Fampahereza
Manino ty mpanompo-Ndranahary ro tena mila mifampahery?
Is 35:3, 4; Kl 3:16; 1Te 5:11; He 3:13
-
Tantara amy Baiboly ao:
-
2Ta 32:2-8—Nampahery ty vahoakiny Hezekia Mpanjaka lafa hanafiky an-drozy ty Asyrianina
-
Da 10:2, 8-11, 18, 19—Nampahery an’i Daniela mpaminany anjely raiky zay lafa ie niha antitsy noho nihareraky
-
Manino Jehovah ro mampirisiky ty anti-panahy mba hampahery ty olo hafa?
Is 32:1, 2; 1Pe 5:1-3
Henteo koa Mt 11:28-30
-
Tantara amy Baiboly ao :
-
De 3:28; 31:7, 8—Nivola tamy Mosesy mpaminany Jehovah mba hampahery noho hanatanjaky an’i Josoa satria ie ro hisolo azy hitariky an’ny firenena iny
-
As 11:22-26; 14:22—Lafa nisy ty fanenjeha le nampahery ty Kristiana ta Antiokia any, apostoly Paoly noho Barnabasy
-
Manino tsika ro tokony hidera ty hafa laha ta hampahery an-drozy?
Oh 31:28, 29; 1Ko 11:2
-
Tantara amy Baiboly ao:
-
Mpts 11:37-40—Namangy an’ny anakampelan’i Jefta iny ty somonjara tamy Israely teo santao mba hidera azy, satria tena nahafoy tena ie
-
Ap 2:1-4—Ndre nananatsy ty Kristiana ta Efesosy tao aza Jesosy, le nivolaniny tamin-drozy koa ty raha soa nataon-drozy
-
Akory ty azontsika ampahereza an’ny rahalahy noho anabavintsika reo?
Oh 15:23; Ef 4:29; Fi 1:13, 14; Kl 4:6; 1Te 5:14
Henteo koa 2Ko 7:13, 15, 16
-
Tantara amy Baiboly ao:
-
1Sa 23:16-18—Hain’i Jonatana fa nila fampahereza Davida namany, farany nilàny mbaombao ie mba hampahereziny
-
Jn 16:33—Nampahery ty mpanori-dia azy Jesosy ka nampitiaroviny an-drozy fa naharesy ani-zao tontolo zao ie. Hahavita ani-zay koa hoasany rozy laha manahaky ty modeliny
-
As 28:14-16—Niatriky raha sarotsy Paoly tamin’ie handeha a Roma any, fe lasa nana herim-po ie lafa nahita an’ny rahalahy tsy nivaliky niavy nitsena azy noho nampahery azy rey
-
Manino tsika ro tena mila mitandrina tsy no tsy hanaja olo na ho be menimeny?
Fi 2:14-16; Jd 16-19
-
Tantara amy Baiboly ao:
-
No 11:10-15—Nikivy biby Mosesy mpaminany satria nimenimeny avao vahoaky rey sady naheriloha
-
No 13:31, 32; 14:2-6—Nikivy biby vahoaky rey lafa naharè ty tatitsy nahakivy baka amy mpisafo tany 10 lahy rey. Lasa nizizo amy zay rozy tsiela tafarani-zay
-
Manino ty fiaraha amy rahalahy noho anabavintsika reo ro manome hery antsika?
Oh 27:17; Ro 1:11, 12; He 10:24, 25; 12:12
-
Tantara amy Baiboly ao:
-
2Ta 20:1-19—Lafa nanafiky an’i Joda maramila maro biby rey, le niaraky nivavaky tamy vahoaky rey Josafata Mpanjaka
-
As 12:1-5, 12-17—Lafa nivonoa apostoly Jakoba sady nigadrà apostoly Petera, le nivory raiky ty Kristiana ta Jerosalema ao mba hivavaky
-
Manino ro mety hanome hery antsika ty fametsevetsea ty raha tamanintsika lafa tsika miatriky raha sarotsy?
As 5:40, 41; Ro 8:35-39; 1Ko 4:11-13; 2Ko 4:16-18; 1Pe 1:6, 7
-
Tantara amy Baiboly ao :
-
Ge 39:19-23; 40:1-8—Ndre nasara raha tsy nataony noho nigadrà tsy ara-drariny aza Josefa le tsy nivaliky ie sady mbo nanampy ty olo hafa avao
-
2Mp 6:15-17—Tsy navaka Elisa mpaminany lafa nisy maramila maro biby hanambotsy azy, le nivavaky ie mba tsy hatahotsy manahaky azy koa mpanompony iny
-
Afaky mampahery antsika ty Baiboly
Ino ty raha ampitamanin’i Jehovah fa hataony mba hanampea antsika?
Sl 55:22; 94:14; Ro 8:38, 39; 1Ko 10:13
Manino ro mampahery antsika ty mametsivetsy hoe manam-pahareta noho mamindra fo Jehovah?
Ne 9:17; Sl 103:13, 14; 2Pe 3:9, 15
Ino ataon’i Jehovah ho ani-ze mahatsapa hoe tsy mana hery?
Sl 46:1; Is 12:2; 40:29-31; Fi 4:13
-
Tantara amy Baiboly ao:
-
1Sa 1:10, 11, 17, 18—Lafa nikivy noho nalahelo Hana, le nivavaky tamy Jehovah. Nampean’i Jehovah ie mba tsy hiasa loha
-
1Mp 19:1-19—Lafa nikivy Elia mpaminany, le namean’i Jehovah hany noho rano. Nampahery noho nampionona azy Jehovah ka nanampy azy hifantoky amy raha soa avao
-
Manino ty raha ampitamanin’ny Baiboly mikasiky ty hoavy ro mahavy antsika ho be herim-po?
2Ta 15:7; Sl 27:13, 14; He 6:17-19; 12:2
-
Tantara amy Baiboly ao:
-
Jb 14:1, 2, 7-9, 13-15—Ndre nikivy biby aza Joba, le hainy fa mbo hovelomin’i Jehovah ndraiky ie lafa maty. Le zay ro nampahery azy
-
Da 12:13—Nampahery an’i Daniela mpaminany anjely raiky zay tamy ie 100 tao eo ho eo. Nivola anjely iny fa hahazo valisoa ie amy hoavy
-
Manino ro mampahery antsika ty mivavaky amy Jehovah noho mametsivetsy ty raha haintsika mikasiky azy?
Sl 18:6; 56:4, 11; He 13:6
-
Tantara amy Baiboly ao:
-
1Sa 30:1-9—Nivavaky tamy Jehovah Davida Mpanjaka lafa niatriky raha sarotsy. Lasa nahazo hery amy zay ie
-
Lk 22:39-43—Nisoloho tamy Jehovah Jesosy mba hanampy azy lafa ie hiatriky an’ny fitsapà farani-ze sarotsy taminy iny, le naniraky anjely raiky Jehovah mba hampahery azy
-
Manino ro mampahery antsika ty maharè tatitsy soa, le manino ro soa raha zay laha resahintsika amin’olo hafa?
Oh 15:30; 25:25; Is 52:7
-
Tantara amy Baiboly ao:
-
As 15:2-4—Tena nampahery ty rahalahy noho anabavy tamy fiangona nitsidihin-drozy, apostoly Paoly noho Barnabasy
-
3Jn 1-4—Lafa niantitsy apostoly Jaona, le nampahery azy ty naharè fa mbo tsy mivaliky amy Jehovah ty olo nampianariny
-