:​31, 32; 14:​2-6 — Eendaadi omulongo, odo da popya oinima ii, oda li da teya ovanhu omukumo, nova li va tukula ounashibofa

Oihopaenenwa tai tu kwafele:

• 2Omaf 20:​1-19 — Eshi Juda a li a ponokelwa ketangakwaita linene, ohamba Josafat oya li ya ilikana pamwe noshiwana

• Oil 12:​1-5, 12-17 — Konima eshi omuyapostoli Jakob a dipawa nosho yo eshi omuyapostoli Petrus a li a tulwa modolongo, eongalo lomuJerusalem ola li la ongala pamwe li ilikane

Oihopaenenwa tai tu kwafele:

• Gen 39:​19-23; 40:​1-8 — Nonande Josef okwa li a lundilwa nokwa tulwa modolongo shihe li pauyuki, okwa kala omudiinini, nokwa li a halelela okukwafela vamwe

• 2Eeh 6:​15-17 — Omuprofeti Elisa ka li a tila etangakwaita, olo la li le uya kuye, nokwa ilikanena omupiya waye naye aha kale a tila

Oihopaenenwa tai tu kwafele:

• 1Sam 1:​10, 11, 17, 18 — Eshi Hanna a li a uda nai nokwa nyemata, okwa li a ilikana kuJehova, na Jehova okwe mu kwafela a kale vali e na ombili

• 1Eeh 19:​1-19 — Eshi omuprofeti Elia a li a teka omukumo, Jehova okwa li e mu pa oikulya nomeva. Okwa li e mu twa omukumo noku mu hekeleka, eshi e mu pa eteelelo li na sha nonakwiiwa

Oihopaenenwa tai tu kwafele:

• Job 14:​1, 2, 7-9, 13-15 — Nonande Job okwa li a teka omukumo neenghono, okwa li e shii kutya Jehova ote ke mu nyumuna, naasho oshe mu hekeleka

• Dan 12:13 — Eshi omuprofeti Daniel a li e na omido 100 lwaapo, okwa li a tuwa omukumo komweengeli, oo e mu lombwela kombinga yomanangeko noupuna, oo a li ta ka mona monakwiiwa

Oihopaenenwa tai tu kwafele:

• 1Sam 30:​1-9 — Eshi ohamba David ya li ya taalela omaupyakadi, oya li ya ilikana kuJehova, noya mona eenghono

• Luk 22:​39-43 — Eshi Jesus a li a taalela eyeleko lidjuu, okwa li a ilikana kuJehova, na Jehova okwa li e mu tumina omweengeli e mu pameke

Oihopaenenwa tai tu kwafele:

• Oil 15:​2-4 — Ovayapostoli, Paulus naBarnabas, ova li va twa omukumo omaongalo, oo va li va talela po

• 3Jo 1-4 — Eshi omuyapostoli Johannes a ninga omunamido, okwa li a tuwa omukumo neenghono, eshi a uda kutya ovo a honga onghundana iwa ove li natango ovadiinini