Ejemploetik te ya skoltayat:

• 2Cr 32:​2-8. Kʼalal talik ta ochintayel, te Ezequías la yakʼbey smukʼul yoʼtan te lume.

• Da 10:​2, 8-11, 18, 19. Jtul chʼul-abat la yakʼbey smukʼul yoʼtan te Daniel te mamalix-a sok te lujben ya yaʼiy sba-a.

Ejemploetik te ya skoltayat:

• Dt 3:28; 31:​7, 8. Te Jehová la yalbey te Moisés te akʼa yakʼbey smukʼul yoʼtan te Josué te ya xjelolinot yuʼun.

• Hch 11:​22-26; 14:22. Te Pablo sok te Bernabé la yakʼbeyik smukʼul yoʼtan te jchʼuunjeletik ta Antioquía te kʼalal la sitintayik kontrainel.

Ejemploetik te ya skoltayat:

• Jue 11:​37-40. Ta jujun jaʼbil, te achʼixetik ta Israel ya xbajt yutsilkʼoptayik te yantsil nichʼan Jefté te la yijkitay te sna yuʼun ya x-abatin ta nailpakʼ templo.

• Ap 2:​1-4. Manchukme te Jesús la stojobtes te congregación ta Éfeso, jaʼnix jich la yutsilkʼoptay yuʼun te bin lek yakik ta spasele.

Ejemploetik te ya skoltayat:

• 1Sa 23:​16-18. Kʼalal te Jonatán la snaʼ te pejkʼajem yip yoʼtan te David, bajt yil sok la yakʼbey smukʼul yoʼtan.

• Jn 16:33. Te Jesús la yalbey te jnopojeletik te ya xjuʼ ya stsalik te balumilal jich bitʼil la spas stukele.

• Hch 28:​14-16. Kʼalal yak ta ikʼel bael ta Roma te Pablo yuʼun ya x-ichʼot ta kʼop, te hermanoetik bajt staik tal, jich la sta smukʼul yoʼtan te Pablo.

Ejemploetik te ya skoltayat:

• Nú 11:​10-15. Te Moisés la smel yoʼtan yuʼun te la skʼaxuntayik mantal te israeletik sok te maʼyuk bin ya smulanik spasel.

• Nú 13:​31, 32; 14:​2-6. Te lajuntul jtsajtaywanejetik jaʼ la yalik te bin ma la smulanik, jaʼ yuʼun chebaj yoʼtan te lum sok la skʼaxuntayik kʼop.

Ejemploetik te ya skoltayat:

• 2Cr 20:​1-19. Kʼalal kʼan ochintayotuk te Judá, te ajwalil Jehosafat la stsob te lum yuʼun ya skʼoponik Dios.

• Hch 12:​1-5, 12-17. Kʼalal yichʼojix milel-a te Santiago sok ay ta chukojibal-a te Pedro, te congregación ta Jerusalén la stsob sbaik ta skʼoponel Dios.

Ejemploetik te ya skoltayat:

• Gé 39:​19-23; 40:​1-8. Manchukme ay ta chukojibal-a te José, la smukʼulin yoʼtan te Jehová sok spisil-ora la skoltay te yantike.

• 2Re 6:​15-17. Kʼalal joytaybil ta soldadoetik-a te Eliseo, ma xiw sok la skʼopon Jehová swenta ma xiw te j-abat yuʼun.

Ejemploetik te ya skoltayat:

• 1Sa 1:​10, 11, 17, 18. Kʼalal yak ta tulan mel-oʼtan-a te Ana, la skʼopon te Jehová, jich lamalnax kʼinal la yaʼiy sba.

• 1Re 19:​1-19. Kʼalal ay ta tulan mel-oʼtan-a te Elías, te Jehová la yakʼbey sweʼel yuchʼel sok la smukʼubtesbey kʼinal yaʼiy.

Ejemploetik te ya skoltayat:

• Job 14:​1, 2, 7-9, 13-15. Kʼalal yak ta kʼaxel ta tulan wokol-a te Job, jaʼ akʼbot yip yoʼtan yuʼun te ay chaʼkuxajele.

• Da 12:13. Kʼalal ayniwanix 100 yaʼbilal-a te Daniel, akʼbot smukʼul yoʼtan yuʼun jtul chʼul-abat sok albot te ya sta jun majtanil ta pajel chaʼbej.

Ejemploetik te ya skoltayat:

• 1Sa 30:​1-9. Kʼalal te David la sta tulan wokolil, la skʼanbey koltayel te Jehová swenta ya sta yip yoʼtan.

• Lu 22:​39-43. Kʼalal la sta tulan wokol te Jesús, la skʼanbey koltayel te Jehová, te Jehová la stikun jtul chʼul-abat swenta ya yakʼbey yip yoʼtan.

Ejemploetik te ya skoltayat:

• Hch 15:​2-4. Te congregacionetik bayal la sta smukʼul yoʼtanik kʼalal la yichʼik ulaʼtayel yuʼun te Pablo sok te Bernabé.

• 3Jn 1-4. Kʼalal ayix yaʼbilal-a te jpuk-kʼop Juan, bayal la sta smukʼul yoʼtan kʼalal la yaʼiy stojol te jun yoʼtan yakʼoj sbaik te ants winiketik te la scholbey skʼop te Diose.