Mashimikila a mu Baibolo:

• 2Pe 2:5; Nt 7:23; Mat 24:37-39—Nangwa kya kuba Nowa wajinga “musapwishi wasapwilanga bololoke,” bantu kechi bamutelekelenga ne. Onkao mambo, aye ne kisemi kyanji bo bonkatu bapulukile muyulo

• 2Ti 3:10-14—Mutumwa Paulo watundaikile Timoti kuchinchika byonkatu aye byo achinchikile

Mashimikila a mu Baibolo:

• Nt 4:3-11; 1Yo 3:11, 12—Na mambo a kuba’mba Kaina wajinga na byubilo byatama, waipayile Abela nkasanji wajinga wa kishinka kwi Lesa

• Nt 37:5-8, 18-28—Yosefwa byo alumbulwijile bakolojanji kiloto kyafumine kwi Yehoba, bamukwachile ne kumupotesha mu buzha

Mashimikila a mu Baibolo:

• Da 3: 1-6, 13-18—Shadalaka, Meshaka ne Abedenego basajilepo kwibepaya kukila kupopwela nkishi

• By 5:27-29, 33, 40-42—Batumwa batwajijiletu kusapwila saka bachinchika nangwa kya kuba bebapingijilenga kwibepaya

Mashimikila a mu Baibolo:

• Ba 20:9-12; Mpi 3:23-28; 31:7, 8—Nangwa kya kuba Mosesa kyamukolele ku muchima byo bamufunjileko kwi Yehoba, aye watwajijiletu na kumwingijila mu bukishinka

• 2Mf 20:12-18; 2Mo 32:24-26—Mfumu Hezekiya byo alengele mambo, Yehoba waingijishe ngauzhi kumololako ne aye waswile byo bamufunjileko kabiji watwajijile kwingijila Yehoba

Mashimikila a mu Baibolo:

• Sl 73:2-24—Nyimbi wa masalamo byo amwene bantu batama saka baikala bulongo, wazhinaukile umvwe wafwainwa kutwajijila kwingijila Yehoba nangwa ne

• Yoa 6:60-62, 66-68—Nangwa kya kuba bantu bavula balekele kulondela Yesu, mutumwa Petelo watwajijiletu na kumulondela

Mashimikila a mu Baibolo:

• Da 6:4-11—Ngauzhi Danyela watwajijile kulomba kwi Yehoba nangwa kya kuba wabikilenga bumi bwanji mu kizumba

• Mat 26:36-46; Heb 5:7—Bufuku bwapeleleko bwa bumi bwanji pano pa ntanda, Yesu walombele na mukoyo ne kutundaika baana banji ba bwanga kuba bino

Mashimikila a mu Baibolo:

• Yob 1:6-12; 2:3-5—Satana wapeelemo mambo Yehoba kuba’mba ubena kuzhikijila bantu banji amba bamwingijilenga. Onkao mambo, Yoba wachinchikile makatazho onse kumwesha’mba Satana wa bubela

• Lo 5:19; 1Pe 1:20, 21—Kupusanako ne Adama wabujile kukookela Lesa, Yesu wachinchikile mu bukishinka kufikatu ne byo afwile ne kukumbula buno bwipuzho bwanema bingi bwa kuba’mba: Nanchi muntu waoloka wakonsha kwikala wa kishinka kwi Yehoba umvwe wapita mu makatazho abaya bingi nyi?