Guhana Gikhesa
Mukunda natshi idi nu ndando egi akombeledi a Nzambi adihane gikhesa?
Yesh 35:3, 4; Kol 3:16; 1Tes 5:11; Heb 3:13
-
Ifezegeselo idi mu Biblia yajiya gugukuatesa:
-
2Gudi 32:2-8—Ezekiase wahanele enya Isalele gikhesa tangua enya Asiliya ajile gualuisa
-
Dan 10:2, 8-11, 18, 19—Muanjelo wahanele profete Danyele gikhesa hakhalele muene muthu wa gukola nu ya guleba
-
Mukunda natshi Yehowa wana toga akulu ha guhana athu ako gikhesa?
Yesh 32:1, 2; 1Pt 5:1-3
Tala nji Mat 11:28-30
-
Ifezegeselo idi mu Biblia yajiya gugukuatesa:
-
Mikh 3:28; 31:7, 8—Gifua muazuelele Yehowa, Moize wakolesele Yoshua nu wamuhanele gikhesa, handaga muene wakhalele naye guhingana ha fundo dienji
-
Mkl 11:22-26; 14:22—Mupostolo Phaula nu Barnabase ahanele Aklisto a gu Antiokia gikhesa mu tangua dia usageshi
-
Mukunda natshi gushimana athu ako mukunda nu ima ana tshita gudi nu ndando tangua tudi guahana gikhesa?
Ish 31:28, 29; 1Kol 11:2
-
Ifezegeselo idi mu Biblia yajiya gugukuatesa:
-
Manz 11:37-40—Akhetu a gu Isalele akhalele muya mutala mun’a Yefeta wa mukhetu givo nu givo ha gumushimana luholo wayile mutshita mudimo gu inzo ya tenta
-
Gum 2:1-4—Gutuama egi Yesu awambele Aklisto a gu Efeso ndaga akhalele naye gulondega, waashimanele thomo mukunda nu ndaga jinyi akhalele mutshita muabonga
-
Luholo lutshi akombeledi a Yehowa ajiya gudihana gikhesa?
Ish 15:23; Ef 4:29; Fili 1:13, 14; Kol 4:6; 1Tes 5:14
Tala nji 2Kol 7:13, 15, 16
-
Ifezegeselo idi mu Biblia yajiya gugukuatesa:
-
1Sam 23:16-18—Yonatana wakambele futa dienji Davidi mu tangua dia lamba ha gumuhana gikhesa
-
Yon 16:33—Yesu wahanele alandudi enji gikhesa tangua diawambelele muene egi wabingi mavu, ene nji ajiya gubinga mavu gula alandula gifezegeselo gienji
-
Mkl 28:14-16—Hakhalele Phaula mu njila ha guya gu Roma, wahetele gikhesa tangua diamonele muene aphangi anyi ajile ha gumutagana
-
Mukunda natshi idi nu ndando ha gunemesa athu ako nu gutuna khadilo dia guboguta?
-
Ifezegeselo idi mu Biblia yajiya gugukuatesa:
-
Ltg 11:10-15—Moize walebele muila muavula mukunda nu khadilo dia guboguta, nu gulumbuga gua enya Isalele
-
Ltg 13:31, 32; 14:2-6—Khadilo dia guboguta dia athu kumi anyi ayile mutala dimbo dia Kanana dialebesele diago athu, diaatumile nji ha gulumbuga
-
Luholo lutshi gubalegesa tangua hamoshi nu aphangi etu Aklisto guajiya gutuhana gikhesa?
Ish 27:17; Rm 1:11, 12; Heb 10:24, 25; 12:12
-
Ifezegeselo idi mu Biblia yajiya gugukuatesa:
-
2Gudi 20:1-19—Tangua mbalagaji jiajile nu masuta avula ha guluisa enya Yuda, Fumu Yosafata wakombelele Yehowa hamoshi nu enya Isalele
-
Mkl 12:1-5, 12-17—Mupostolo Yakoba washiyiwe, gungima mupostolo Phetelo wambiwe mu bologo, mu tangua diene, hungu dia gu Yelusalema diadibungishile ha gukombelela hamoshi
-
Luholo lutshi gutangigiza felela dietu guana gutuhana ngolo ha gukolesela ikhale tuatagana nu malamba?
