Skip to content

Skip to table of contents

Amunjile (opens new window)
Amuyandaule a JW.ORG

Kukulwaizya

Kukulwaizya

Nkaambo nzi ncociyandika kapati kuti babelesi ba Leza kabakulwaizyanya?

Is. 35:​3, 4; Kol. 3:16; 1Tes. 5:11; Heb. 3:13

  • Zibalo zyamu Bbaibbele zigwasya:

    • 2Mak. 32:​2-8—Mwami Hezekiya wakabandika abantu kutegwa abakulwaizye ciindi bana Asuri nobakaboola kubalwana

    • Dan. 10:​2, 8-11, 18, 19—Mungelo wakakulwaizya Daniele iwakacembeede alimwi iwakanyina nguzu

Nkaambo nzi Jehova ncayanda kuti baalu kababakulwaizya bamwi?

Is. 32:​1, 2; 1Pet. 5:​1-3

Amubone a Mt. 11:​28-30

  • Zibalo zyamu Bbaibbele zigwasya:

    • Dt. 3:28; 31:​7, 8—Mbubwenya mbwaakalaililwa a Jehova, musinsimi Musa wakamukulwaizya akumuyumya Joshua, walo iwakali kuyoonjila abusena bwakwe

    • Mil. 11:​22-26; 14:22—Mwaapostolo Paulo a Barnaba bakakulwaizya Banakristo ku Antiokeya ciindi nobakali kupenzyegwa

Nkaambo nzi kulumbaizya bamwi kuzwa ansi aamoyo ncocili cibeela ciyandika kapati ciindi notubakulwaizya?

Tus. 31:​28, 29; 1Kor. 11:2

  • Zibalo zyamu Bbaibbele zigwasya:

    • Bab. 11:​37-40—Bamakaintu bamu Israyeli bakali kumuswaya mwana musimbi wa Jefita mwaka amwaka kutegwa bamulumbe akaambo kakulyaaba kwakwe

    • Ciy. 2:​1-4—Nokuba kuti Jesu wakali kuyandika kubalulamika Banakristo baku Efeso, wakasaanguna kubaambila zintu nzyobakali kucita kabotu

Mbuti mbotukonzya kukulwaizya bakwesu abacizyi?

Tus. 15:23; Ef. 4:29; Flp. 1:​13, 14; Kol. 4:6; 1Tes. 5:14

Amubone a 2Kor. 7:​13, 15, 16

  • Zibalo zyamu Bbaibbele zigwasya:

    • 1Sam. 23:​16-18—Jonatani wakamuyandaula Davida mulongwe wakwe akumukulwaizya ciindi naakali mubukkale bukatazya

    • Joh. 16:33—Jesu wakakulwaizya basikwiiya bakwe kwiinda mukubayeezya kuti wakaizunda nyika alimwi akuti abalo inga bacikonzya kwiizunda ikuti batobela cikozyanyo cakwe

    • Mil. 28:​14-16—Paulo wakakulwaizyigwa ciindi bakwesu nobakaboola kumubona naakali kuunka ku Roma kuyoobetekwa

Nkaambo nzi ncociyandika kweeleba cilengwa cakutongooka naa kutondezya kubula bulemu?

Flp. 2:​14-16; Jud. 16-19

  • Zibalo zyamu Bbaibbele zigwasya:

    • My. 11:​10-15—Musinsimi Musa wakatyompwa kapati akaambo kamuuya wakutamvwida ngobakajisi bantu

    • My. 13:​31, 32; 14:​2-6—Basikutwela bali kkumi bakabatyompya bantu kwiinda mukwaamba zintu zitali kabotu calo cakapa kuti batalike kuzanga

Ino tukulwaizyigwa buti ciindi notuyanzana abakwesu abacizyi alimwi akukomba antoomwe ambabo?

Tus. 27:17; Rom. 1:​11, 12; Heb. 10:​24, 25; 12:12

  • Zibalo zyamu Bbaibbele zigwasya:

    • 2Mak. 20:​1-19—Ciindi Mwami Jehosafati naakakongwa ankamu mpati yabasikalumamba, wakabunganya bantu kutegwa bapaile

    • Mil. 12:​1-5, 12-17—Ciindi mwaapostolo Jakobo naakajaigwa alimwi aleelyo mwaapostolo Petro naakaangwa, bakwesu mu Jerusalem bakabungana antoomwe akupaila

Ino kuyeeya zyabulangizi bwesu inga kwatugwasya buti kuliyumya ciindi notuli mumapenzi?

Mil. 5:​40, 41; Rom. 8:​35-39; 1Kor. 4:​11-13; 2Kor. 4:​16-18; 1Pet. 1:​6, 7

  • Zibalo zyamu Bbaibbele zigwasya:

    • Matl. 39:​19-23; 40:​1-8—Nokuba kuti wakatamikizyigwa akucitilwa cakutalulama, Josefa wakazumanana kusyomeka alimwi wakaliyandide kugwasya bamwi

    • 2Bam. 6:​15-17—Musinsimi Elisha tanaakayoowa ciindi mpi yabasikalumamba noyakaboola kulinguwe, alimwi wakapailila mubelesi wakwe kuti aleke kuyoowa

Bbaibbele lilakonzya kutukulwaizya

Ino Jehova usyomezya buti kuti uyootugwasya?

