Mehlala ya batho ba ka Beibeleng yeo e ka go thušago:

• 2Kr 32:​2-8—Ge Baasiria ba tlile go hlasela setšhaba, Kgoši Hesekia o a se kgothatša

• Da 10:2, 8-11, 18,19—Morongwa o kgothatša le go matlafatša moporofeta Daniele yoo a tšofetšego e bile a se sa ne matla

Mehlala ya batho ba ka Beibeleng yeo e ka go thušago:

• Doi 3:28; 31:​7, 8—Jehofa o laela moporofeta Moshe gore a kgothatše le go matlafatša Joshua yoo a bego a le kgauswi le go tlo etelela setšhaba pele

• Dit 11:​22-26; 14:22—Ge Bakriste ba Antiokia ba tlaišwa, moapostola Paulo le moapostola Baranaba ba a ba kgothatša

Mehlala ya batho ba ka Beibeleng yeo e ka go thušago:

• Baa 11:​37-40—Ngwaga o mongwe le o mongwe, banenyana ba Baisiraele ba be ba eya go etela morwedi wa Moahlodi Jefeta, gore ba yo mo kgothatša ka baka la ge a tlogile gae gore a yo hlankela taberenakeleng

• Kut 2:​1-4—Le ge Jesu a be a swanetše go phošolla Bakriste ba Efeso, o ile a ba reta le ka dilo tše dibotse tšeo ba bego ba di dira

 Mehlala ya batho ba ka Beibeleng yeo e ka go thušago:

• 1Sa 23:​16-18—Ka ge Jonathane a be a tseba gore mogwera wa gagwe Dafida yoo e bego e sa le moswa o be a hloka go kgothatšwa, o ile a ya go mo nyaka e le gore a mo kgothatše

• Joh 16:33—Jesu o kgothatša barutiwa ba gagwe ka go ba gopotša gore o fentše lefase le gore le bona ba ka le fenya ge ba ka mo ekiša

• Dit 28:​14-16—Ge moapostola Paulo a eya Roma go sekišwa, o ba le matla ge a bona bana babo bao ba botegago ba tlile go tlo mo kgothatša

Mehlala ya batho ba ka Beibeleng yeo e ka go thušago:

• Nu 11:​10-15—Moporofeta Moshe o nyama kudu ka baka la setšhaba seo se sa kwego e bile se rata go ngongorega

• Nu 13:​31, 32; 14:​2-6—Setšhaba se nyamišwa ke mantšu a dihlodi tše lesome tšeo di sa botegego, gomme se feleletša se se sa kwa baetapele ba sona

Mehlala ya batho ba ka Beibeleng yeo e ka go thušago:

• 2Kr 20:​1-19—Ge madira a mantšhi a hlasela Juda, Kgoši Jehoshafate o kgoboketša setšhaba gore a rapele le sona

• Dit 12:​1-5, 12-17—Ka morago ga gore moapostola Jakobo a bolawe gomme moapostola Petro a golegwe, phuthego ya Jerusalema e a kgobokana gore e rapele

Mehlala ya batho ba ka Beibeleng yeo e ka go thušago:

• Ge 39:​19-23; 40:​1-8—Le ge Josefa a golegilwe ka baka la molato woo a sego a o dira, o dula a ithekga ka Jehofa le go ikemišetša go thuša ba bangwe

• 2Dik 6:​15-17—Moporofeta Elisha ga se a tšhoga ge a bona manaba a mantšhi a etla go lwa le yena e bile o rapelela le gore mohlokomedi wa gagwe le yena a se ke a tšhoga

Mehlala ya batho ba ka Beibeleng yeo e ka go thušago:

• 1Sa 1:​10, 11, 17, 18—Jehofa o theetša thapelo ya Hanna e bile o mo thuša gore a ikwe a imologile mathateng a gagwe

• 1Dik 19:​1-19—Moporofeta Eliya o nyamile, gomme Jehofa o mo fa dijo le meetse, o a mo kgothatša e bile o mo homotša ka go mo tshepiša gore o tlo mo direla dilo tše dibotse

Mehlala ya batho ba ka Beibeleng yeo e ka go thušago:

• Job 14:​1, 2, 7-9, 13-15—Le ge Jobo a nyamile kudu, o homotšwa ke go tseba gore Jehofa o tlo mo tsoša bahung

• Dan 12:13—Moporofeta Daniele yo a nago le mengwaga yeo e ka bago e 100 o a kgothatšega ge morongwa a mmotša gore o tlo hwetša moputso nakong e tlago

Mehlala ya batho ba ka Beibeleng yeo e ka go thušago:

• 1Sa 30:​1-9—Ge Kgoši Dafida a na le mathata, o rapela Jehofa gomme o ba le matla

• Lu 22:​39-43—Ge Jesu a lebane le teko e boima, o rapela Jehofa gore a mo thuše, ke moka Jehofa o romela morongwa gore a mo kgothatše

Mehlala ya batho ba ka Beibeleng yeo e ka go thušago:

• Dit 15:​2-4—Moapostola Paulo le moapostola Baranaba ba kgothatša diphuthego tšeo ba di etelago

• 3Jo 1-4—Moapostola Johane yo a tšofetšego o kgothatšega kudu ge a ekwa gore batho bao a ba rutilego ka Modimo ba tšwela pele ba botega