Ngewa syĩ Mbivilianĩ itonya kũũtethya:

• 2Vt 2:5; Mwa 7:23; Mt 24:​37-39—O na kau Noa aĩ “mũtavanyʼa wa ũlũngalu,” andũ aingĩ mayaaĩthukĩĩsya ũvoo ũla watavanasya, na kwoou no we na mũsyĩ wake matangĩĩiwe kumana na ĩla mbua ya kĩwʼu kingĩ

• 2Ti 3:​10-14—Mũtũmwa Vaulo nĩwatũmĩie ngelekanyʼo yake mwene ya wũmĩĩsyo kũmwĩkĩa vinya Timotheo nĩ kana o nake omĩĩsye

Ngewa syĩ Mbivilianĩ itonya kũũtethya:

• Mwa 4:​3-11; 1Yo 3:​11, 12—Kaini ooaie mwana-a-inyia nũndũ meko make maĩ mathũku, ĩndĩ ma Aveli maĩ malũngalu

• Mwa 37:​5-8, 18-28—Ana-a-inyia ma Yosevu nĩmamũkwatie, mamwĩkya ĩimanĩ na mamũthoosya ta ngombo, kĩtumi nũndũ Yosevu amatavisye kana Yeova nĩwatumĩte aota ndoto ya mwanya

Ngewa syĩ Mbivilianĩ itonya kũũtethya:

• Nda 3:​1-6, 13-18—Satalaki, Mesaki, na Aveti-neko mayaaĩtĩkĩla kũthaitha mũvwʼanano ũla mũsumbĩ waseũvĩtye, o na kau mũsumbĩ aĩtye kana nũkũmoaa malea kũũthaitha

• Mek 5:​27-29, 33, 40-42—Atũmwa nĩmomĩĩisye na maendeea kũtavanyʼa ũvoo mũseo o na kau ve aũme mendaa kũmoaa

Ngewa syĩ Mbivilianĩ itonya kũũtethya:

• Mot 20:​9-12; Kũt 3:​23-28; 31:​7, 8—O na kau mwathani Mose ndaaendeewʼa nĩ ũkanyʼo ũla Yeova wamũnengie, nĩwaendeeie kũmĩĩsya e mũĩkĩĩku nginya mũthya

• 2Asu 20:​12-18; 2Mav 32:​24-26—Yĩla Mũsumbĩ Esekia wavĩtisye na akanwʼa nĩ mwathani wa Yeova, nĩweenyivisye na eetĩkĩla ũkanyʼo ũsu na aendeea kũmũthũkũma Yeova

Ngewa syĩ Mbivilianĩ itonya kũũtethya:

• Sav 73:​2-24—Mũandĩki wa Savuli oonaa ala athũku me na mũuo na maendeee nesa, na ũu watumie ona vate vata wa kũendeea kũmũthũkũma Yeova

• Yoa 6:​60-62, 66-68—O na kau andũ aingĩ nĩmaekie kũmũatĩĩa Yesũ, mũtũmwa Vetelo nĩwatwʼĩte vyũ kũendeea kũmĩĩsya e mũĩkĩĩonĩ

Ngewa syĩ Mbivilianĩ itonya kũũtethya:

• Nda 6:​4-11—Mwathani Ndanieli nĩwaendeeie kũmũvoya Yeova ũtheinĩ kĩla ĩvinda, o na kau ũndũ ũsu nĩwalikilye thayũ wake mũisyonĩ

• Mt 26:​36-46; Avl 5:7—Ũtukũ wake wa mũthya e kũũ ĩũlũ wa nthĩ, Yesũ nĩwavoyie na kĩthingʼĩĩsyo na eeaĩa angĩ o namo mekae o take

Ngewa syĩ Mbivilianĩ itonya kũũtethya:

• Yovu 1:​6-12; 2:​3-5—Satani aisye kana Yeova asũvĩaa andũ make nĩ kana mamũthũkũme, na kwoou yaĩ no nginya Yovu aendeee kwĩthĩwa e mũĩkĩĩku nĩ kana avuanyʼe ũvũngũ wa Satani

• Alo 5:19; 1Vt 1:​20, 21—Yĩla Yesũ womĩĩisye e mũĩkĩĩku nginya mũthya, nĩwasũngĩie ĩkũlyo yĩĩ ya vata: Kĩvathũkanyʼo na Atamu, yo nĩ ũndũ ũtonyeka mũndũ ũte na naĩ akethĩwa e mũĩkĩĩku kwa Yeova o na yĩla wakomana na matatwa momũ?