Kukhozgana
Chifukwa wuli ntchakuzirwa kuti ŵateŵeti ŵa Chiuta ŵakhozganenge?
Yes 35:3, 4; Kol 3:16; 1Te 5:11; Heb 3:13
-
Viyelezgero vya mu Baibolo ivyo vingamovwirani:
-
2Mi 32:2-8—Themba Hezekiya likakhozga ŵanthu ŵake apo ŵalwani ŵawo ŵakaŵawofyanga
-
Da 10:2, 8-11, 18, 19—Mungelo wakakhozga Daniyeli pa nyengo iyo wakaŵa muchekuru kweniso apo wakavuka chomene
-
Chifukwa wuli Yehova wakukhazga kuti ŵalara ŵakhozgenge ŵabali na ŵadumbu?
Wonaniso Mt 11:28-30
-
Viyelezgero vya mu Baibolo ivyo vingamovwirani:
-
Do 3:28; 31:7, 8—Nga umo Yehova wakayowoyera, ntchimi Mozesi yikachiska na kukhozga Joshuwa uyo wakeneranga kunjira mu malo ghake kulongozga mtundu wa Israyeli
-
Mil 11:22-26; 14:22—Mpositole Paulosi na Baranaba ŵakakhozga Ŵakhristu ŵa ku Antiyoke mu nyengo ya nthambuzgo
-
Para tikukhozga ŵanyithu, chifukwa wuli tikwenera kuŵawonga pa ivyo ŵakuyezgayezga kuchita makora?
-
Viyelezgero vya mu Baibolo ivyo vingamovwirani:
-
Ŵer 11:37-40—Ŵamwali ŵa mu Israyeli ŵakalutanga chaka chilichose kukalumba mwana wa Yefita uyo wakateŵeteranga pa chihema
-
Chiv 2:1-4—Nangauli Yesu wakeneranga kupeleka ulongozgi ku Ŵakhristu ŵa mu Efeso, kweni wakaŵalumba pa ivyo ŵakachitanga makora
-
Kasi ŵateŵeti ŵakugomezgeka ŵa Yehova ŵangakhozgana wuli?
Zi 15:23; Efe 4:29; Fil 1:13, 14; Kol 4:6; 1Te 5:14
Wonaniso 2Ko 7:13, 15, 16
-
Viyelezgero vya mu Baibolo ivyo vingamovwirani:
-
1Sa 23:16-18—Yonatani wakamanya kuti mubwezi wake Davide uyo wakaŵa muchoko wakakhumbikwiranga kukhozgeka, ndipo wakamupenja kuti wamukhozge apo wakasangana na suzgo
-
Yoh 16:33—Yesu wakakhozga ŵapositole ŵake, wakaŵaphalira kuti iyo watonda charu ndipo nawo ŵangatonda usange ŵangamuyezga
-
Mil 28:14-16—Apo Paulosi wakalutanga ku Romu uko ŵakeruzgira mulandu wake, wakajipulika makora chomene apo wakasangana na ŵabali kuti ŵamukhozge
-
Chifukwa wuli tikwenera yayi kuyuyura ŵanyithu kweniso kuŵa na mzimu wa kudandawura waka chilichose?
-
Viyelezgero vya mu Baibolo ivyo vingamovwirani:
-
Maŵ 11:10-15—Ntchimi Mozesi yikagongowa chomene chifukwa chakuti Ŵaisrayeli ŵakapulikiranga yayi
-
Maŵ 13:31, 32; 14:2-6—Mphachi 10 zambura kugomezgeka zikapeleka lipoti lambura kukhozga ndipo vikapangiska kuti ŵanthu ŵagaluke
-
Chifukwa wuli tikukhozgeka usange tikuchita vinthu na ŵabali na ŵadumbu?
