Pitsandzo pya m’Bhibhlya pyakuti pinatiphedza:

• 2Kr 32:2-8—Mu ndzidzi ukhali umaso wawo pangozwi, Mambo Ezekiya awangisa mbumba.

• Dha 10:2, 8-11, 18, 19—Anju m’bodzi awangisa mbapasa mphambvu mprofeta Dhanyeli wakuti akhadakalamba, pontho akhadaneta.

Pitsandzo pya m’Bhibhlya pyakuti pinatiphedza:

• Dhe 3:28; 31:7, 8—Mprofeta Mose abvera pitsogolero pya Yahova mbawangisa na kupasa mphambvu Yoswa wakuti akhafuna kupita pa mbuto yace ninga ntsogoleri wa dzindza.

• Mab 11:22-26; 14:22—Mu ndzidzi ukhatcingwa iwo, mpostolo Paulu na Bharnabhe awangisa Akristu a ku Antiyokiya.

Pitsandzo pya m’Bhibhlya pyakuti pinatiphedza:

• Ato 11:37-40—Pyaka pyonsene, akazi a ku Izraeli akhaenda kaona mwana wankazi wa Ntongi Yefite toera kunsimba thangwi yakusiya nyumba yace mbaenda katumikira pa tabhernakulo.

• Apo 2:1-4—Maseze Yezu asandika Akristu a ku Efeso, mbwenye iye aasimba thangwi ya pinthu pyadidi pikhacita iwo.

Pitsandzo pya m’Bhibhlya pyakuti pinatiphedza:

• 1Sa 23:16-18—Yonatani akhadziwa kuti xamwali wace Dhavidhi akhafuna ciwangiso mu ndzidzi wakunentsa, natenepa aenda kansaka toera kumuwangisa.

• Ju 16:33—Yezu aphatisira citsandzo cace toera kuwangisa atowereri ace mbaapasa cinyindiro cakuti iwo mbadakwanisambo kukunda dziko.

• Mab 28:14-16—Pikhaenda iye katongwa ku Roma, mpostolo Paulu awanga manungo pidaona iye abale adacita ulendo toera kudzamuwangisa.

 Pitsandzo pya m’Bhibhlya pyakuti pinatiphedza:

• Num 11:10-15—Mprofeta Mose atsukwala kakamwe thangwi yakukhonda bvera kwa mbumba na makhaliro awo akuipa.

• Num 13:31, 32; 14:2-6—Thangwi ya mphangwa zakuipa za anyakusuzumira dziko khumi akusowa cikhulupiro, mbumba yatsukwala mbisiya kubvera.

Pitsandzo pya m’Bhibhlya pyakuti pinatiphedza:

• 2Kr 20:1-19—Mwinji ukulu wa anyankhondo pidabwera iwo kudzamenya nkhondo na Ayuda, Mambo Yosafati acita phembero pabodzi na mbumba.

• Mab 12:1-5, 12-17—Pidaphiwa mpostolo Tiyago, mpostolo Pedhru mbaikhwa nkaidi, mpingo ku Yerusalemu wagumanyikana toera kucita phembero.

Pitsandzo pya m’Bhibhlya pyakuti pinatiphedza:

• Gen 39:19-23; 40:1-8—Zuze apambizirwa mbaikhwa nkaidi, ngakhale tenepo iye apitiriza kukhala wakukhulupirika, pontho akhafuna kuphedza anango.

• 2Am 6:15-17—Mprofeta Elizeu nee agopa pidabwera anyankhondo kuna iye, pontho acita phembero toera ntumiki wace akhondembo kugopa.

Pitsandzo pya m’Bhibhlya pyakuti pinatiphedza:

• 1Sa 1:10, 11, 17, 18—Yahova abvesera phembero ya Yana, pontho am’phedza mu ndzidzi ukhali iye wakutsukwala kakamwe.

• 1Am 19:1-19—Mprofeta Eliya pikhali iye wakutsukwala, Yahova ampasa cakudya na madzi. Yahova amuwangisa, pontho ambalangaza mbampasa cidikhiro ca ntsogolo.

Pitsandzo pya m’Bhibhlya pyakuti pinatiphedza:

• Yob 14:1, 2, 7-9, 13-15—Ngakhale mu ndzidzi wakunentsa kakamwe wa umaso wace, Yobe abalangazwa na cidikhiro cakuti analamuswa muli akufa.

• Dha 12:13—Pikhali iye cifupi na pyaka 100 pyakubalwa, mprofeta Dhanyeli awangiswa pidapangwa iye na anju kuti anadzatambira nkhombo ntsogolo.

Pitsandzo pya m’Bhibhlya pyakuti pinatiphedza:

• 1Sa 30:1-9—Mu ndzidzi ukhatamba iye nyatwa, Mambo Dhavidhi acita phembero kuna Yahova mbawangiswa.

• Luk 22:39-43—Mu ndzidzi ukhafuna iye kutamba mayesero makulu kakamwe a umaso wace, Yezu acita phembero yakudembetera kuna Yahova, pontho Yahova atuma anju mbabwera kudzamuwangisa.

Pitsandzo pya m’Bhibhlya pyakuti pinatiphedza:

• Mab 15:2-4—Mpostolo Paulu na Bharnabhe awangisa kakamwe mipingo ikhacedzera iwo.

• 3Ju 1-4—Mpostolo Juwau wakuti akhadakalamba, apfundzisa anthu azinji mphangwa zadidi, pontho iye awangiswa kakamwe thangwi yakudziwa kuti iwo akhapitiriza kutumikira Mulungu mwakukhulupirika.