Int. 55:22; 94:14; Rom. 8:​38, 39; 1Kor. 10:13

Ino tukulwaizyigwa buti ciindi notuyeeya kujatikizya kukkazika moyo kwa Jehova alimwi aluse lwakwe?

Neh. 9:17; Int. 103:​13, 14; 2Pet. 3:​9, 15

Ino Jehova inga wabagwasya buti aabo balimvwa kubula nguzu?

Int. 46:1; Is. 12:2; 40:​29-31; Flp. 4:13

  • Zibalo zyamu Bbaibbele zigwasya:

    • 1Sam. 1:​10, 11, 17, 18—Jehova wakauswiilila mupailo wa Hana alimwi wakamugwasya kujana luumuno lwamumizeezo ciindi naakatyompedwe kapati

    • 1Bam. 19:​1-19—Ciindi musinsimi Elija naakatyompedwe, Jehova wakamugwasya kwiinda mukumupa cakulya alimwi ameenda. Wakamukulwaizya akumuumbulizya kwiinda mukupa bulangizi bwakumbele

Nkaambo nzi zisyomezyo zyamu Bbaibbele ncozitukulwaizya?

2Mak. 15:7; Int. 27:​13, 14; Heb. 6:​17-19; 12:2

  • Zibalo zyamu Bbaibbele zigwasya:

    • Job. 14:​1, 2, 7-9, 13-15—Noliba leelyo Jobu naakatyompedwe kapati, wakalizyi kuti Jehova wakali kuyoomubusya ikuti wafwa, eeci cakamuumbulizya kapati

    • Dan. 12:13—Musinsimi Daniele iwakajisi myaka iibalilwa ku 100, wakakulwaizyigwa amungelo iwakamwaambila zilongezyo zyakumbele

Ino tukulwaizyigwa buti ciindi notupaila kuli Jehova alimwi akuzinzibala kuyeeya makani ngotuzyi kujatikizya nguwe?

Int. 18:6; 56:​4, 11; Heb. 13:6

  • Zibalo zyamu Bbaibbele zigwasya:

    • 1Sam. 30:​1-9—Ciindi Davida naakali mumapenzi, wakapaila kuli Jehova alimwi wakayumizyigwa

    • Lk. 22:​39-43—Naakali mumapenzi, Jesu wakakombelezya Jehova kuti amugwasye, aboobo Jehova wakatuma mungelo kuti amukulwaizye

Ino mulumbe mubotu inga watukulwaizya buti, alimwi nkaambo nzi ncocili kabotu kuwaambila bamwi?

Tus. 15:30; 25:25; Is. 52:7

  • Zibalo zyamu Bbaibbele zigwasya:

    • Mil. 15:​2-4—Mwaapostolo Paulo a Barnaba bakabakulwaizya kapati bakwesu abacizyi mumbungano nzyobakali kuswaya

    • 3Joh. 1-4—Kacembeede, Johane wakakulwaizyigwa kapati ciindi naakamvwa kuti aabo mbaakayiisya makani mabotu bakacili kusyomeka

 

Andiza Inga Mwaakkomanina Ayaaya

NGAZI YAMULINDIZI

Mipailo Mboikonzya Kumugwasya

Mbuti mupailo mboukonzya kumugwasya kuliyumya mumapenzi?

AMWIIYE LUSYOMO LWABO

Hana—Wakapaila Kuli Leza Camoyo Woonse

Lusyomo lwa Hana muli Jehova lwakamugwasya kuliyumya mubukkale bwakali kulibonya mbuli kuti mbuyumu kapati.

AMWIIYE LUSYOMO LWABO

Eliya—Wakaumbulizyigwa a Leza Wakwe

Nzyintu nzi zyakacitika izyakapa kuti Eliya atyompwe kapati, cakuti wakalomba kufwa?

AMWIIYE LUSYOMO LWABO

“Tandikaleki Kusyomeka Pe!”

Ino mbuti makani aamu Bbaibbele aa Jobu mbwaakonzya kutugwasya ciindi notwajana mapenzi, naa masunko aamwi aasunka lusyomo lwesu?

KUJATIKIZYA NDISWE

Amulombe Kuswaigwa

Amubandike mubuzyo wamu Bbaibbele, naa amwiiye zinji kujatikizya Bakamboni ba Jehova.

MAGWALO AAGWASYA KUPONA BUUMI BWA BUNAKRISTO

Kukulwaizya

Chitonga
Kukulwaizya
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl map. 56-59
AMUSALE NZYOMUYANDA KUDAUNILODA
Kukulwaizya
Amusale naa muyanda kudauniloda zyakamwaigwa Magwalo Aagwasya Kupona Buumi bwa Bunakristo