Talanoa Fakatohitapu mahuʻinga:

• 2 Kal. 32:​2-8—ʻI he fehangahangai ʻa e kakaí mo ha fakamanamana lahi, ʻoku fakalototoʻaʻi kinautolu ʻe Tuʻi Hesekaia

• Tan. 10:​2, 8-11, 18, 19—ʻOku fakalototoʻaʻi mo fakaivimālohiʻi ʻe ha ʻāngelo ʻa e palōfita taʻumotuʻa ko Tanielá, ʻa ia ʻokú ne ʻi ha tuʻunga vaivai

Talanoa Fakatohitapu mahuʻinga:

• Teu. 3:28; 31:​7, 8—Hangē pē ko e fakahinohino ʻa Sihová, ko e palōfita ko Mōsesé ʻokú ne fakalototoʻaʻi mo fakaivimālohiʻi ʻa e tokotaha te ne fetongi iá, ʻa Siosiua

• Ngā. 11:​22-26; 14:22—Lolotonga ʻa e taimi ʻo e fakatangá, ko e ʻapositolo ko Paulá mo Panepasa ʻokú na fakalototoʻaʻi ʻa e kau Kalisitiane ʻi ʻAniteoké

Talanoa Fakatohitapu mahuʻinga:

• Fkm. 11:​37-40—Ko e kau finemui ʻo ʻIsilelí ʻoku nau ʻaʻahi ki he ʻofefine ʻo Fakamaau Sēfitá ʻi he taʻu taki taha ke fakaongoongoleleiʻi ia ki heʻene ʻalunga moʻui taʻesiokitá

• Fkh. 2:​1-4—Neongo naʻe fiemaʻu ke fakatonutonu ʻe Sīsū ʻa e kau Kalisitiane ʻi ʻEfesoó, naʻá ne toe fakahaaʻi ange foki kiate kinautolu ʻa e meʻa naʻa nau fakahoko leleí

Talanoa Fakatohitapu mahuʻinga:

• 1 Sām. 23:​16-18—ʻOku kumi ʻa Sionatane ki hono kaumeʻa kei siʻi ange ko Tēvitá pea fakalototoʻaʻi ia lolotonga ha taimi faingataʻa

• Sione 16:33—ʻOku fakalototoʻaʻi ʻe Sīsū hono kau muimuí ʻaki ʻene faʻifaʻitakiʻangá pea fakapapauʻi ange kiate kinautolu ʻe lava foki ke nau ikuna

• Ngā. 28:​14-16—Lolotonga ʻa e fononga ʻa e ʻapositolo ko Paulá ki Loma ki hono hopoʻí, ʻokú ne loto-toʻa ʻi heʻene sio ki he fanga tokoua faitōnunga naʻa nau fononga mai ke feʻiloaki mo fakalototoʻaʻi iá

Talanoa Fakatohitapu mahuʻinga:

• Nōm. 11:​10-15—Ko e palōfita ko Mōsesé ʻokú ne mātuʻaki loto-siʻi ʻi he laumālie ʻikai lelei mo talangataʻa ʻa e kakaí

• Nōm. 13:​31, 32; 14:​2-6—Ko e talanoa ʻikai lelei ʻa e kau asiasi taʻetui ʻe toko hongofulú ʻokú ne fakalotosiʻiʻi ʻa e kakaí pea iku atu ki he angatuʻu

Talanoa Fakatohitapu mahuʻinga:

• 2 Kal. 20:​1-19—ʻI he fehangahangai ʻa Tuʻi Sihosafate mo e fakamanamana mei ha fuʻu kau tau tokolahi, ʻokú ne fakatahatahaʻi ʻa e kakaí ke nau lotu

• Ngā. 12:​1-5, 12-17—Hili hono tāmateʻi ʻa e ʻapositolo ko Sēmisí pea tuku pilīsone ʻa e ʻapositolo ko Pitá, ko e fakatahaʻanga ʻi Selusalemá ʻoku nau fakatahataha mai ke lotu

Talanoa Fakatohitapu mahuʻinga:

• Sēn. 39:​19-23; 40:​1-8—Neongo hono tukuakiʻi loi mo hono tuku pilīsone taʻetotonu ʻo Siosifá, ʻokú ne nofoʻaki faitōnunga pea vēkeveke ke tokoni ki he niʻihi kehé

• 2 Tuʻi 6:​15-17—Ko e palōfita ko ʻIlaisá ʻokú ne taʻemanavahē ʻi he fehangahangai mo ha fakatuʻutāmaki lahi, pea ʻokú ne lotu ke maʻu ʻe hono tauhí ʻa e vakai tatau

Talanoa Fakatohitapu mahuʻinga:

• 1 Sām. 1:​10, 11, 17, 18—ʻOku fanongo ʻa Sihova ki he lotu ʻa ʻAná pea ʻokú ne tokoniʻi ia ke ne maʻu ha fakafiemālie ʻi he taimi ʻokú ne mātuʻaki loto-mamahi aí

• 1 Tuʻi 19:​1-19—ʻI he loto-siʻi ʻa e palōfita ko ʻIlaisiaá, ʻoku tokonaki ʻe Sihova ha tokoni ʻaonga. ʻOkú ne fakalototoʻaʻi mo fakafiemālieʻi ia ʻaki hono ʻoange kiate ia ha ʻamanaki ki he kahaʻú

Talanoa Fakatohitapu mahuʻinga:

• Siope 14:​1, 2, 7-9, 13-15—Naʻa mo e ʻi he taimi fakapoʻuli taha ʻi he moʻui ʻa Siopé, ʻokú ne maʻu ʻa e fakafiemālie ʻi he ʻamanaki ʻo e toetuʻú

• Tan. 12:13—Ko e palōfita ko Tanielá, ʻa ia ʻokú ne taʻu 100 nai, ʻokú ne maʻu ʻa e fakalototoʻa mei ha ʻāngelo ʻokú ne tala ange kiate ia ʻa e pale ʻi he kahaʻú

Talanoa Fakatohitapu mahuʻinga:

• 1 Sām. 30:​1-9—ʻI he fehangahangai ʻa Tuʻi Tēvita mo e faingataʻá, ʻokú ne hanga kia Sihova pea maʻu ʻa e mālohi

• Luke 22:​39-43—ʻI he fehangahangai ʻa Sīsū mo hono ʻahiʻahi faingataʻa tahá, ʻokú ne lotu tōtōivi, pea ʻoku tali ia ʻe Sihova ʻaki hono fekauʻi mai ha ʻāngelo ke ne fakalototoʻaʻi ia

Talanoa Fakatohitapu mahuʻinga:

• Ngā. 15:​2-4—Ko e ʻapositolo ko Paulá mo Panepasa ʻokú na ʻoatu ha fakalototoʻa lahi ki he ngaahi fakatahaʻanga ʻokú na ʻaʻahi ki aí

• 3 Sio. 1-4—Ko e ʻapositolo taʻumotuʻa ko Sioné ʻoku fakalototoʻaʻi lahi ia ʻi heʻene vakai ki he faitōnunga ʻa e faʻahinga ʻa ia naʻá ne akoʻi ki ai ʻa e ongoongo leleí