Ku Khutazana
Hikwalahokayini swi ri swa nkoka leswaku malandza ya Xikwembu ma khutazana?
Esa 35:3, 4; Kl 3:16; 1Te 5:11; Hv 3:13
-
Swikombiso swa le Bibeleni leswi nga hi pfunaka:
-
2Tk 32:2-8—Loko vanhu vakwe va langutane ni nxungeto lowukulu, Hosi Hezekiya u va khutazile
-
Dn 10:2, 8-11, 18, 19—Ntsumi yi khutaze muprofeta Daniyele loyi a a dyuharile a tlhela a karhala swinene
-
Hikwalahokayini Yehovha a langutele leswaku vakulu va khutaza van’wana?
Nakambe vona Mt 11:28-30
-
Swikombiso swa le Bibeleni leswi nga hi pfunaka:
-
Dt 3:28; 31:7, 8—Hilaha Yehovha a vuleke hakona, muprofeta Muxe u khutaze ni ku tiyisa mutlhandlami wakwe, Yoxuwa
-
Mi 11:22-26; 14:22—Hikarhi wa nxaniso, muapostola Pawulo na Barnaba va khutaze Vakreste va le Antiyoka
-
Hikwalahokayini ku bumabumela swi suka embilwini swi ri swa nkoka loko hi ri karhi hi khutaza van’wana?
-
Swikombiso swa le Bibeleni leswi nga hi pfunaka:
-
Vaa 11:37-40—Vanhwanyana va le Israyele a va endzela n’wana wa nhwanyana wa muavanyisi Yefta lembe ni lembe leswaku va ya n’wi khutaza hileswi a sukeke ekaya a ya tirha eTabernakeleni
-
Nhl 2:1-4—Hambileswi Yesu a a fanele a tshinya Vakreste va le Efesa, u tlhele a va byela hi swilo leswinene leswi a va swi endla
-
Hi yihi ndlela leyi malandza yo tshembeka ya Yehovha ma nga khutazanaka ha yona?
Swiv 15:23; Ef 4:29; Flp 1:13, 14; Kl 4:6; 1Te 5:14
Nakambe vona 2Ko 7:13, 15, 16
-
Swikombiso swa le Bibeleni leswi nga hi pfunaka:
-
1Sa 23:16-18—Yonathani a a swi tiva leswaku munghana wakwe Davhida a lava ku khutaziwa, u n’wi lavile leswaku a ta n’wi tiyisa enkarhini wolowo wo tika
-
Yh 16:33—Yesu u tiyise vadyondzisiwa vakwe hi ku va tsundzuxa leswaku misava u yi hlurile naswona na vona va nga yi hlula loko va tekelela xikombiso xakwe
-
Mi 28:14-16—Pawulo swi n’wi tiyisile ku vona vamakwerhu va ta ku ta n’wi khutaza, loko a ri eriendzweni ro ya eRhoma leswaku a ya tengisiwa
-
Hikwalahokayini swi ri swa nkoka ku papalata ku nga xiximi ni moya wo gungula?
-
Swikombiso swa le Bibeleni leswi nga hi pfunaka:
-
Tin 11:10-15—Muprofeta Muxe u hetiwe matimba swinene hi moya wa ku nga yingisi lowu vanhu a va ri na wona
-
Tin 13:31, 32; 14:2-6—Mavulavulelo lama nga riki manene ya tinhlorhi ta khume leti nga riki na ripfumelo ma hete vanhu matimba ni ku endla leswaku va xandzuka
-
Hikwalahokayini hi khutazeka loko hi heta nkarhi na vamakwerhu?
