Примероря анда Библия

• 2Лт 32:2—8. Кала и ассирийцоря камэнас тэ дэн по Иерусалимо, о царё Езекия ԥэндя лэ народости и алава, савэ придинэ лэнди зор.

• Дан 10:2, 8—11, 18, 19. Кала о ԥуро пророко Даниило ашэляпэ би зорэско, о анӷело подритярдя лэс и придя лэсти зор.

Примероря анда Библия

• Вт 3:28; 31:7, 8. О Иегова ԥэндя лэ Маисеёсти тэ подритярэл лэ Иисусос Навинос, саво трэбуй сас тэ диқэл пала народо посли лэстэ.

• Дл 11:22—26; 14:22. Кала андэ Антиохия ӷонинас лэ христианонэн, о Павло и о Варнава подритярдэ лэ ԥралэн и лэ ԥэян.

Примероря анда Библия

• Сд 11:37—40. И израильски щея кажно бэрш авэнас каринг лэ Ефаёстири щей, кай тэ хвалин ла пала вся, со вой терэл важ о Иегова.

• Тн 2:1—4. Хоть о Исусо трэбуй сас тэ дэл годи лэ христианонэнди андо Ефесо, во виарақля, пала со лэн тэ похвалий.

Примероря анда Библия

• 1См 23:16—18. О Ионафано родэлас пэстирэ друӷос лэ Давидос, кай тэ подритярэл лэс андэ ԥари время

• Ин 16:33. О Исусо придя зор пэстирэ учениконэнди, кала ԥэндя, кай лэстэ вижыля тэ бирой и люма и лэндэ тожэ вижала, если вонэ лэна тэ сытён лэстар.

• Дл 28:14—16. Кала лэ Павлос андярэнас по сындо андо Римо, во додиқля лэ ԥралэн, и када придя лэсти зор.

Примероря анда Библия

• Чс 11:10—15. Лэ Маисеёсти сас фартэ ԥарэс через кода, кай и израильтяноря на кандэнас лэ Дэвлэс и ровэнаспэ.

• Чс 13:31, 32; 14:2—6. И дэш мануша, савэ жылэ тэ роздиқэн и ԥув, линэ найдраго тэ дэн дума пала кодэва ҭан, и через када о народо звазгляпэ.

 Примероря анда Библия

• 2Лт 20:1—19. Кала по царё Иасафато дя баро войско, во стидя всаворэ народос, кай вмести тэ мангэнпэ.

• Дл 12:1—5, 12—17. Кала лэ Иаковос казнисардэ, ай лэ Петрос бэшардэ андо баруно, и христианоря анда Иерусалимо стидэпэ, кай вмести тэ мангэнпэ.

Примероря анда Библия

• Бт 39:19—23; 40:1—8. Хоть по Иосифо хохадэ и лэс стодэ андо баруно, во ашэляпэ предано лэ Дэвлэсти и камэлас тэ поможый аврэнди.

• 2Цр 6:15—17. Кала о пророко Елисеё додиқля баро войско, во на пэрэдарайля и мангляпэ, кай лэско слуӷо тожэ тэ парашэл тэ дарал.

Примероря анда Библия

• 1См 1:10, 11, 17, 18. О Иегова виашундя ла Аннатири молитва и дя лати спокойство по ди.

• 1Цр 19:1—19. Кала кай о пророко Илья сас ԥаримос по ди, о Иегова стердя кадя, кай лэстэ тэ авэл паи и хамос, ай кадяжэ подритярдя лэс и поможысардя лэсти тэ диқэл лашымос.

Примероря анда Библия

• Иов 14:1, 2, 7—9, 13—15. Кала о Иово сас бидаса умардо, во полэлас, кай о Дэл можэт тэ рий лэс каринг и жызня, и када придэлас лэсти зор.

• Дан 12:13. Кала лэ Даниилости сас варикай сто лет, о анӷело подритярдя лэс и росԥэндя пала лашымос, саво авэла англэ.

Примероря анда Библия

• 1См 30:1—9. Кала лэ Давидости сас фартэ ԥарэс, во мангляпэ лэ Иеговасти, и када придя лэсти зор.

• Лк 22:39—43. О Исусо фартэ мангэласпэ лэ Иеговасти, англа кода сар лэс тэ казнин. Тоди о Дэл бишалдя лэ анӷелос, кай тэ подритярэл лэс.

Примероря анда Библия

• Дл 15:2—4. О Павло и о Варнава придинэ зор лэ ԥралэнди и лэ ԥэянди андэ собрании, каринг вонэ авэнас.

• 3Ин 1—4. О ԥуро апостало Иоано фартэ обрадосайля, кала ашундя, кай кодэла, кас во сытярэлас лэ чачимасти, на парашэн тэ служын лэ Иеговасти.