Zi 27:17; Ro 1:11, 12; Heb 10:24, 25; 12:12
-
Viyelezgero vya mu Baibolo ivyo vingamovwirani:
-
2Mi 20:1-19—Gulu la ŵasilikari likati lawofya Themba Yehoshafati, likawunganya ŵanthu na kulomba nawo lumoza
-
Mil 12:1-5, 12-17—Mpositole Yakobe wakati wakomeka kweniso mpositole Petrosi wakati wajalirika mu jele, ŵabali na ŵadumbu ŵa mu mpingo wa Yerusalemu ŵakawungana pamoza na kulomba
-
Kasi kughanaghanira za chigomezgo chamunthazi kungatovwira wuli kuti tilutilire kuŵa ŵankhongono para tasangana na masuzgo?
Mil 5:40, 41; Ro 8:35-39; 1Ko 4:11-13; 2Ko 4:16-18; 1Pe 1:6, 7
-
Viyelezgero vya mu Baibolo ivyo vingamovwirani:
-
Ge 39:19-23; 40:1-8—Nangauli Yosefe wakajalirika mu jele pa vifukwa vyautesi, kweni wakalutilira kugomezgeka na kovwira ŵanji
-
2Ma 6:15-17—Ntchimi Elisha yikachita wofi yayi apo ŵasilikari ŵakaŵazingilizga ndipo yikalomba Yehova kuti wawovwire muteŵeti wake kuti nayo waleke kopa
-
Baibolo likutikhozga chomene
Kasi Yehova wakutisimikizgira wuli kuti watovwirenge?
Kasi tikujipulika wuli para tikughanaghanira kuti Yehova ngwalusungu kweniso ngwakuzika?
Kasi Yehova wangaŵawovwira wuli ŵakulopwa?
Sa 46:1; Yes 12:2; 40:29-31; Fil 4:13
-
Viyelezgero vya mu Baibolo ivyo vingamovwirani:
-
1Sa 1:10, 11, 17, 18—Yehova wakategherezga lurombo lwa Hana ndipo wakamovwira kuŵaso na mtende
-
1Ma 19:1-19—Ntchimi Eliya yikakhuŵara chomene, ndipo Yehova wakayipa wovwiri wakuthupi. Wakayipembuzga, kuyikhozga na kuyipa chigomezgo chamunthazi
-
Kasi ivyo Baibolo latilayizga vikutipa wuli chikanga?
2Mi 15:7; Sa 27:13, 14; Heb 6:17-19; 12:2
-
Viyelezgero vya mu Baibolo ivyo vingamovwirani:
-
Yob 14:1, 2, 7-9, 13-15—Pa nyengo iyo Yobu wakasangana na masuzgo ghakuru, wakakhozgeka chomene na layizgo la chiwuka
-
Da 12:13—Ntchimi Daniyeli iyo yikaŵa na vyaka pafupifupi 100, yikakhozgeka na mungelo uyo wakayiphalira vitumbiko ivyo yizamusanga munthazi
-
Chifukwa wuli tikukhozgeka chomene para tikulomba na kughanaghanirapo ivyo Yehova wakutichitira?
-
Viyelezgero vya mu Baibolo ivyo vingamovwirani:
-
1Sa 30:1-9—Apo Davide wakasangananga na masuzgo wakalombanga kwa Yehova ndipo wakakhozgekanga chomene
-
Lu 22:39-43—Nyengo yinyake apo Yesu wakasangana na suzgo yikuru wakalomba kwa Yehova, ndipo Yehova wakatuma mungelo kuti wamukhozge
-
Kasi nkhani ziwemi zingatikhozga wuli, ndipo chifukwa wuli tikwenera kuphalirako ŵanyithu?
-
Viyelezgero vya mu Baibolo ivyo vingamovwirani:
-
Mil 15:2-4—Mpositole Paulosi na Baranaba ŵakakhozganga chomene mipingo iyo ŵakenderanga
-
3Yo 1-4—Mpositole Yohane wakati wachekura wakakhozgeka chomene kupulika kuti awo wakaŵasambizganga unenesko ŵakalutilira kugomezgeka
-