Na Gha Zin Egbe Oya
Ọ khẹke ne eguọmwadia e Jehova gha mwẹ izinegbe ra?
Vbe ima ya rẹn hẹ wẹẹ, emwa hia i khian rhie ehọ ne ima ta yi vbe ima ghaa kporhu, kevbe wẹẹ, emwa eso gha vbe gbe ima odan?
Mat 10:22; Jọn 15:18, 19; 2 Kọr 6:4, 5
-
Igiemwi ni rre Baibol ni gha sẹtin ru iyobọ nuẹn:
-
2 Pit 2:5; Gẹn 7:23; Mat 24:37-39—Agharhemiẹn wẹẹ, “ọmwa nọ ghaa kporhu vbekpa iruemwiẹse,” ẹre Noa ghaa khin, emwa nibun ma rhie ehọ nẹẹn ta yi; irẹn vbe ẹgbẹe ọre ọkpa ẹre ọ miẹn uhunmwu vbe ẹghẹ ne Okpamẹ ya rhọọ
-
2 Tim 3:10-14—Ukọ e Pọl keghi tama e Timoti wẹẹ, irẹn zin egbe ọlọghọmwa nibun nẹ; ọ na we ne Timoti ya egbe taa irẹn
-
Vbe ima ya rẹn hẹ wẹẹ, ukpokpo sẹtin vbe ke obọ ẹgbẹe ọghe ima rre?
Mat 10:22, 36-38; Luk 21:16-19
-
Igiemwi ni rre Baibol ni gha sẹtin ru iyobọ nuẹn:
-
Gẹn 4:3-11; 1 Jọn 3:11, 12—E Ken keghi gbe Ebẹl ne ọtiọnrẹn rua, rhunmwuda, emwi ne irẹn ru ma gba, sokpan, emwi ne ọtiọnrẹn ru kegha re nọ gbae
-
Gẹn 37:5-8, 18-28—Vbe Josẹf ghi tama etiọnrẹn imina ne Jehova mu ma rẹn, iran keghi muẹn fi uwu uhae; vbe iyeke ọni, iran na khiẹn ọnrẹn zẹvbe ọviẹn
-
Vbọzẹ nọ ma na khẹke ne ima gha mu ohan uwu, vbe a ghaa zẹ ima kpokpo?
Vbe ya ghee Arhie 2:10
-
Igiemwi ni rre Baibol ni gha sẹtin ru iyobọ nuẹn:
-
Dan 3:1-6, 13-18—E Siedrak, Misiak kevbe Abẹdnigo keghi mu egbe ne iran ya wu, ne iran gha te ya ya uhunmwu rhanmwẹ otọ ne ẹbọ
-
Iwinna 5:27-29, 33, 40-42—Agharhemiẹn wẹẹ, avbe eghian ya ẹmwẹ uwu ghagha ma avbe ukọ, iran ma gi egbe iwinna ikporhu wọọ iran
-
De emwi nọ khian ru iyobọ ne ima, ne ima ye gha ya ẹkoata ga e Jehova, ọ gha khọnrẹn na gbe ima hin ọkhọ rre?
Itan 3:11, 12; Hib 12:5-7
-
Igiemwi ni rre Baibol ni gha sẹtin ru iyobọ nuẹn:
-
Nọm 20:9-12; Diut 3:23-28; 31:7, 8—Ẹko ma rhiẹnrhiẹn akhasẹ ighẹ e Mozis vbe Jehova gbe ẹre hin ọkhọ rre; ọrheyerriọ, ọ na ye ya ẹkoata ga e Jehova sẹ ufomwẹ
-
2 Ọba 20:12-18; 2 Krọ 32:24-26—Vbe Ọba e Hẹzẹkaia ru orukhọ, e Jehova keghi dia ẹre ye odẹ, ọ keghi mu egbe ẹre rriotọ, ọ na miẹn adia nii yi, ọ na ye gha ya ẹkoata ga e Jehova
-
Vbọzẹ nẹi na khuẹrhẹ ne ima ye gha ga e Jehova, vbe emwa ọvbehe gha sẹ e Jehova rae?
