Mashimikila a mu Baibolo:

• 2Mo 32:2-8—Mfumu Hezekiya watundaikile bantu kuba’mba bakose bena Asilya byo baishilenga na kwibalukuka

• Da 10:2, 8-11, 18, 19—Malaika watundaikile ngauzhi Danyela byo akotele ne kumupa bulume

Mashimikila a mu Baibolo:

• Mpi 3:28; 31:7, 8—Yehoba wabuujile Mosesa kutundaika ne kukosesha Yoshua wamuswaine

• By 11:22-26; 14:22—Mu kimye kya lumanamo, mutumwa Paulo ne Banabasa batundaikile bingi balongo ne banyenga mu Antioka

Mashimikila a mu Baibolo:

• Mit 11:37-40—Banabakazhi bena Isalela bafwakeshanga mwana wamukazhi wa kwa Yefita mutonyi pa mwaka pa mwaka na kumutundaika pa kwipana kuya na kwingijila pa nzubo ya Lesa

• Lum 2:1-4—Nangwa kya kuba Yesu waolweleko bena Kilishitu mu Efisesa, wibasanchijile ne mo baubilenga bulongo

 Mashimikila a mu Baibolo:

• 1Sa 23:16-18 —Yonafwanyi wayukile’mba mulunda nanji aye Davida wapichilenga mu makatazho. O ene mambo o ayijile ko ajinga kuba’mba amutundaike

• Yoa 16:33—Yesu watundaikile baana banji ba bwanga byo ebavulwilemo’mba aye wipashinda pano pa ntanda kabiji nabo bakepashinda inge bafunjila kwi aye

• By 28:14-16—Paulo watemenwe bingi balongo byo baishile na kumutundaika kimye kyo ayilenga ku Loma na kumutotolwesha

Mashimikila a mu Baibolo:

• Ba 11:10-15—Ngauzhi Mosesa kyamukolele bingi ku muchima na mambo a byambo byatama byaambilenga bantu babujile lukookelo

• Ba 13:31, 32; 14:2-6—Bamwendela ntanda jikumi baambile byatama ne kulefula bantu. Akino kyalengejile bantu kusatuka

Mashimikila a mu Baibolo:

• 2Mo 20:1-19—Nzhita ya bashilikale byo yalukukile muzhi wa Yuda, mfumu Yehoshafwata wakonkenye bantu pamo ne kulomba kwi Yehoba kwibakwasha

• By 12:1-5, 12-17—Mutumwa Yakoba byo bamwipayile ne mutumwa Petelo byo bamukashile, balongo mu Yelusalema bapwijile pamo na kulomba

Mashimikila a mu Baibolo:

• Nt 39:19-23; 40:1-8—Nangwa kya kuba Yosefwa bamukashile mu kaleya pa mambo o abujile kulenga, aye watwajijiletu kuketekela mwi Lesa ne kukwasha bakwabo

• 2Mf 6:15-17—Ngauzhi Elisha kechi wachiine nzhita ya bashilikale byo yamulukukile ne. Kabiji walombejileko kalume wanji kuba’mba naye abule kuchiina

Mashimikila a mu Baibolo:

• 1Sa 1:10, 11, 17, 18—Hana byo aikele na bulanda ne kuzhingila, walombele kwi Yehoba kabiji wamukwashishe kutaana mutende

• 1Mf 19:1-19—Ngauzhi Elaija byo alefwilwe, Yehoba wamupeele kajo ne mema. Wamutundaikile ne kumutekenesha byo amubuujile’mba bintu kulutwe bikekalatu bulongo

Mashimikila a mu Baibolo:

• Yob 14:1, 2, 7-9, 13-15—Nangwa kya kuba Yoba walefwilwe na mambo a makatazho, wayukile’mba Yehoba ukamusangula, akino kyamutekeneshe bingi

• Da 12:13—Ngauzhi Danyela byo ajinga na myaka 100, malaika wamutundaikile ne kumubuula mfweto yo akatambula kulutwe

Mashimikila a mu Baibolo

• 1Sa 30:1-9—Mfumu Davida walombele kwi Yehoba byo ajinga na makatazho kabiji wachinchikile

• Luk 22:39-43—Yesu walombele bukwasho kwi Yehoba kimye kyo ajinga mu lweseko kabiji Yehoba watumine malaika na kumutundaika

Mashimikila a mu Baibolo:

• By 15:2-4—Mutumwa Paulo ne Banabasa batundaikile bingi balongo ne banyenga mu bipwilo byo bafwakashijile

• 3Yo 1-4—Mutumwa Yoano byo akotele watundaikilwe bingi byo aumvwine’mba bantu bo afunjishe bukine batwajijila kwikala ba kishinka kwi Yehoba