Kaywan tupaq bibliapi willakuykuna:

• 2Cr 32:​2-8. Jerusalen llaqtata munaychakunanpaq enemigonkuna hamuptinmi Ezequias llaqtamasinkunata kallpancharqa.

• Da 10:​2, 8-11, 18, 19. Danieltam huk angel kallpancharqa. Danielqa karqa yuyaqñam, hinaspapas pisipasqam tarikurqa.

Kaywan tupaq bibliapi willakuykuna:

• Dt 3:28; 31:​7, 8. Jehova Diospa kamachisqanman hinam Moisesqa Josueyta kallpancharqa, payqa Moisespa rantinpim Israel runakunata yanapanan karqa.

• Hch 11:​22-26; 14:22. Pablowan Bernabeymi Antioquiapi iñiqkunata kallpancharqaku, paykunaqa runakunapa chiqnisqanmi kachkarqaku.

Kaywan tupaq bibliapi willakuykuna:

• Jue 11:​37-40. Sapa watam Israelpi sipaskuna Jefteypa warmi churinta kallpanchaq riqku, payqa Diosta yupaychanapaq carpapim yanapakurqa.

• Ap 2:​1-4. Efeso llaqtapi iñiqkunata Jesus corregispanpas allin ruwasqankumantam kallpanchaykurqa.

Kaywan tupaq bibliapi willakuykuna:

• 1Sa 23:​16-18. Jonatanqa yacharqam kallpanchaykunata David necesitasqanta, chaymi rirqa paywan tupaykuq hinaspa kallpanchaykuq.

• Jn 16:33. Jesusmi qatiqninkunata kallpancharqa mana allinkuna vencerusqanta yuyarichispan. Nirqataqmi payta qatipakuspankuqa paykunapas mana allinkunata vencenankumanta.

• Hch 28:​14-16. Apostol Pablo juzgasqa kananpaq Romaman riptinmi iñiqmasinkuna paywan tupaykunankupaq rirqaku, chaymi Pablotaqa anchata kallpanchaykurqa.

Kaywan tupaq bibliapi willakuykuna:

• Nu 11:​10-15. Profeta Moisesmi llumpayta llakikurqa llaqtamasinkuna mana kasukuq kasqankuwan hinaspa rimapayasqanta mana kaqpaqpas hapisqankuwan.

• Nu 13:​31, 32; 14:​2-6. Diospa qunan allpata qawaq riqkunamanta 10 runakuna mana imam kaqta willakusqankuraykum lliw Israel runakunapas hukmanyarurqaku hinaspa mana kasukuq rikurirurqaku.

Kaywan tupaq bibliapi willakuykuna:

• 2Cr 20:​1-19. Juda llaqtata peleanankupaq achkallaña soldadokuna yaykuyta munaptinmi kamachiq Jeosafatqa llaqtamasinkunapiwan kuska Diosta mañakurqaku.

• Hch 12:​1-5, 12-17. Apostol Santiagota wañurachiptinkum hinaspa apostol Pedrota carcelman churaruptinkum llapallan iñiqkuna huñunakururqaku Diosta mañakunankupaq.

Kaywan tupaq bibliapi willakuykuna:

• Ge 39:​19-23; 40:​1-8. Yanqamanta Josey carcelpi kaspanpas hinallam Jehova Diospi hapipakurqa, hinaspapas kallpanchakurqam hukkunata yanapaykunanpaq.

• 2Re 6:​15-17. Achkallaña chiqniqnin soldadokuna muyuriruptinpas Eliseoqa manam manchakurqachu, hinaspam Jehova Diosta mañakurqa sirvientenpas mana manchakunanpaq.

Kaywan tupaq bibliapi willakuykuna:

• 1Sa 1:​10, 11, 17, 18. Anam llumpay llakisqa hinaspa hukmanyasqa tarikurqa, ichaqa Jehova Diosmi mañakusqanta uyariykuspan yanapaykurqa hawkaña kananpaq.

• 1Re 19:​1-19. Profeta Elias llumpay hukmanyasqa kaptinmi Jehova Dios mikuyta hinaspa yakuta qurqa, hinaspapas consuelaykurqam chaynataq kallpanchaykurqam. Chaymantapas yanaparqam allin kaqkunapi piensananpaq.

Kaywan tupaq bibliapi willakuykuna:

• Job 14:​1, 2, 7-9, 13-15. Sapallan hinaña tarikuptinpas kawsarimuymanta yachasqanmi Jobtaqa kallpancharqa.

• Da 12:13. Daniel yaqa 100 watayuqña kachkaptinmi huk angel hamuq tiempopi imayna kawsakunanmanta willaykuspan kallpancharqa.

Kaywan tupaq bibliapi willakuykuna:

• 1Sa 30:​1-9. Ima sasachakuypi tarikuspanpas Davidqa Jehova Diostam qayakurqa kallpanchasqa kananpaq.

• Lu 22:​39-43. Llumpay sasachakuypi kaspanmi Jesusqa Jehova Diosta tukuy sunqunwan mañakullarqa, chaymi Diosqa angelninta ­kachamurqa kallpanchaykunanpaq.

Kaywan tupaq bibliapi willakuykuna:

• Hch 15:​2-4. Pablowan Bernabeyqa visitasqanku llaqtapi iñiqkunatam ancha-anchata kallpancharqaku.

• 3Jn 1-4. Apostol Juanmi yuyaqña kaspan ancha kallpanchasqa tarikurqa yachachisqan runakuna Diosman sunqu hinalla kasqankuta yachaspan.