Swiv 27:17; Rhm 1:11, 12; Hv 10:24, 25; 12:12
-
Swikombiso swa le Bibeleni leswi nga hi pfunaka:
-
2Tk 20:1-19—Loko Hosi Yehoxafati a langutane ni nxungeto lowukulu wa masocha yo tala, u hlengelete vanhu leswaku va khongela
-
Mi 12:1-5, 12-17—Endzhaku ka loko muapostola Yakobo a dlayiwile naswona muapostola Petro a pfaleriwe ekhotsweni, vandlha ra le Yerusalema ri hlengeletanile leswaku ri khongela
-
Xana langutelo lerinene ri nga hi khutaza njhani leswaku hi tiyisela hi mikarhi yo tika?
Mi 5:40, 41; Rhm 8:35-39; 1Ko 4:11-13; 2Ko 4:16-18; 1Pe 1:6, 7
-
Swikombiso swa le Bibeleni leswi nga hi pfunaka:
-
Gn 39:19-23; 40:1-8—Hambileswi a hehliweke ni ku pfaleriwa ekhotsweni swi nga fanelanga, Yosefa u tshame a tshembekile ni ku tiyimisela ku pfuna van’wana
-
2Th 6:15-17—Muprofeta Elixa a nga khomiwanga hi rhubyana loko a langutane ni khombo lerikulu naswona u khongelele ni nandza wakwe leswaku na yena a nga chavi
-
Ku kuma xikhutazo eRitweni ra Yehovha
Yehovha u hi tshembisa njhani leswaku u ta hi pfuna?
Swi hi khutaza njhani loko hi anakanyisisa hi ku lehisa mbilu ka Yehovha ni tintswalo takwe?
I yini leswi Yehovha a nga swi endlaka eka lava titwaka va hele matimba?
Ps 46:1; Esa 12:2; 40:29-31; Flp 4:13
-
Swikombiso swa le Bibeleni leswi nga hi pfunaka:
-
1Sa 1:10, 11, 17, 18—Yehovha u yingise xikhongelo xa Hana a tlhela a n’wi pfuna leswaku a va ni ku rhula
-
1Th 19:1-19—Loko muprofeta Eliya a hele matimba, Yehovha u n’wi nyike swakudya ni mati. U n’wi khutazile a tlhela a n’wi chavelela ni ku n’wi nyika ntshembo hi vumundzuku
-
Hikwalahokayini switshembiso swa le Bibeleni swi hi tiyisa?
2Tk 15:7; Ps 27:13, 14; Hv 6:17-19; 12:2
-
Swikombiso swa le Bibeleni leswi nga hi pfunaka:
-
Yb 14:1, 2, 7-9, 13-15—Hambileswi Yobo a hele matimba swinene, a swi tiva leswaku Yehovha u ta n’wi pfuxa, naswona sweswo swi n’wi chavelerile
-
Dn 12:13—Muprofeta Daniyele, loyi a ri na malembe ya kwalomu ka 100, u khutaziwe hi ntsumi leyi n’wi byeleke hi hakelo leyi a ta yi kuma enkarhini lowutaka
-
Hikwalahokayini swi hi khutaza ku khongela eka Yehovha ni ku tlhela hi anakanyisisa hileswi hi swi tivaka hiyena?
-
Swikombiso swa le Bibeleni leswi nga hi pfunaka:
-
1Sa 30:1-9—Loko Davhida a ri na swiphiqo, u khongele eka Yehovha naswona u kume matimba
-
Lk 22:39-43—Yesu u kombele Yehovha leswaku a n’wi pfuna, kutani Yehovha u rhumele ntsumi leswaku yi n’wi tiyisa
-
Xana swiviko leswinene swi hi khutaza njhani naswona hikwalahokayini swi ri swinene ku swi byela van’wana?
-
Swikombiso swa le Bibeleni leswi nga hi pfunaka:
-
Mi 15:2-4—Muapostola Pawulo na Barnaba va tiyise vamakwerhu swinene eka mavandlha lama a va ma endzela
-
3Yh 1-4—Loko se a dyuharile, Yohane u khutazekile kutwa leswaku lava a va dyondziseke mahungu lamanene a va ha tshembekile
-