Jer 1:16-19; Hab 1:2-4
-
Igiemwi ni rre Baibol ni gha sẹtin ru iyobọ nuẹn:
-
Psm 73:2-24—Vbe ọsihuan ọkpa ghi bẹghe vbene emwi ya dunna ne emwa dan hẹ, ọ na gha roro ẹre deghẹ esa rrọọ, ne irẹn na ye ga e Jehova
-
Jọn 6:60-62, 66-68—Agharhemiẹn wẹẹ, emwa nibun sẹ e Jesu rae, ukọ e Pita ma kpa, rhunmwuda amuẹtinyan nọ ghaa mwẹ
-
De emwi nọ khian ru iyobọ ne ima ya gha mwẹ izinegbe?
Ma ghi rhikhan mu e Jehova
Diut 30:19, 20; Rom 15:5, 6; 1 Kọr 10:13
Ma ghi gha tie Baibol, ma ghi vbe gha mu emwi ne ima tie roro
Asan 7:12; Rom 15:4; Kọl 1:10, 11; 2 Pit 3:15-18
Ma ghi gha fannọ otọ ẹko ima ma e Jehova vbe ẹghẹ hia
-
Igiemwi ni rre Baibol ni gha sẹtin ru iyobọ nuẹn:
-
Dan 6:4-11—Te akhasẹ ighẹ e Daniẹl ye gha na erhunmwu gie Jehova vbene ọ ma na muẹn lẹre, agharhemiẹn wẹẹ, avbe eghian ghaa gualọ ọre uwu
-
Mat 26:36-46; Hib 5:7—Vbe asọn nokiekie ne Jesu gbe vbe agbọn, ọ keghi ya ekhọe hia na erhunmwu gie Jehova, ọ na vbe rhie igiọdu ne emwa ọvbehe ne iran ru vberriọ
-
Ma ghi gha deba etẹn ga e Jehova vbe ẹghẹ hia
Ma ghi gha muẹn roro vbe ẹghẹ hia, avbe afiangbe ne Jehova yan rẹn wẹẹ, irẹn gha rhie ne ima
Ma ghi gi ahoẹmwọmwa ne ima mwẹ ne Jehova kevbe etẹn ne ima gba ga gha wegbe yọ, ma ghi vbe gi emwi esi na ru kakabọ gha yẹẹ ima
Ma ghi gi amuẹtinyan ọghe ima gha wegbe yọ
Ma ghi gha mwẹ ilẹkẹtin wẹẹ, e Jehova ghọghọ vbe ima ghaa mwẹ izinegbe
De ere nọ rrọọ deghẹ ima na sẹtin zin egbe?
Ma keghi rhie uyi gie Osanobua ne Jehova
Itan 27:11; Jọn 15:7, 8; 1 Pit 1:6, 7
-
Igiemwi ni rre Baibol ni gha sẹtin ru iyobọ nuẹn:
-
Job 1:6-12; 2:3-5—Setan keghi kha wẹẹ, te Jehova fiangbe Job, ne Job mieke na gha gae; sokpan, e Job keghi zin egbe nọ ya rhie ẹre ma wẹẹ, ọhọnhoghe ẹre Setan khin
-
Rom 5:19; 1 Pit 1:20, 21—Jesu ma ya egbe taa Adam, ọ keghi zin egbe sẹ ufomwẹ; izinegbe ọghẹe keghi rhie ewanniẹn ye inọta na: Ọmwa nọ gbae gha sẹtin ye mudia ẹse vbe a gha danmwẹ ọnrẹn sẹ eke na ghi danmwẹ ọmwa sẹ ra?
-
Ma keghi rhie igiọdu ne emwa ọvbehe ne iran vbe gha mwẹ izinegbe
Izinegbe keghi ru iyobọ ne ima ya musọe vbe iwinna ugamwẹ ne ima ru
Asan 11:6; Luk 8:15; 2 Pit 1:5-8
Ma ghi khian ọsie Jehova, avbe afiangbe nọ yan rẹn ghi vbe sẹ ima obọ
Mat 24:13; Luk 21:19; 1 Kọr 15:58; Hib 10:36
Vbe ya ghee Rom 2:6, 7; Jems 1:12
You May Also Like
NỌ DEKAAN IMA
Tama Ima Ne Ima Do Gu Ruẹ Gha Ruẹ E Baibol Vbe Ọghe Ọhẹ
Gha ruẹ e Baibol vbe ẹghẹ kevbe ehe nọ gha yẹẹ ruẹ.