Mkl 5:40, 41; Rm 8:35-39; 1Kol 4:11-13; 2Kol 4:16-18; 1Pt 1:6, 7
-
Ifezegeselo idi mu Biblia yajiya gugukuatesa:
-
Gis 39:19-23; 40:1-8—Yozefe wambiwe mambo, gungima amumbile mu bologo, ikhale ngenyi muene wasalele ya gujinginyina gudi Yehowa, wakhalele nji mukamba gukuatesa athu ako
-
2Maf 6:15-17—Profete Elisha gakhalelego muvua woma tangua masuta avula ajile gumukuata, hene wakombelele Nzambi hagula muenya mudimo wenji akatule nji woma
-
Biblia yajiya gutuhana gikhesa
Yehowa udi gutulaya egi mbawutukuatesa luholo lutshi?
Ngi 55:22; 94:14; Rm 8:38, 39; 1Kol 10:13
Mukunda natshi tuana heta gikhesa tangua tuana tangigiza khadilo dia guhuiminyina gua Yehowa nu khenda jienji?
Itshi Yehowa wana tshita mukunda nu athu adi a guleba?
Ngi 46:1; Yesh 12:2; 40:29-31; Fili 4:13
-
Ifezegeselo idi mu Biblia yajiya gugukuatesa:
-
1Sam 1:10, 11, 17, 18—Yehowa wavile gisambu gia Ana, wamukuatesele ha guheta guhuima hakhalele muene nu gikenene
-
1Maf 19:1-19—Tangua profete Eliya walebele muila, Yehowa wamuhanele ima ya gudia nu meya a gunua. Wamuhanele felela mukunda nu masugu adi muza; felela diene diamuhanele gikhesa nu ngolo
-
Mukunda natshi mafelela adi mu Biblia ana gutuhana gikhesa?
2Gudi 15:7; Ngi 27:13, 14; Heb 6:17-19; 12:2
-
Ifezegeselo idi mu Biblia yajiya gugukuatesa:
-
Yobo 14:1, 2, 7-9, 13-15—Ikhale tangua Yobo walebele muila mukunda nu malamba, wakhalele mujiya egi Yehowa mbawumufuzumuna, ndaga yene yamuhanele ngolo
-
Dan 12:13—Profete Danyele wakhalele nu ivo hehi nu 100, muanjelo wamuhanele gikhesa hamuwambelele muene egi mbawuheta ishimbigo mu masugu adi muza
-
Luholo lutshi tuana heta gikhesa tangua tuana kombelela Yehowa nu tuana tangigiza ndaga jinyi tuana jiya mukunda nu muene?
Ngi 18:6; 56:4, 11; Heb 13:6
-
Ifezegeselo idi mu Biblia yajiya gugukuatesa:
-
1Sam 30:1-9—Fumu Davidi wakombelele Yehowa mu tangua dia lamba, hene wahetele ngolo
-
Luk 22:39-43—Tangua Yesu watagenele nu lamba diakola, wabubidile Yehowa ha gumukuatesa, Yehowa watumile muanjelo ha gumuhana gikhesa
-
Luholo lutshi lukuma luabonga luana gutuhana gikhesa? Mukunda natshi idi ndaga yabonga ha guwambela athu ako lukuma luene?
Ish 15:30; 25:25; Yesh 52:7
-
Ifezegeselo idi mu Biblia yajiya gugukuatesa:
-
Mkl 15:2-4—Mupostolo Phaula nu Barnabase ahanele aphangi gikhesa tangua ayile guatala mu hungu
-
3Yn 1-4—Mupostolo Yone wasuangulugile muavula hajiyile muene egi, athu alongele muene giamatshidia akhalele a gujinginyina gudi Nzambi
-